Yawuupullulla 7:3 - Mawu a Mulluku

³ Mungelooyo aallota wi, “Muhoononge ellapo yavatthi apaalle enyanja naari miteekho ophiyera naadindalle oorumeyella a Mullukwaahu va eyuuchi ddiwa.”

Yawuupullulla 7:3 ပူးပေါင်းရင်းမြစ်များ

Yawuupullulla 22:4

Eneerewoona ekhovaaye nave nnddina naye nineerolembiwa va eyuuchi ddiwa.

Ezekiele 9:4

Yaamulleella wi, “Khawe o muzinda muttheene wa Yerusalemu, wahiye echizindikiro va eyuuchi ya arive muthu oyo aninlla ni wiipullella ekaamba ya onanariwa ni ddoonanara ddineereya wenko.”

Yawuupullulla 9:4

Ddaalleelliwa wi ddihoononge munyepu apaalle miteekho apaalle erive yoomella. Koma ddahaakhullelliwa wi ddiwoononge athu yaayove ehinna echidindo ya Mulluku va eyuuchi viwa.

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 14:1

Kaaweha nave kaamoona mwaanaankhosa iimenlle va mwaango wa Ziyoni. Aari vamodda ni athu 144,000 ayo eri ni nnddina naye ni nnddina na Attiitthinnya, ddilembiwe va eyuuchi ddiwa.

Yawuupullulla 13:16

Enama yuullupalli yawoopiha yahaawatihera athu attheene, ang'onong'ono ni uullupalli, eeyuuma ni oohoowa, akaporo ni ehiri akaporo wi edindiwe va nnattanatta apaalle va eyuuchi ddiwa.

Eksodo 12:13

Nikhamenno ninaakhalle echizindikiro ya enyumba nnddo munakhalleenyumo. Koona nikhamenno kineerewuukhwaranyani nyuwaano nave mullilli wawoononga khewuumorellani kaallakaka ellapo ya Iguputo.

Yesaya 54:17

Koma kheyiivo echida yoohanelliwa weyaano enuuvoreye, attheene awuullotella ddoonanara oneerewaavaanya. Ella sika yoohallana ya oorumeyellaaka, miyaano sika kinaalungamiha.” Apwiya sika enallota.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 6:6

Kahiiwa mawu awiiweya wonanko enavenyera variyari va ddoophatusiwa ddookumi ddisese ellotaka wi, “Ntuka na tirigu nimodda ninaakulliweke ni makobiri manchichi navettho matuka mararu a tirigu enaakulliweke ni makobiri manchichi. Koma muhoononge miteekho dda olivi ni mpesa!”

Malaki 3:18

Vano athu eneerohiyaniha variyari va athu oolungama ni oohilungama, variyari va ayo enamurumeyella Mulluku ni ayo ehinamurumeyella.

Eksodo 12:23

Apwiya eneerovira mu ellapo ettheene ya Iguputo wi ewiiphe anamwani attheene aallopwana awaamba a Aiguputo. Yaawoonaka nikhamenno va embali ddiraru dda eferemu ya vamullakoni eneerekokhwaranya mullakooyo nave khemwaakhullellaka mungelwaaye awoononga wi avollowe mpa mwanyu wi awiipheni.

Yohane 12:26

Muthu aakirumeyellaka miyaano, akithware miyaano vawi wenko kinaakhalleemi oorumeyellaaka anaakhallettho wenko. Nave Attiitthaaka eneeromuriiha oyo anakirumeyella.

Mateyu 24:22

Nave Mulluku ahaayevihalleke mallapwaayo, khaavo naari muthu mmodda aavulluwe. Koma ekaamba ya athwaaye ootthoolliwa, Mulluku aneerewayeviha mallapwaayo.

Zefaniya 2:3

Nyu attheene awiiyeviha, waashaasheni Apwiya, nyu muniiwellella malamulwiiwa. Ashaashani echilungamo ni wiiyeviha apaalle ttuuvulluwa va nllapo na osha murima wa Apwiya.

Yesaya 65:8

Apwiya enallota wi, “Vinyo akhallamove mu mpesa athu ennallota wi, ‘Muhoononge vawi ddooddiva ddookhallamove.’ Emoddamoddave yeeyo miyaano kineeroweerella athwaaka, ngiwoononga attheene.

Yesaya 27:8

Apwiya yahaallaka voowiikarihani ni waarumiha wuukaporoni. Yahaaviddeellella ni ephevwiiwa yawoopiha yoovenyera wookhuma nndduwa.

Yesaya 6:13

Naari echigawo yaneekhumi ya athu ehanlle mwiillaponimmo, elliwattho eneerohelliwa munllo. Koma wonanko miteekho dda mwaaka ni dda muthundu ddinahiyeriwiiwa nikoto ddakakathiwa, emoddamoddave yeeyo mmiddo woopatuleya oneerohalla mu ellapo.”

Aroma 6:22

Koma vano moottaphulliwa o machimo nave nyuwaano tti akaporo a Mulluku. Yoophuravwaanyu tti okumi waweella oyo onawuhoollelleni o okumi woohimalla.

Mateyu 24:31

Nave kineerewaarumiha angelwaaka ni nipallapata nuullupalli omapuroni mattheene masese a ellapo yavatthi. Nave angelwaalla eneerewaatthukumaniha ootthoolliwaaka ovenyera o mamallihello a ellapo yavatthi ophiya o mamallihellwaaye mamodda.

Daniele 6:16

Sika mwene aalamula wi yamuphare Daniele emuvokhelle mu nlliti na mikango nave mwene aallota ni Daniele wi, “Mullukwaawo onamurumeyelleewe moororomelleya enthawi ettheene uuvulluse!”

Daniele 3:26

Sika Nebukadinezara ahaatamella o mullako wa eng'anjo yamunllo iithana wi, “Shadrake, Meshaki ni Abedenego, oorumeyella a Mulluku Amasiva Mattheene, khumani! Waani wuno!” Nave Shadrake, Meshaki ni Abedenego yaakhuma muwari mwa munllommo.

Daniele 3:17

Mullukwaahu ninamurumeyelleehu aneerowora onaakiha mu eng'anjo yamunllo nave aneeronivullusa mu nnatta nanyu, amwene.

Ezekiele 9:6

Mwawiiphe attheene, awuulluvalla, asombwe, anamwalli, anamwani ni atthiyana. Koma muhinamuttannya oyo ari ni echizindikiro. Mwaambeelle o enyumbaaka.” Sika yahaamba owiipha attekweene va mullako wa enyumbeeyo.

Yohane 3:33

Koma Oyo anaakhullella ombonaaye annasimikiza ni yeella wi Mulluku tti awoona.

Yawuupullulla 7:1

Ddimallille ddenndda kahoonattho masomphenya a angelo asese yiimenlle va makona masese a ellapo yavatthi. Yaari ephanre ephevo ddisese wi ddihoope va ellapo yavattheella apaalle va enyanja naari va orive muteekho.

Yawuupullulla 7:2

Nave kaamoona mungelo mmodda avenyeraka wookhuma nndduwa akusalle echidindo ya Mulluku Ookumi. Aakhuwa moowelliha mawaaye wa angelo asesaalle ayo yavahiwe masiva ni Mulluku wi yoononge ellapo yavatthi ni enyanja.

Yawuupullulla 13:17

Yeerille ddiiddo wi ahikhallevo muthu anaakulle apaalle okulliha ahinadindiwe. Yeella sika nnddina na enama yuullupalli yawoopiha apaalle echiwerengero yoottaphullella nnddina naye.

Yawuupullulla 14:9

Mungelo aneeraru ahaathwara akhwaaye eellaalle allotaka ni mawu oowella wi, “Oyo anallapella enama yuullupalli yawoopiha vamodda ni nifano naye, aakhella echidindwaaye va eyuuchi vaye apaalle va nnatta vaye