Yawuupullulla 8:8 - Mawu a Mulluku

⁸ Nave mungelo aneepiilli ahoopattho nipallapata naye. Ello emoddeene yawooneya wonanko mwaango muullupalli yookhara munllo yaavokhelliwa mu enyanja. Emodda mwa ezigawo ddiraru dda enyanjeeyo yaatthattuwa nikhame,

Yawuupullulla 8:8 ပူးပေါင်းရင်းမြစ်များ

Yeremiya 51:25

We mwaango wawoononga, we ootthollosa ellapo yavatthi ettheene, kinawiipa mullatu. Kineerottaphurusa nnatta voopalla wuullaka ni wuukakhella vatthi ovenyera o mallukwaawo nave kineerewuutthattusa mwaango woosha. Mi Apwiya koollota.

Mariko 11:23

Ddawoona, kinimuulleellani wi muthu ahiikayikellaka yeekha m'murimani mwaye koma anakhulupilila wi eyo allotilleeye eneereweereya nave allota wa mwaangoolla wi, ‘Venya wiivokhelle weekha mu enyanja,’ eneereweereya.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Yawuupullulla 11:6

Aakhalla ni olamulello wommaka murimu wi ahirupe va enthawi enallotelliiwa. Aakhallattho ni olamulello wootthattusella aneetuutu amaaddi okhalla nikhame. Aakhallattho ni olamulello woowiiha millilli ddoohiyanahiyana va ellapo yavatthi enthawi enapaalliiwa.

Amosi 7:4

Nndda sika Apwiya Mulluku yakoonihelliiwa m'masomphenya mamodda. Yaakhozekella waallaka athwiiwa ni munllo. Munllooyo wahummiha maaddi oowallamellesesa nave wahaamba woononga ellapo yavatthi.

Ezekiele 14:9

“Namallotella allekiwa anallotella, tti miyaano kimullekille. Sika kineeromoononga nave kineeromuvenyiha variyari va athwaaka Aisraele.

Zekariya 13:8

Mwa athu araru eelli eneerewiiphiwa nave mmodda sika anaahalle ni okumi.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yawuupullulla 9:15

Angelo asesaalle yaattaphulliwa vawi yaari ekhozeriwe enthawi yeella, nllapo nenna, mweeri yoolla ni muyakha yoolla wi yiiphe embali emodda mwa ezigawo ddiraru dda athu attheene.

Yawuupullulla 9:18

Emodda ya ezigawo ddiraru dda athu yahiiphiwa ni millilli miraru; munllo, mwiisi ni sulufure ddoovenyera muwano mwa akavalo ayo.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.