Yawuupullulla 6:8 - Mawu a Mulluku

⁸ Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Yawuupullulla 6:8 ပူးပေါင်းရင်းမြစ်များ

Hoseya 13:14

Ethiyo kaavulluse wa ookhwa, kiwoopolla wuukhwaani? We okhwa, mullillaawo ori wuuwi? Ethiyo mahame, woononga wawo ori wuuwi? Athu yaalla ngiweerellattho echifundo.

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Zekariya 6:3

naneeraru ni akavalo aweella nave naneesese ni akavalo amankhaanga oosiripa.

Ezekiele 5:12

Emodda mwa ezigawo ddiraru dda athwaanyu eneerokhwa ni mullilli apaalle ni ettalla. Echigawo emodda eneerewiiphiwa ni nsupada nawaapheella muzinda muttheene. Nave echigawo emodda kineeroyipallallesella ephevo o embali ddisesenndde voowiikarihani ni nsupada naka noohullulluwa.”

Yeremiya 16:4

attheenaayo eneerokhwa ni ereta ddawoopiha. Malirwiiwa kheyinllelliwa apaalle ovitthiwa mu mahame, enaakhalle wonanko manyowa oomwareyella vatthi. Amodda enaakhwe ni ekhoto nave amodda ni ettalla. Nave mitembo ddiwa ddinaakhalle yoocha ya epallame ni enama ddamuhakani.”

Yawuupullulla 9:18

Emodda ya ezigawo ddiraru dda athu yahiiphiwa ni millilli miraru; munllo, mwiisi ni sulufure ddoovenyera muwano mwa akavalo ayo.

Yesaya 25:8

Apwiya Mulluku eneeromirya okhwa ophiyera wa enthawi yoohimalla, eneerovutta miitthori m'mwiitthoni mwa arive muthu nave eneeromalliha owulliwa muru wa athwiiwa va ellapo yavatthi ettheene. Mi Apwiya koollota.

Yawuupullulla 9:15

Angelo asesaalle yaattaphulliwa vawi yaari ekhozeriwe enthawi yeella, nllapo nenna, mweeri yoolla ni muyakha yoolla wi yiiphe embali emodda mwa ezigawo ddiraru dda athu attheene.

1 Akorinto 15:55

“We okhwa, opambana wawo ori wuuwi? Ethiyo okhwa, murophaawo ori wuuwi?”

Habakuku 2:5

Navettho vinyo annalleka, wonanko muthu awiitukhulla, oohikhalla owaniwa, awunnuwiha ddoopaalla ddaye wonanko ellapo ya ookhwa. Ari wonanko okhwa, khonavona koma anniitthukumanihella athu a mitundu ddittheddene, annaddiithanella mitundu ddittheddene dda athu.

Yeremiya 16:16

Apwiya enallota wi, “Kineerowiithana adani anchichi wonanko awiipha ehomba nave eneerewaaphara athwaalla. Vatulli viwa kineerowiithana adani amoddattho anchichi wonanko oosaya enama wi yaaphare athwaalla omiyaangoni, o asimiyaango ni m'makhunguni a m'mallukuni.

Mateyu 11:23

Nave wa nyu athu a o Kaperenao, muneesa muneerowellihiwa ophiyera oddullu? Iyaayi Mulluku aneerewuukitthihani ophiya o gehena. Ddoottikhiniha ddeeriwe wa nyuwaano ddeeriweke wa athu a o Sodomu, muzinda yoolla waweerokhallavo ophiyera ollello.

Yeremiya 43:11

Nebukadinezara aneeromoononga Iguputo, aneerorumiha mullilli va athu oophwanella okhwa ni mullilli eneerewiiphiwa ni mullilli, oophwanella ophariwa okaporo enaaye wuukaporoni nave oophwanella wiiphiwa ni nsupada eneerewiiphiwa ni nsupada.

Miyambo 5:5

Manyallwaaye ennasusella wuukhwaani nave ettilla ddaye ddinnamuphiyiha o ellapo ya ookhwa.

Yawuupullulla 12:4

Ni mwiillaaye aapurulla emodda mwa ezigawo ddiraru dda etheneeri dda oddullu nave addivokhella va ellapo yavatthi. Nave enoweeyo yahiimella vahoollo va mutthiyanooyo wi emuttakhune mwaanooyo ayariwa.

Yeremiya 14:12

Naari ehanlle ocha ngiiwa winlla wiwa. Naari evelleelleve mikutho ddooshellelliha ni dda ddoocha, ngaakhella. Koma kineerowoononga ni ekhoto, ettalla apaalle mullilli.”

Yeremiya 24:10

Kineerowiipha ni ekhoto, ettalla ni mullilli ophiyera attheene kaatthollosille mu ellapo eyo kaavahilleemi alliwa ni makhollwiiwa.”

Yeremiya 29:17

Apwiya Amasiva Mattheene enallota wi, ‘Kineerowiipha ni ekhoto, ettalla ni mullilli. Kineerewaatthattusa wonanko namukuyu awunta wunchichi, oohiphwanella omucha.

Ezekiele 29:5

Kineerewuutathillella ochipululuni weyaano vamodda ni ehomba dda m'muhinjeni mwawo. Oneeromorella ohakani oohikhallavo oyo anaawuuvitthe mu mahame. Kineerewuutthattusa yoocha ya enama ddamuhakani ni epallame.

Mateyu 24:7

Mutundu ni mutundu mmodda oneerekowana navettho omwene ni omwene omodda oneerekowana. Navettho oneerokhalla ettalla ni echivomerezi virive veko.