Yawuupullulla 9:11 - Mawu a Mulluku

¹¹ Ddaakhalla ni mweniiwa oyottho ari mungelo oolamulella a ollitini woowallamellesesa wulle. Nnddina naye mu ellotello ya Eheberi tti Abadoni nave mu ellotello ya Egriki tti Apoliyoni (ottaphullella “Owoononga”).

Yawuupullulla 9:11 ပူးပေါင်းရင်းမြစ်များ

Yobu 26:6

Vamiitthoni va Mulluku, ellapo ya ookhwa kheniipittheya, nipuro na woonongeya khannakhuneelleya.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Yohane 16:11

Alliwaayo tti oolakwa va dda echiweruzo kaambiiwa oolamulella a va ellapo yavattheella oheeruziwa khalle.

Yohane 14:30

Ngillotattho ddinchichi ni nyuwaano vano kaambiiwa oolamulella a ellapweella animawa. Koma olliye khanna olamulello va miyaano.

Yohane 8:44

Nyuwaano tti anamwani a attiitthaanyu, Satana nave munapaalla weera minkhella dda attiitthaanyu. Yooyo aari mullupa awiipha ovenyera vawaamba nave khaari mwa yawoona kaambiiwa mwa yooyo kheyaamo yawoona. Analloteeye ddawoottha, anallota ovenyera m'murimani mwaye kaambiiwa tti awoottha ni attiitthiiwa a awoottha attheene.

1 Yohane 5:19

Ninnadduwella wi niri a Mulluku naari ellapo yavatthi ettheene elamuliwaka ni Oonanarooyo.

1 Yohane 4:4

Koma nyuwaano, anaaka, tti a Mulluku nave mohaagonjiha anamallotella awoottha kaambiiwa Munepa Waweella oyo ari mwa nyuwaano tti amasiva ohiyana ni munepa oyo ari mu ayo enakhalla mu ellapo yavatthi.

Yohane 12:31

Vano ella sika enthawi yaweeruza ellapo yavattheella nave oolamulella a ellapo yavattheella aneerovokhiwa otte.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Yobu 28:22

Woonongeya ni okhwa ddinallota wi, ‘Nohiiwa epillive ya ddennddo.’ ”

Yobu 31:12

Vawi tti wonanko mallumi amunllo ophiya o gehena, wooshellelliha vamodda ni misisi ddittheddene kiriimina.

Masalimo 88:11

Ethiyo echikondaanyu yoohisintheya ennayillalleya o mahame? Ethiyo ennatthopoolla dda ororomelleya wanyu onipuroni na woonongeya?

Miyambo 15:11

Ellapo ya ookhwa ni woonongeya ddiri vamiitthoni va Apwiya. Yookatamiha ttiivi ni mirima dda athu?

Luka 8:31

Minepa ddoonanarannddo ddaamuveka Yesu wi ahilamulelle wi ddakhuma mwa muthooyo ddavollowe mu nlliti noowallamellesesa.*

Yohane 5:2

Mu Yerusalemu vakhuviru ni mullako wa Enkhosa vaakhalla nthiya nooromolliwa Betisaida mu ellotello ya Eheberi naakhalla ni makhote matthanu.

Yawuupullulla 16:16

Vano minepa ddoonanaranndde ddahaatthukumaniha vamodda mamwenaalle vanipuroni nooromolliwa wi, “Armagedoni” mu ellotello ya Eheberi.