Yawuupullulla 8:12 - Mawu a Mulluku

¹² Mungelo aneesese ahoopa nipallapata naye. Emodda mwa ezigawo ddiraru dda nndduwa, mweeri ni etheneeri ddahoonongeya sika owala wiwa waatthattuwa epiphi. Owala khewaariwo waambeella emodda mwa ezigawo ddiraru dda otthaana ni dda mahiiyu.

Yawuupullulla 8:12 ပူးပေါင်းရင်းမြစ်များ

Yowele 2:31

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Yesaya 13:10

Vawi etheneeri ddittheddene ddooddullu khaddiwala. Nndduwa nineeroripa vookhumani nave mweeri khowala.

Yowele 2:10

Ellapo yavatthi ennatikheya alliwa yaawaatamellaka. Oddullu onnatthukumella, nndduwa ni mweeri ddinnathiima, etheneeri ddinnahiya owala.

Yawuupullulla 6:12

Nave kaamoona mwaanaankhosa amarullaka yoomarella yaneetthanu ni emodda. Vaakhalla echivomerezi yuullupalli nave nndduwa naathiima wonanko ekuwo yooripa ya naamukhwelle nave mweeri muttheene waatthattuwa okhalla woofiira wonanko nikhame.

Yawuupullulla 9:18

Emodda ya ezigawo ddiraru dda athu yahiiphiwa ni millilli miraru; munllo, mwiisi ni sulufure ddoovenyera muwano mwa akavalo ayo.

Yawuupullulla 9:15

Angelo asesaalle yaattaphulliwa vawi yaari ekhozeriwe enthawi yeella, nllapo nenna, mweeri yoolla ni muyakha yoolla wi yiiphe embali emodda mwa ezigawo ddiraru dda athu attheene.

Mariko 13:24

“Enthawi yeeyo ddamalla ddoohoosa ddennddo, nndduwa nineerothiima nave mweeri khowala.

Mateyu 24:29

“Enthawi yeeyo ddamalla ddoohoosa dda mallapo yaayo, nndduwa nineerothiima nave mweeri khowala, etheneeri ddineeromora ovenyera oddullu nave masiva a muddullu eneerotikhiwa.

Yowele 3:15

Nndduwa ni mweeri ddinnathiima, etheneeri ddinnahiya owala.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

2 Akorinto 4:4

Khenakhulupilila kaambiiwa mulluku oonanara a ellapo yavattheella oheeriha mirima ddiwa wi ddihooneke. Sika khenawora woona omolleella wa othenga waphaama wa ntitimiho na Khrisitu oyo anaphwanaphwana ni Mulluku.

Luka 21:25

“Vineerokhalla ezizindikiro vanndduwani, vamweerini ni vatheneerini. Nave va ellapo yavatthi, orive mutundu wa athu oneerohoosiwa ni ohalleellihiwa yaweera ekaamba ya oruma wa ephevo ya va enyanja.

Mariko 15:33

Waambeella 12 koloko otthaana ophiyera 3 koloko waakhalla epiphi mu ellapo ettheene.

Mateyu 27:45

Waambeella 12 koloko otthaana ophiyera 3 koloko waakhalla epiphi mu ellapo ettheene.

Yeremiya 4:23

Kaaweha va ellapo yavatthi, yaari yoohikhalla ni erive ello. Kaaweha muddullu, khemwaari erive yoowala.

Mitteko 2:20

Nndduwa nineerothiima, mweeri oneerofiira wonanko nikhame nihinaphiye nllapo nuullupalli ni nawoopiha na Apwiya.

Amosi 8:9

Apwiya Mulluku enallota wi, “Va nllapo nenno kineeroripiha nndduwa otthaana, kineeromoriha epiphi va ellapo yavatthi nndduwa niikimoopa.

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yawuupullulla 16:10

Nave mungelo aneetthanu aahella embalaaye o mpando woomwene wa enama yuullupalli yawoopiha. Vano epiphi yaawa virive veko vaphiyalle omwenaaye. Nave athu yaaniilluma mallumiiwa ekaamba ya ovoreya yiiweewanko.