Yawuupullulla 7:17 - Mawu a Mulluku

¹⁷ Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Yawuupullulla 7:17 ပူးပေါင်းရင်းမြစ်များ

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yohane 4:11

Mutthiyanoolle aallota wi, “Nyu, yoorikella maaddi khamunna nave ehimeella tti yoowallamella, munaakuse wuuwi maaddi ookumi?

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yawuupullulla 21:4

Olliye aneerewaavutta miitthori m'miitthoni mwiwa. Khowattho okhalla okhwa winlla wiiwa ovoreya naari ekutho. Ddeko ddakhalle ddoovira.”

Masalimo 23:5

Munnakikhonzera yoocha adanaaka yoonaka, munnakaakhella phaama voozozani murwaaka makhura, munnamuddalliha kapwaaka ophiyera osefukella.

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Yohane 10:11

“Mi tti mbusa aphaama, oyo anapaalla okhwa ekaamba ya enkhosa.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Yohane 10:14

Mi tti mbusa aphaama. Kinnadduwella enkhosa ddaka nave enkhosannddo ddinnakidduwella.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Ezekiele 34:23

Kineerewakeraatthihella mbusa mmodda, oorumeyellaaka Davide. Olliye sika anaaddipwathe nave aneerokhalla mbusiiwa.

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Mateyu 2:6

‘We Betelehemu mu echigawo ya Yudeya, ori muullupalli variyari va matawoni a mu Yudeya. Oohoollella anawa avenyera mwa weyaano, oyo anaahoollelle athwaaka Aisraele wonanko mbusa.’ ”

Yesaya 12:3

Muneerohakallalla vooyaani woorika maaddi o aneetuutu a ovullusa.”

Masalimo 28:9

Nyu Apwiya, avulluseni athwaanyu, mwaadalise ayo eri yoohallanaanyu, mukhalle mbusiiwa, mwaapwathe wa enthawi yoohimalla.

Mika 5:4

Olliye aneerollipihella nave ochiha enkhosa ddaye mwamasiva a Apwiya ni ntitimiho na nnddina na Apwiya Mullukwaaye. Nave eneerokhalla m'murendelleni vawi ottekweenaaye oneerokeraattheya va ellapo yavatthi ettheene.

Yesaya 60:20

Nndduwa nawo khaniwa nivollowattho, mweeraawo khowa othiimattho. Apwiya sika enaakhalle owala wawo wa enthawi yoohimalla, mallapwaawo awinlla eneeromalla.

Yesaya 49:9

Kineerewaalleella a mundende wi ekhume, a mwiipiphini wi yooneyelle vaweella. Eneerophwanya yoocha mukhwipi mwa musewu, eneerophwanya munyepu mu asimiyaango,

Yesaya 35:10

Ayo Apwiya yawooponlliiwa eneerohokollowa, eneerophiya o Ziyoni yiipaka moohakallalla. Wenko eneerohakallalla wa enthawi yoohimalla, eneerothapella ni ohakallalla, ethakaraka ni winlla ddineeromalla.

Yesaya 30:19

Ddawoona, nyu athu a o Ziyoni, ookhalla o Yerusalemu, khamwinllattho. Apwiya eneeroweerellani echifundo vawiiwa winlla wanyu nave va enthawi yeeyo aneerowaakhullani.

Yesaya 25:6

Va mwaango wa Ziyoni Apwiya Amasiva Mattheene eneerokeraatthihella mitundu ddittheddene dda athu machellello a ddoocha ddooddiva ni a vinyo aphaama, machellello a enama yoonuna ni a vinyo ooddivesesa.

Yawuupullulla 4:11

“Apwiihu ni Mullukwaahu! Nyuwaano munnaphwanella waakhella ntitimiho, oriiheya ni masiva. Vawi tti nyuwaano mwaphatusalle ddeko ddittheddene, nave mwaapaalla wi ddittheddenennddo ddikhalle ni okumi.”

1 Petro 5:2

muwehereke phaama mpingo wa Mulluku wonanko mbusa anachihelleeye mulloko wa enkhosa. Woohikhalla moowatiheriwa koma moopaalla. Pharani muttekwaanyu ohiri ekaamba yookonda makobiri koma ekaamba ya murima woopaalla ophara mutteko.

Mitteko 20:28

Sika mwiiwehereke nyookha owaakattho mpingo muttheene oyo Munepa Waweella uuvahilleeyeni wi muwehereke. Mukhalle abusa a mpingo wa Mulluku oyo awukullalleeye ni nikhame na Mwanaye.

Mika 7:14

Nyu Apwiya, ahoollelleni athwaanyu ni ekopwaanyu, weherani enkhosa dda yoohallanaanyu. Vano ddinakhalla weekhiiwa muutthakoni variyari va ellapo ya ethaya yaphaama. Koma muddaakhullelle wi ddache munyepu waphaama, o Bashani ni Giliyadi, monga mallapo akhalle.

Yeremiya 31:9

Eneerohokollweella owaniwa yinllaka nave evekellaka, miyaano kaawaahoollellaka mweechifundo. Kineerewahoollella o mihinje ddooddalla ni maaddi, khekwakwatuwa, ettilla ddiwa ddinaakhalle ddoomwaramwareya. Mi tti attiitthinnya a Israele, Efuremu tti mwanaka awaamba.”

Yesaya 40:11

Eneeropwatha enkhosa ddiwa wonanko mbusa, eneerewaatthukumaniha anamwanankhosa ni waakhupaarella, eneeroddihoollella phaama enkhosa ddawaamwiha.

Masalimo 22:26

Oohoosiwa eneerocha ni ovona, oowaashaasha Apwiya eneerewaatitimiha. Mukhalle ni okumi woorekama.

Yesaya 30:25

Va nllapo nno mattattha akhoto a adanaanyu enoonongiwiiwa nave athwiiwa yiiphiwa va orive mwaango muullupalli ni mwanamwaango woorekama vineereweeta mihinje dda maaddi.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Yesaya 65:19

Mwaneenaaka kineerohakallalla wunchichi ekaamba ya Yerusalemu ni athwaaye. Wenko khowa wiiweyattho winlla apaalle okhupanya.

Mateyu 5:4

Oodalisiwa tti ayo enoopa ekutho vawi Mulluku aneerewaallipiha murima!

Yohane 4:10

Yesu ahaakhulla wi, “Waadduwenlleke emphaso ya Mulluku ni yooyo anuuveka maaddi, waaweromuveka nave aawerowuuvaha maaddi ookumi.”

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Yawuupullulla 21:22

Ngaawoonille enyumba ya Mulluku m'muzindanimmo kaambiiwa Apwiya Mulluku Amasiva Mattheene ni Mwaanaankhosa sika enyumbeeyo.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.