Yawuupullulla 8:3 - Mawu a Mulluku

³ Mungelo mmodda ookhalla ni embale ya golide aawa iimella va nikuwa na mukutho. Aavahiwa lubani munchichi wi aanjerere vamodda ni mavekello a athu a Mulluku ni wi aheraatthi va nikuwa nagolide nno niimenlle vamiitthoni va mpando woomwene.

Yawuupullulla 8:3 ပူးပေါင်းရင်းမြစ်များ

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Yawuupullulla 8:4

Mwiisi wa lubani ddoosiwanndde waaya muddullu wa Mulluku vamodda ni mavekello a athu a Mulluku ovenyera m'mattani mwa mungelo.

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Luka 1:10

Mulloko muullupalli wa athooyo waari ovekellaka vaatte va enthawi yawoosa mukuthooyo.

Yawuupullulla 9:13

Nave mungelo aneetthanu ni mmodda ahoopa nipallapata naye. Kahiiwa mawu oovenyera o makona masese a nikuwa nagolide nawiimella vamiitthoni va Mulluku.

Malaki 1:11

Ovenyera wookhuma nndduwa ophiyera woovollowa nndduwa nnddina naka ninaakhalle nuullupalli variyari va mitundu ddittheddene. Va nirive nipuro ennakoosella lubani* nave ennavelleella mikutho ddoopatuleya vawi nnddina naka tti nuullupalli variyari va mitundu dda athu ddittheddene. Mi Apwiya Amasiva Mattheene koollota.

Aheberi 9:4

Mwemmo mwaakhalla nikuwa nagolide vooheraatthella mukutho wa lubani* nave ni nibokosi na echipangano nittheene noomariwa ni golide. Nave muwari mwa nibokosinno mwaakhalla kapu a golide oyo mwahelliwe mana, ekopo ya Aroni yaphuwalle makukhweelle yaari mwemmottho navettho malluku meelli valle valembiwe malamulo a Mulluku.

Eksodo 40:26

M'musasanimmo aahiyamo nikuwa nagolide vahoollo va ekatani yootchinga.

Aheberi 7:25

Nave sika annawora, ollello ni mallapo mattheene waavullusa ayo enawa wa Mulluku oweella mwa olliye vawi ookhalla ni okumi woohimalla wi aavekellelleke athu wa Mulluku.

Aroma 8:34

Ttaani vano anaaweeruze wi tti oochimwa? Khaavo. Vawi Khrisitu Yesu, aakhwa nave aavenyihiwa wa ookhwa nave annakhalla o nnattanatta na Mulluku, olliyettho annanivekella hiyaano attheene!

Amosi 9:1

Vano kaawoona Apwiya yiimenlle vakhwipi va nikuwa nave yaallota wi, “Morihani muru wa apoto a enyumba ya Apwiya wi matthipellwiiwa etikheye. Mwaamorihelle vamiruni va athu. Attheene ayo enaahalle kineerowiipha ni nsupada, khakhallavo naari mmodda anaathawe, khaphwanyeya naari mmodda anaavulluwe.”

1 Mamwene 7:50

Ddoothiimihella enyali, mabeseni, embale ddawoosellamo lubani* navettho eziwaya ddoovallella munllo ddaari ddagolide aphaama. Nave aapangiha ddoomakella machiwi a enyumba ya Apwiya, machiwi a muwari oovollowella o nipuro naweellesesa ni machiwi oovollowella o enyumba ya Apwiya, ddittheddenennddo ddaari ddoohuruwelliwa ni golide.

Yawuupullulla 7:2

Nave kaamoona mungelo mmodda avenyeraka wookhuma nndduwa akusalle echidindo ya Mulluku Ookumi. Aakhuwa moowelliha mawaaye wa angelo asesaalle ayo yavahiwe masiva ni Mulluku wi yoononge ellapo yavatthi ni enyanja.

Yawuupullulla 6:9

Nave mwaanaankhosa aamarulla yoomarella yaneetthanu. Vano kahoona vatthi va nikuwa minepa dda athu ayo yiiphiwe ekaamba yoollalleya mawu a Mulluku ni wi yaari oororomelleya voovelleellani omboni wa echikhulupililwiiwa.

Yawuupullulla 10:1

Nave kaamoona mungelo mmodda amasiva awaaka ovenyera oddullu nave ahuruwelliwe m'miraponi navettho mwiisherima waaphenlle omuruni waye. Ekhovaaye yaari wonanko nndduwa ni meto ddaye ddaari wonanko apoto amunllo.

Numeri 4:11

Yaannddellelle ekuwo yabululu va nikuwa nagolide nave eyiikhuneelle ni mattapara awoollowa nave ehereremo ekopo ddiwa.

Numeri 7:62

Aavelleellattho muchecho mmodda wa golide woollemella magaramu 110, wooddalla ni lubani.

Yesaya 6:6

Vano mmodda a Aserafi aavavella wa miyaano, akusalle ninkhalla na munllo m'mattani mwaye. Ninkhallanno anithumunlle ni ddoovallella ovenyera va nikuwa na mukutho.

Ezekiele 41:22

nikuwa namatabwa. Nayiille muddullu nimita nimodda ni hafu, orekama ni okhuveya wiwa waari nimita nimodda. Eferemwiiwa, vatthi viwa ni esiri ddiwa ddaari ddoopangiwa ni muteekho. Muthoolle aakilleella wi, “Tebulo yoolla sika anakhalla vamiitthoni va Apwiya.”

Yawuupullulla 8:5

Nave mungeloolle aakusa embale ya golideelle avallellamo munllo woovenyera va nikuwa nave ayivokhella va ellapo yavatthi. Nave vaakhalla ogugudeya wa murimu, onyakulla, ettari ni echivomerezi.

Yawuupullulla 14:18

Mungelo mmodda, oyo aari oolamulella munllo, aawa ovenyera va nikuwa na mukutho. Aamukhuwella mungelo ookhalla ni echikwakwa yawiishoolle ni mawu oowella awi, “Ambavo ophadda mpesa wa mu emata ya va ellapo yavatthi kaambiiwa mpesooyo wohimma!”