Yawuupullulla 8:7 - Mawu a Mulluku

⁷ Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Yawuupullulla 8:7 ပူးပေါင်းရင်းမြစ်များ

Yawuupullulla 9:4

Ddaalleelliwa wi ddihoononge munyepu apaalle miteekho apaalle erive yoomella. Koma ddahaakhullelliwa wi ddiwoononge athu yaayove ehinna echidindo ya Mulluku va eyuuchi viwa.

Ezekiele 38:22

Kineeromullaka ni mullilli owaaka okhwa. Kineeromumorihella olliye, akhotwaaye ni va mitundu ddittheddene dda athu enuukavihera, murimu, marallalla, munllo ni sulufure.

Yawuupullulla 9:18

Emodda ya ezigawo ddiraru dda athu yahiiphiwa ni millilli miraru; munllo, mwiisi ni sulufure ddoovenyera muwano mwa akavalo ayo.

Yawuupullulla 9:15

Angelo asesaalle yaattaphulliwa vawi yaari ekhozeriwe enthawi yeella, nllapo nenna, mweeri yoolla ni muyakha yoolla wi yiiphe embali emodda mwa ezigawo ddiraru dda athu attheene.

Yesaya 28:2

Apwiya aakhalla ni mmodda amasiva ni eekophollo. Nave olliye aneeroowa wonanko mullilli wa marallalla ni ephevo yawoononga, wonanko echigumula yookwekweresa ddittheddene nave aneerewaakuhella vatthi moohimoriwa ethakaraka.

Masalimo 105:32

Yahaavaha marallalla munipuroni mwa murimu, ettari eyo yasherima mu ellapwiiwa.

Yawuupullulla 16:21

Marallalla muullupalli, nimodda noollemella makilogaramu 50, yahaamorella athu ovenyera oddullu. Nave athu yaamullotella epewe Mulluku kaambiiwa mullillooyo waari wawoopiha.

Yesaya 32:19

Komave otthako oneerewoonongeya ni marallalla nave muzinda oneerokumulliwa.

Yesaya 30:30

Apwiya eneerovuwiha mawiiwa awoopiha nave athu eneerewoona nnatta niwa nikitthaka va alliwa ni owalli wawoopiha ni mallumi amunllo wawoononga variyari va ettari, namondwe ni marallalla.

Yesaya 29:6

Apwiya Amasiva Mattheene eneerewuuvullusa ni ogugudeya, echivomerezi ni onyakulla wuullupalli. Eneeromurumihattho namangalle, namondwe ni mallumi amunllo wawoononga.

Yoswa 10:11

Yaathawiiwa Aisraelaayo vookitthani mwaango wa Betehoroni ophiya o Azeka, Apwiya yaamoriha malluku a marallalla va alliwaayo ovenyera oddullu nave yaawiipha. Awiiphiwa ni marallalla yaari anchichi waakhwaranya awiiphiwa ni Aisraele.

Yawuupullulla 16:2

Mungelo awaamba aaya ahella embalaaye va ellapo yavatthi. Makhwata oohoosa ni oovoreya yaakhuma vamiillini va athu attheene ayo yaakhenlle echidindo ya enama yuullupalli yawoopiha ni va ayo yallapenlle nifano niwa.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

1 Petro 1:24

Mawu a Mulluku eni, “Athu attheene tti wonanko manasi, oreera wiwa tti wonanko malluwa oohakani. Manasi ennanyaalla, malluwa ennavakareya,

Yakobo 1:11

Vawi nndduwa ninnakhuma ni oviha wiwa nave ninnuumiha ddoomella, malluwaaye ennamora navettho oreera wiwa onnamalla. Mwawi ddiiddattho muthu eeyuuma aneeronyaalla apharaka mutteko moohakallalla.

Yowele 2:30

“Kineerewooniha ddoottikhiniha, oddullu ni ellapo yavatthi, nikhame, munllo ni mwiisi woottikana.

Eksodo 9:33

Mose aavenyawo wa Farao wulle, akhuma m'muzindanimmo nave aavekella wa Apwiya. Vano ogugudeya wa murimu wulle ni marallallaalle ddaahiya navettho murimu aamwara.

Yawuupullulla 7:1

Ddimallille ddenndda kahoonattho masomphenya a angelo asese yiimenlle va makona masese a ellapo yavatthi. Yaari ephanre ephevo ddisese wi ddihoope va ellapo yavattheella apaalle va enyanja naari va orive muteekho.