Yawuupullulla 9:4 - Mawu a Mulluku

⁴ Ddaalleelliwa wi ddihoononge munyepu apaalle miteekho apaalle erive yoomella. Koma ddahaakhullelliwa wi ddiwoononge athu yaayove ehinna echidindo ya Mulluku va eyuuchi viwa.

Yawuupullulla 9:4 ပူးပေါင်းရင်းမြစ်များ

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Yawuupullulla 14:1

Kaaweha nave kaamoona mwaanaankhosa iimenlle va mwaango wa Ziyoni. Aari vamodda ni athu 144,000 ayo eri ni nnddina naye ni nnddina na Attiitthinnya, ddilembiwe va eyuuchi ddiwa.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Yawuupullulla 6:6

Kahiiwa mawu awiiweya wonanko enavenyera variyari va ddoophatusiwa ddookumi ddisese ellotaka wi, “Ntuka na tirigu nimodda ninaakulliweke ni makobiri manchichi navettho matuka mararu a tirigu enaakulliweke ni makobiri manchichi. Koma muhoononge miteekho dda olivi ni mpesa!”

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

Aefeso 4:30

Nave muhikhupanyiheke Munepa Waweella vawi Munepooyo tti echizindikiro yawi nyuwaano tti aaye a Mulluku, osimikiza wi nllapo nineerokwakhwana nawi Mulluku aneerewuuttaphullani.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Masalimo 76:10

Ddawoona, osha murima wa athu oneerewuuriihani, oovulluwa o osha murimanko muneerewaasunga vakhuviru ni nyuwaano.

Yobu 1:12

Apwiya yaamwaakhulla Satana wi, “Eyaa, vano ddittheddene Yobu ariiyena kooddihiya m'mattani mwawo koma ohimuttannye olliye.” Sika Satana aavenyavo vamiitthoni va Apwiya.

Yobu 1:10

Ethiyo nyuwaano khemukhanlle mumutetezaka virive veko, olliyoolle vamodda ni nibanja naye ni ddeko ddaye ddittheddene? Moomudalisa va mitteko ddaye ddittheddene nave eyuumaaye yohaata wunchichi.

Yobu 2:6

Apwiya yaamwaakhulla Satana wi, “Eyaa, vano ddittheddene Yobu ariiyena kooddihiya m'mattani mwawo koma ohimwaakhe okumaaye.”

Yawuupullulla 7:1

Ddimallille ddenndda kahoonattho masomphenya a angelo asese yiimenlle va makona masese a ellapo yavatthi. Yaari ephanre ephevo ddisese wi ddihoope va ellapo yavattheella apaalle va enyanja naari va orive muteekho.