Yawuupullulla 6:1 - Mawu a Mulluku

¹ Nave kaamoona mwaanaankhosa amarullaka emodda ya ddoomarella dditthanu ni piillinndde navettho kahiiwa emodda ya ddoophatusiwa ddookumi ddisese ellotaka ni mawu oowella wonanko ogugudeya wa murimu wi, “Ngawa!”

Yawuupullulla 6:1 ပူးပေါင်းရင်းမြစ်များ

Yawuupullulla 5:1

Nave kahoona mu nnattanatta na oyo anakeraatthi vampandoni woomwene nibukhu noomariwa ni ddoomarella dditthanu ni piilli nilembiwe muwari ni otte wene.

Yawuupullulla 6:5

Nave mwaanaankhosa amarullalleeye yoomarella yaneeraru kahiiwa yoophatusiwa yookumi yaneeraru ellotaka wi, “Ngawa!” Kaaweha nave kaamoona kavalo ooripa. Oomuwella oyo apharenlle esikelo m'mattani mwaye.

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!

Yawuupullulla 6:7

Nave mwaanaankhosa amarullalleeye yoomarella yaneesese kahiiwa yoophatusiwa yookumi yaneesese ellotaka wi, “Ngawa!”

Yawuupullulla 14:2

Nave kahiiwa mawu oovenyera oddullu awiiweya wonanko onyakulla wa maaddi manchichi navettho wonanko ogugudeya wawoopiha wa murimu. Ddahiiweya wonanko athu sika eniipa machipwiiwa ni magitala.

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Yawuupullulla 6:3

Nave Mwaanaankhosoolle amarullalleeye yoomarella yaneepiilli kahiiwa yoophatusiwa yookumi yaneepiilli ellotaka wi, “Ngawa!”

Mitteko 4:20

Vawi khaniwora ohiya ollota dda ello noonilleehu ni wiiwa weekhiihu.”

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”

Yawuupullulla 8:1

Mwaanaankhosa amarullalleeye yoomarella yaneetthanu ni piilli, oddullu waamaalleya wa enthawi yooyeva.

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.