Yawuupullulla 8:11 - Mawu a Mulluku

¹¹ (Nnddina na etheneereeyo tti, “Owaawa.”) Emodda mwa ezigawo ddiraru dda maaddi yaatthattuwa oowaawa nave athu anchichi yawirya maaddaayo yaakhwa ekaamba ya owaawanko.

Yawuupullulla 8:11 ပူးပေါင်းရင်းမြစ်များ

Yeremiya 23:15

Ekaamba ya ddenndda, voollotani dda anamallotella yaalla, Apwiya Amasiva Mattheene enallota wi, “Kineerewaachiha ddoomella ddoowaawa ni waawiryiha maaddi anttipwi ekaamba ya ddoonanara dda anamallotella a o Yerusalemu ddiddanlle ellapo ettheeneella.”

Yeremiya 9:15

Ngiiwani vano nnddo mi Apwiya Amasiva Mattheene, Mulluku a Israele, kineereemi. Athu yaalla kineerewaachiha ddoomella ddoowaawa ni waawiryiha maaddi anttipwi.

Deuteronomo 29:18

Moonesese wi vihikhalle oorukunuwa murima wi aahiye Apwiya Mullukwaanyu naari mullopwana, mutthiyana, nibanja apaalle nlloko mwa attheenenyu ni waamba ollapella milluku ddimodda. Weera ddiidda onaphwanaphwana ni musisi wooyara nttipwi ni echipaso yoowaawa.

Amosi 6:12

Ethiyo akavalo ttuuthamaka vanllukuni? Ethiyo mmodda ttuullima vanyanjani ni eng'ombe? Koma echiweruzo mooyitthattusa nttipwi ni echilungamo mooyitthattusa yoowaawa.

Amosi 5:7

Otulli wa ayo enakhoromaniha echilungamo, enanyaambusa ddoolungama.

Maliro 3:19

Kinnuupuwella ddoohoosa ddaka ni ddookatamiha ddaka, ddiri wonanko yoowaawa nave nttipwi.

Miyambo 5:4

Koma mamallihellwiiwa enakhalla oowaawa wonanko tthuukwi nave oovoreya wonanko nsupada nawiisha nngu ni nngu.

Yawuupullulla 8:7

Mungelo awaamba ahoopa nipallapata naye. Nave marallalla ni munllo ddoottakanyiheriwa ni nikhame ddaavokhelliwa va ellapo yavatthi. Emodda mwa ezigawo ddiraru dda va ellapo yavatthi yahoosiwa navettho emodda mwa ezigawo ddiraru dda miteekho ni munyepu muttheene ddahoosiwa.

Aheberi 12:15

Chenjerani wi arive muthu ahihokollweelle mutulli ni otathilla echisomo ya Mulluku. Chenjerani wi arive muthu ahikhalle wonanko echipaso yoowaawa ni awaambiha ddoohoosa wa athu akhwaaye.

Maliro 3:5

Aakaapheelliha virive veko ni ddoovoreya owaaka ddoohoosa.

Rute 1:20

Olliyooyo ahaalleella wi, “Muhinakiromollaka wi Naomi koma mukiromolleke wi Mara vawi Apwiya Mulluku Muullupalli aheeriha okumaaka wi okhalle wa ethakaraka ddinchichi wuukhwaranyani nyuwaano.

Eksodo 15:23

Nave yaaphiya o Mara koma wenko maaddiiwa yaari oowaawa, mwawi kheyaaworille waawirya. Sika ekaambiiwa nipuronno yanivahilliiwa nnddina nawi Mara.

Zekariya 13:8

Mwa athu araru eelli eneerewiiphiwa nave mmodda sika anaahalle ni okumi.

Zekariya 13:9

Athu ayo enaahalle ni okumi kineerewaahiya viikho ni oweelliha wonanko enamweellihelliiwa siliva. Kineerewaayeza wonanko eneerelliiwa ni golide. Sika eneerewiithana mu nnddina nave kineerowaakhulla. Kineerewaalleella wi alliwa tti athwaaka nave eneerewaakhullella wi mi Apwiya tti Mullukwiiwa.”

Yawuupullulla 9:15

Angelo asesaalle yaattaphulliwa vawi yaari ekhozeriwe enthawi yeella, nllapo nenna, mweeri yoolla ni muyakha yoolla wi yiiphe embali emodda mwa ezigawo ddiraru dda athu attheene.

Yawuupullulla 9:18

Emodda ya ezigawo ddiraru dda athu yahiiphiwa ni millilli miraru; munllo, mwiisi ni sulufure ddoovenyera muwano mwa akavalo ayo.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.