Yawuupullulla 5:8 - Mawu a Mulluku

⁸ Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Yawuupullulla 5:8 ပူးပေါင်းရင်းမြစ်များ

Masalimo 141:2

Nivekello naka niwelle wa nyuwaano wonanko lubani,* otukhullella muddullu wa mattaaka okhalle wonanko mukutho wamisikuwa.

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Yawuupullulla 5:14

Ddoophatusiwa ddookumi ddisesenndde ddahaakhulla wi, “Amen!” Nave attekweene yaakokhora nave ellapella.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Masalimo 33:2

Athokozeni Apwiya ni gitala, wiipelleni nchipo ni echida ya enthambo khumi.

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yawuupullulla 15:2

Nave kahoona yawooneya wonanko enyanja yamagalasi oowala yoottakanyihera ni munllo. Kaawoonattho ayo yapambanne enama yuullupalli yawoopiha vamodda ni nifano niwa owaakattho ni echiwerengero ya nnddina niwa. Yahiimella vakhuviru ni enyanjeeyo, ephareelle magitala yavahiwiiwa ni Mulluku

Yohane 5:23

wi attheene yakititimihe miyaano emoddamoddave yeeyo enaatitimiheriiwa Attiitthaaka. Oohikititimiha miyaano khenaatitimiha Attiitthaaka ayo yaakirumalle.

Masalimo 81:2

Ambani nchipo, ipani ekoma vamodda ni gitala awinlla phaama ni zeze.

Masalimo 43:4

Vano kineerooya o nikuwa na Mulluku, wa Mulluku oyo anakivaha ohakallalla wavaddullu, kineerewuutitimihani ni gitala, nyu Mullukwaaka, nyu Mullukwaaka.

Masalimo 150:3

Mutitimiheni voomwiipellani mapallapata, mutitimiheni voomwiipellani magitala ni azeze.

Aheberi 1:6

Nave mvo Mulluku aariiye vakhuviru omukusa Mwanaye Awaamba ovollowana mu a ellapo yavatthi, aallota wi, “Angelwaaka attheene emullapelleke olliye.”

Numeri 7:62

Aavelleellattho muchecho mmodda wa golide woollemella magaramu 110, wooddalla ni lubani.

Yohane 1:29

Osaka wene Yohane aamoona Yesu awaaka wa olliyooyo nave allota wi, “Ngamooneni! Mwaanaankhosa a Mulluku oyo anavenyiha machimo a ellapo yavatthi.

Yawuupullulla 4:6

Navettho vahoollo va mpando woomwenooyo vaari vawooneya wonanko enyanja ya nigalasi noowala. Mpando wa omwenooyo wahaapheelliwa ni ddoophatusiwa ddookumi ddisese ddookhalla ni miittho muhoollo ni mutulli mwene.

Yawuupullulla 5:11

Kahoonattho nave kahiiwa mawu a angelo anchichi yiimenlle moowaapheella mpando woomwene, ddoophatusiwa ddookumi ddisese ni attekweenaalle. Nave vaakhalla angelo anchichi ooheerengeya.

Yawuupullulla 5:12

Nave yaaniipa ni mawu oowella wi, “Mwaanaankhosa iiphiwooyo sika anaphwanella waakhella masiva, eyuuma, ezeru ni ollipa, oriiheya, ntitimiho ni othokoza!”

Yawuupullulla 6:1

Nave kaamoona mwaanaankhosa amarullaka emodda ya ddoomarella dditthanu ni piillinndde navettho kahiiwa emodda ya ddoophatusiwa ddookumi ddisese ellotaka ni mawu oowella wonanko ogugudeya wa murimu wi, “Ngawa!”

Yawuupullulla 13:8

Athu attheene ookhalla va ellapo yavatthi eneerollapella enama yawoopiha yuullupalleeyo, waapatula yaayove manddiniiwa yalembiwe ehinaphatusiwe ellapo yavatthi mu nibukhu na akumi na mwaanaankhosa iiphiwoolle.