Yawuupullulla 7:12 - Mawu a Mulluku

¹² Yaanallota wi, “Amen! Odalisa, otitimiha, ezeru, othokoza, oriiheya, masiva, ollipiha tti dda Mullukwaahu wa enthawi yoohimalla! Amen!”

Yawuupullulla 7:12 ပူးပေါင်းရင်းမြစ်များ

Yuda 1:25

wa Mulluku mmoddave yooyo, Oovullusaahu mwa Yesu Khrisitu Apwiihu, okhalle ntitimiho, ottekweene, masiva ni olamulello ovenyera ehinaambe enthawi, ollello ni mallapo mattheene a muhoollo. Amen.

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Akolose 3:17

Vano erive ello muneereenyu apaalle munalloteenyu enaphwanella yeeriwe mu nnddina na Apwiya Yesu, mwaamuthokozaka Mulluku Attiitthaanyu oweella mwa olliyooyo.

Masalimo 100:4

Vollowani va millako ddiwa mwaathokozaka, khaweni m'mathatoni mwiwa mwaatitimihaka, athokozeni Apwiya, titimihani nnddina niwa.

Yona 2:9

Koma mi kineerovelleella moororomelleya mikutho ddaka wa Apwiya ni mawu oothokoza.’ ”

Masalimo 147:7

Wiipelleni Apwiya moothokoza, mwiipelleni Mullukwaahu nchipo ni zeze,

Masalimo 107:22

Evelleelle mikutho ddoothokozella ni ollalleya mitteko dda Apwiya, vawiipani machipo oohakallalla.

Masalimo 89:52

Edaliseye Apwiya wa enthawi yoohimalla! Amen! Amen!

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Yeremiya 33:11

muneerewiiweya mawu oohakallalla ni oothapella, mawu a ootthella ni ootthelliwa. Mu enyumba ya Apwiya muneerewiiweyattho nchipo na athu oovelleella mikutho ddawaathokoza wi, ‘Athokozeni Apwiya Amasiva Mattheene vawi alliwa tti aphaama echikondiiwa tti yoohisintheya.’ “Kineerewaahokollosella ddaphaama ddiwa wonanko vawaamba. Mi Apwiya koollota.”

Yesaya 51:3

Mi Apwiya kineeromukhurumusa murima Ziyoni, oyo enakhalla mu matepaaye. Naari ellapwaaye eri echipululu, kineeroyitthattusa wonanko Edeni. Naari ellapwaaye eri nihaka, kineeroyitthattusa wonanko emata ya Apwiya. Wenko athu eneerohakallalla ni ottaphuwa, eneerewiipa machipo ookititimiha ni ookitthamalla.

Akolose 2:7

Tthipellani misisi ddanyu moowallamella mwa olliye, okumaanyu omakeye va olliyooyo nave mukhalle oollipa mu echikhulupilwaanyu wonanko mmo mwahuddihiweenyu. Nave muthokozeke wunchichi.

2 Akorinto 4:15

Ddittheddenendda tti ekaamba ya nyuwaano wi echisomo ya Mulluku yaaphiyere athu anchichi wi vikhalle othokoza wunchichi wi Mulluku atitimihiwe.

Masalimo 116:17

kineerovelleella mukutho woothokoza, kineerovekella vooromollani nnddina nanyu.

Masalimo 106:48

Oodala tti Apwiya Mulluku a Israele, ovenyera o enthawi yoohimalla wa enthawi yoohimalla. Athu attheene ellote wi, “Amen.” Aleluya!

Masalimo 95:2

Hankoni naphiye vamiitthoni viwa, naathokoze, hankoni naakhuwelle moohakallalla ni machipo.

Mateyu 6:13

Muhinikuselle woweesiwa, koma munivulluse wa Oonanarooyo.

Yeremiya 33:9

Muzinda yoolla oneerovuwiha epillaaka yaphaama nave oneerokivaha ehakallallo, othokoza ni olemu vamiitthoni va athu a mitundu ddittheddene vawiiwani ddaphaama ddittheddene nnddo keerelleemi muzindoolla. Nave eneerewoova ni otthukumella vawoonani wi koowudalisa ni eyuuma yooheerengeya.’ ”

Masalimo 50:14

Koma muthokozeni Mulluku wonanko mukutho, mweere ddittheddene mwallupenlleenyu wa Amasiva Mattheene.

Nehemiya 12:46

Vawi khalle mu enthawi ya Davide ni Asafu waakhalla oohoollella a awiipa machipo oomutitimiha ni oomuthokoza Mulluku.

Nehemiya 12:8

Nave Alevi oohoollella wiipa machipo oothokoza yaari Yeshuwa, Binuyi, Kadimiyele, Serebiya, Yuda ni Mataniya vamodda ni abaliiwa.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Aroma 11:36

Vawi ddeko ddittheddene ddaaphatusiwe ni olliyooyo nave oyeella mwa olliyooyo navettho ekaamba ya olliyooyo. Ntitimiho nikhalle wa olliyooyo wa enthawi yoohimalla! Amen.

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?