Yawuupullulla 4:6 - Mawu a Mulluku

⁶ Navettho vahoollo va mpando woomwenooyo vaari vawooneya wonanko enyanja ya nigalasi noowala. Mpando wa omwenooyo wahaapheelliwa ni ddoophatusiwa ddookumi ddisese ddookhalla ni miittho muhoollo ni mutulli mwene.

Yawuupullulla 4:6 ပူးပေါင်းရင်းမြစ်များ

Yawuupullulla 15:2

Nave kahoona yawooneya wonanko enyanja yamagalasi oowala yoottakanyihera ni munllo. Kaawoonattho ayo yapambanne enama yuullupalli yawoopiha vamodda ni nifano niwa owaakattho ni echiwerengero ya nnddina niwa. Yahiimella vakhuviru ni enyanjeeyo, ephareelle magitala yavahiwiiwa ni Mulluku

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yawuupullulla 14:3

Athu 144,000 yahiimella vamiitthoni va mpando woomwene, ddoophatusiwa ddisese ddookumi ni attekweene nngu yiipaka nchipo niwa nanaanweene nno khaarivo awora wiipana. Yaalla tti yaayove yoopolliwe va ellapo yavatthi.

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Yawuupullulla 5:14

Ddoophatusiwa ddookumi ddisesenndde ddahaakhulla wi, “Amen!” Nave attekweene yaakokhora nave ellapella.

Ezekiele 10:14

Arive kerubi aakhalla ni ekhove ddisese. Ekhove yawaamba yaari ya kerubi, yaneepiilli ya muthu, yaneeraru ya mukango, yaneesese ya mpungu.

Ezekiele 10:12

Miilli ddiwa, mitthana ddiwa, mattiiwa, muuphellwiiwa ni magudumwiiwa masese ddaakhalla ni miittho viriveveko.

Yawuupullulla 7:11

Angelo attheene yahiimella moowaapheella mpando wa omwene, attekweene ni ddoophatusiwa ddookumi ddisese. Nave yaapopheya ekhove ddiwa vatthi vamiitthoni va mpando woomwene emullapella Mulluku.

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yawuupullulla 21:21

Millako khumi ni miillinnddo ddaari dda malluku oowallamella mutengo nave orive mullako waamakiwa ni nlluku naayenaaye noowallamella mutengo. Nave musewu wa m'muzindanimmo waari woomakiwa ni golide, awooneyella wonanko nigalasi.

Yawuupullulla 21:18

Esiri yaari yoomakiwa ni malluku a yasipi, muzindooyo waari woomakiwa ni golide awooneella wonanko nigalasi.

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

1 Mamwene 7:23

Vatulli viwa aapanga ethanki yamukuwa yanamurukunuwa nave aayiromolla wi enyanja. Owanoni wiwa waari wooramballalla mamita masese ni hafu. Owallamella wiwa waari wookhwaranya mamita meelli nave waapheella wa owanoninko waari wa mamita khumi ni mararu ni hafu.

Yobu 28:17

Ezeru khenallikana ni golide ni nigalasi, khenaakakhanihiwa ni golide aphaama.

Eksodo 38:8

Nave aapanga nibeseni namukuwa noohapellamo ni yowiimeseravo yamukuwa. Aapangille ddenndda ni magalasi awiiweherana a atthiyana oorumeyella va mullako wa musasa wamutthukumano.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Yawuupullulla 5:11

Kahoonattho nave kahiiwa mawu a angelo anchichi yiimenlle moowaapheella mpando woomwene, ddoophatusiwa ddookumi ddisese ni attekweenaalle. Nave vaakhalla angelo anchichi ooheerengeya.

Yawuupullulla 6:1

Nave kaamoona mwaanaankhosa amarullaka emodda ya ddoomarella dditthanu ni piillinndde navettho kahiiwa emodda ya ddoophatusiwa ddookumi ddisese ellotaka ni mawu oowella wonanko ogugudeya wa murimu wi, “Ngawa!”

Yawuupullulla 6:6

Kahiiwa mawu awiiweya wonanko enavenyera variyari va ddoophatusiwa ddookumi ddisese ellotaka wi, “Ntuka na tirigu nimodda ninaakulliweke ni makobiri manchichi navettho matuka mararu a tirigu enaakulliweke ni makobiri manchichi. Koma muhoononge miteekho dda olivi ni mpesa!”