Yawuupullulla 4:8 - Mawu a Mulluku

⁸ Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Yawuupullulla 4:8 ပူးပေါင်းရင်းမြစ်များ

Yawuupullulla 1:8

“Mi tti awaambeella ni oomallihella,” eni ddiiddo Apwiya Mulluku Amasiva Mattheene ayo erivo ollello, yaarivo khalle ni oyo enawa muhoollo.

Yawuupullulla 4:6

Navettho vahoollo va mpando woomwenooyo vaari vawooneya wonanko enyanja ya nigalasi noowala. Mpando wa omwenooyo wahaapheelliwa ni ddoophatusiwa ddookumi ddisese ddookhalla ni miittho muhoollo ni mutulli mwene.

Aheberi 13:8

Yesu Khrisitu tti yooyo oddillo, ollello ni mallapo mattheene.

Eksodo 15:11

“Nyu Apwiya, ethiyo vookhalla mulluku mmodda oophwanaphwana ni nyuwaano? Ttaani ari wonanko nyuwaano, ootitimiheya ekaamba ya weella wanyu? Ttaani ari wonanko nyuwaano vaweerani mitteko dda masiva ni ddoottikhiniha?

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yawuupullulla 11:17

ellota wi, “Apwiya Mulluku Amasiva Mattheene, nyuwaano muriwo ollello nave mwaariwo khalle! Ninnuuthokozani ekaamba yowooniha masivaanyu muullupalli nave mohaamba olamulella!

Yawuupullulla 16:7

Vano kahiiwa mawu oovenyera va nikuwa na mukutho ellotaka wi, “Apwiya Mulluku Amasiva Mattheene! Ddaweeruza ddanyu tti ddawoona ni ddoolungama!”

Ezekiele 1:6

Koma erive yoophatusiwa yaakhalla ni ekhove ddisese ni muuphello masese.

Masalimo 91:1

Muthu ookhalla mu mpanda wa Amasiva Mattheene, oyo anakhalla m'muuthuuchinaaya,

Yawuupullulla 7:15

Ella sika ekaambiiwa yiimenlliiwa vamiitthoni va mpando woomwene wa Mulluku nave enamurumeyella otthaana ni mahiiyu mu enyumbaaye. Oyo anakeraatthi vampandoni wa omwene aneerewaakhuneella ni muuthuuchaaye ni waawehera.

Genesis 17:1

Abramu ari ni miyakha 99 Apwiya yaamooneyella emulleella wi, “Mi tti Mulluku Amasiva Mattheene. Vano wiiwellelleke enthawi ddittheddene nave ohichimweke

Yawuupullulla 21:22

Ngaawoonille enyumba ya Mulluku m'muzindanimmo kaambiiwa Apwiya Mulluku Amasiva Mattheene ni Mwaanaankhosa sika enyumbeeyo.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

2 Akorinto 6:18

Kineerokhalla Attiitthaanyu, nave muneerokhalla anaaka aallopwana ni aatthiyana. Apwiya Mulluku Amasiva Mattheene sika enallota ddenndda.”

Yesaya 62:1

Ekaamba ya Ziyoni ngeera ellapo tuu, ekaamba ya Yerusalemu ngiithuuwa ophiyera echilungamwaaye yooneyille vaweella wonanko owala, ovullusa waye wonanko mutthiko wookhara.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yowele 1:15

Moowe kookhwa! Nllapo na Apwiya niri vakhuviru, nno Amasiva Mattheene anoonongeyiiwa, ddawoona, nllapo nenno ninaawe ni ddawoopiha!

Yawuupullulla 16:14

Ddenndda sika minepa ddoonanara ddineera ddoottikhiniha. Minepa ddirarunndda ddinnakhuma ddiya wa mamwene attheene a va ellapo yavatthi, yaatthukumaniha vamodda wi ewane ekhoto ni Mulluku Amasiva Mattheene va nllapo naye nuullupalli.

Yawuupullulla 14:11

Mwiisi wa munllo woohoosa onnavirellella oya muddullu wa enthawi yoohimalla. Ayo enallapella enama yuullupalli yawoopiha ni nifano naye ni ayottho yadindiwe nnddina naye khewa yiithuuwa otthaana ni mahiiyu.”

2 Timoteo 4:2

ollalleyeke othenga naari enthawi erivo apaalle ehiivo, waadduwellihe machimwiiwa, waahumullulle, waallipiheke athu murima waahuddiheke mwawiithaalla.

1 Timoteo 4:16

Wiiwehereke weekhaawo ni owehera ehuddihwaawo. Ollipihelleke ddenndda kaambiiwa vaweerani ddenndda oneerewiivullusa weekhaawo vamodda ni yaayo enawiiwa weyaano.

1 Atesalonika 2:9

Vawi munnuupuwella, asinnihu ni arokorihu mmo napharelleehu mutteko moollipihella! Naphara mutteko otthaana ni mahiiyu wi nihuukatamiheni nyuwaano nuullalleyelleehuuni othenga waphaama wa Mulluku.

Mitteko 20:31

Chenjerani vano nave upuwellani wi, wa miyakha miraru otthaana ni mahiiyu mwa omora miitthori ngaahiyalle wuuhuddihani arive muthu a nyuwaano.

Eksodo 3:14

Mulluku aamulleella wi, “Nnddina naka tti MI TTI MIYAANO. Sika waalleelle Aisraelaayo wi MI TTI MIYAANO ookirumiha wa nyuwaano.”

Ezekiele 1:5

Variyari viwa kahoona ddoophatusiwa ddookumi ddawooneya wonanko athu.

Ezekiele 1:18

Magudumwaayo yaakhalla ni marimu oorekama mwawoopiha. Marimwaayo yaakhalla ni miittho virive veko.

Ezekiele 10:12

Miilli ddiwa, mitthana ddiwa, mattiiwa, muuphellwiiwa ni magudumwiiwa masese ddaakhalla ni miittho viriveveko.

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yawuupullulla 6:1

Nave kaamoona mwaanaankhosa amarullaka emodda ya ddoomarella dditthanu ni piillinndde navettho kahiiwa emodda ya ddoophatusiwa ddookumi ddisese ellotaka ni mawu oowella wonanko ogugudeya wa murimu wi, “Ngawa!”

Yawuupullulla 6:6

Kahiiwa mawu awiiweya wonanko enavenyera variyari va ddoophatusiwa ddookumi ddisese ellotaka wi, “Ntuka na tirigu nimodda ninaakulliweke ni makobiri manchichi navettho matuka mararu a tirigu enaakulliweke ni makobiri manchichi. Koma muhoononge miteekho dda olivi ni mpesa!”

Yawuupullulla 7:11

Angelo attheene yahiimella moowaapheella mpando wa omwene, attekweene ni ddoophatusiwa ddookumi ddisese. Nave yaapopheya ekhove ddiwa vatthi vamiitthoni va mpando woomwene emullapella Mulluku.

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”