Yawuupullulla 5:10 - Mawu a Mulluku

¹⁰ Mwaaweeriha wi ekhalle omwene wa allupa mukutho oorumeyella Mullukwaahu, nave eneerolamulella ellapo yavatthi.”

Yawuupullulla 5:10 ပူးပေါင်းရင်းမြစ်များ

Yawuupullulla 1:6

Nave aaneeriha wi nikhalle omwene wa allupa mukutho oomurumeyella Mulluku Attiitthinnya. Wa Yesu Khrisitu okhalle ntitimiho ni masiva wa enthawi yoohimalla! Amen.

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Eksodo 19:6

Nave nyuwaano muneerokhalla omwene wa allupa mukutho navettho mutundu woopatuleya.’ Sika waalleelle Aisraele mawu yaalla.”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.