Yawuupullulla 9:2 - Mawu a Mulluku

² Etheneereeyo yaahulla ollitininko nave mwaakhuma mwiisi wonanko woovenyera mu ufuni muullupalli. Vano mwiisi woovenyera ollitininko waatthattusa nndduwa ni oddullu okhalla epiphi.

Yawuupullulla 9:2 ပူးပေါင်းရင်းမြစ်များ

Yowele 2:10

Ellapo yavatthi ennatikheya alliwa yaawaatamellaka. Oddullu onnatthukumella, nndduwa ni mweeri ddinnathiima, etheneeri ddinnahiya owala.

Genesis 19:28

Aaweha o mizinda dda Sodomu ni Gomora ni o ntaponne. Nave ahoona mwiisi ori tungulii okhuma muntaponimmo wonanko mwiisi wookhuma mu eng'anjo.

Yowele 2:2

Tti nllapo neepiphi ni neethakaraka, nllapo namirapo ddoottikana. Mulloko wa amasiva, tti wonanko epiphi ehuruwelle miyaango, khonooneyekevo waambeella khalle nave khowa wooneya.

Mitteko 2:19

Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yowele 2:30

“Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Yesaya 14:31

“Nyu avamullako, inllani moollipa! Nyu millako, vekani nikavihero mookhuwa! Nyu Afilisti, tthukumellani ni woova! Onani nthupi niri phellaa! Ovenyera ompoto nave va akhoto enaawaayo kheviri awoova.

Yawuupullulla 14:11

Mwiisi wa munllo woohoosa onnavirellella oya muddullu wa enthawi yoohimalla. Ayo enallapella enama yuullupalli yawoopiha ni nifano naye ni ayottho yadindiwe nnddina naye khewa yiithuuwa otthaana ni mahiiyu.”

Eksodo 19:18

Mwaango muttheene wa Sinai waahuruwelliwa ni mwiisi, ekaamba yawi Apwiya yaakitthella vamwaangonimvo mwa munllo. Mwiisooyo waanawella muddullu wonanko mwiisi wa ufuni nave mwaango muttheenoolle waheengereya wunchichi.

Genesis 15:17

Nndduwa nivollowille wene, epiphi yaambaka, moorurumusa vahooneya embawula yoothuwa mwiisi ni mutthiko wookhara nave ddeko piillinndda ddaavira variyari va enama ddoophaddiwanndde.

Yawuupullulla 8:12

Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Yawuupullulla 9:17

M'masomphenya mwaka mwemmo kahoona akavalo ni allupa oowella va akavalomvo ewanre ddawiitetezella dda mukoko dda ekhakadda ddiwa ddoofiira wonanko munllo, bululu wonanko nlluku na safire navettho yelo wonanko sulufure. Miru dda akavalwaayo ddaari wonanko dda mikango nave ovenyera muwano mwiwa mwaakhuma munllo, mwiisi ni sulufure.

Daniele 3:6

Arive muthu oohipopheya ekhove vatthi ni ollapella nifano nagolide aneerovokhelliwa mu eng'anjo yamunllo.”

Yawuupullulla 9:1

Nave mungelo aneetthanu ahoopa nipallapata naye. Kahoona etheneeri eyo yamorelle va ellapo yavatthi nave yaavahiwa makiiyi oohullella o nlliti noowallamellesesa.*

Yawuupullulla 9:11

Ddaakhalla ni mweniiwa oyottho ari mungelo oolamulella a ollitini woowallamellesesa wulle. Nnddina naye mu ellotello ya Eheberi tti Abadoni nave mu ellotello ya Egriki tti Apoliyoni (ottaphullella “Owoononga”).

Yawuupullulla 16:10

Nave mungelo aneetthanu aahella embalaaye o mpando woomwene wa enama yuullupalli yawoopiha. Vano epiphi yaawa virive veko vaphiyalle omwenaaye. Nave athu yaaniilluma mallumiiwa ekaamba ya ovoreya yiiweewanko.