Yawuupullulla 4:10 - Mawu a Mulluku

¹⁰ attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Yawuupullulla 4:10 ပူးပေါင်းရင်းမြစ်များ

Yawuupullulla 5:8

Eerilleeye ddiiddo, ddoophatusiwa ddookumi ddisesenndde ni attekweene 24 yaakokhora vamiitthoni va mwaanaankhosooyo. Attheene yaakhalla ni magitala owaakattho embale dda golide ddooddalla ni mukutho wa lubani.* Ddawunkhellihanndda sika mavekello a athu a Mulluku.

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Yawuupullulla 11:16

Vano attekweene 24 ookeraatthi vamipandoni ddiwa dda omwene vamiitthoni va Mulluku yaakokhora nave emullapella Mulluku

Masalimo 95:6

Waawoni naavekelle nave naallapelle, hankoni nikokhore vamiitthoni va Apwiya oophatusaahu.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 7:11

Angelo attheene yahiimella moowaapheella mpando wa omwene, attekweene ni ddoophatusiwa ddookumi ddisese. Nave yaapopheya ekhove ddiwa vatthi vamiitthoni va mpando woomwene emullapella Mulluku.

Yawuupullulla 5:14

Ddoophatusiwa ddookumi ddisesenndde ddahaakhulla wi, “Amen!” Nave attekweene yaakokhora nave ellapella.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Masalimo 72:11

Mamwene mattheene eneeromukokhorella, mitundu ddittheddene dda athu ddineeromurumeyella.

Yawuupullulla 4:9

Ddoophatusiwa ddookumi ddisese ddinniipa machipo ootitimiha, ooriiha ni oomuthokoza oyo akeraatthille vampandoni woomwene, oyo arina okumi woohimalla. Vawiipani,

1 Epilli 29:20

Nave Davide aallota wa mutthukumano muttheenoolle wi, “Atitimiheni Apwiya Mullukwaanyu.” Vano athu attheene yahaatitimiha Apwiya Mulluku a makhollwiiwa nave yaakokhora yaallapella Apwiya ni omuvaha olemu mwene.

Mateyu 2:11

Yavollowilliiwa mpa, yaamoona mwaanooyo ari ni amennya, Mariya. Vano yaakokhora emullapella. Yaattaphulla eyuumiiwa emuvaha emphaso dda golide, lubani* ni makhura a nthuko naphaama na mure.*

2 Epilli 7:3

Nave Aisraele attheene yoonille munllooyo okitthaka ni ntitimiho na Apwiya va enyumbeeyo yaawarama epopheya ekhove ddiwa waallapella Apwiya ellota wi, “Ddawoona, Apwiya tti aphaama, echikondiiwa yoohisintheya tti yoohimalla.”

Luka 24:52

Yaamullapella, ehokollweella o Yerusalemu, ehakallallaka wunchichi.

Masalimo 115:1

Wa hiyaano iyaayi, Apwiya, wa hiyaano iyaayi, koma nnddina nanyuve nititimihiwe, ekaamba ya echikondi yoohisintheya ni oororomelleya.

Yobu 1:20

Vano Yobu aavenya, aahulla mukanjwaaye nave aachema murwaaye. Nave aakokhora ni waallapella Apwiya

1 Akorinto 15:10

Koma ni echisomo ya Mulluku miyaano kiri mmu kikhallelleemi nave echisomo aakivahilleeye kheyaari yoohikhalla ni mutteko. Koophara mutteko moollipiha ohiyana ni amurummwa amodda attheene naari khe miyaano koma echisomo ya Mulluku eyo enaphara mwa miyaano.

Deuteronomo 32:40

Kinniimesa muwonwaaka muddullu, wi killupelle mu nnddina naka

Masalimo 47:8

Mulluku annalamulella mitundu ddittheddene dda athu, annakeraatthi va mpandwaaye woomwene waweella.

Yesaya 6:1

Mu muyakha oyo mwene Uziya akhwilleeye kaawoona Apwiya akeraatthille va mpando wa omwene wavaddullu ni woowellihiwa. Mukanjwiiwa waari woorekama wunchichi mwawi waaddalla mu enyumbiiwa ettheene.

Daniele 4:34

Koma miyakha mitthanu ni miilli ddamanlliiwa mi Nebukadinezara kaaweha oddullu nave ezeru ddaka ddaahokollowa. Sika kaamutthamalla Mulluku Ooddullu nave kaathokoza ni omutitimiha Mulluku a enthawi yoohimalla. Kaallota wi, “Aneerolamulella wa enthawi yoohimalla, omwenaaye tti wa mibado ddittheddene.

Daniele 12:7

Oowara bafuta oyo aari omwaako wa muhinje ahiimesa muddullu muwonwaaye wonnattanatta ni woonyottho nave kaamwiiwa allupellaka vooromollani nnddina na Ookhalla ni okumi woohimalla wi, “Ddineereya wa miyakha miraru ni hafu. Ddittheddenndda ddinaamalle ddoohoosa dda athu aweella ddamalla.”

Yawuupullulla 4:2

Enthawi yeeyo kaahoollelliwa ni Munepa Waweella nave kahoona oddullunko ori mpando wa omwene nave muthu mmodda akeraatthille vampandoni woomwenooyo.

Yawuupullulla 10:6

nave allupella mu nnddina na Mulluku, oyo anakhalla enthawi yoohimalla, oyo aphatusalle oddullu, ellapo yavatthi ni enyanja owaaka ddeko ddittheddene ddiri mwemmo. Mungelooyo aallota wi, “Khaviwa vikhalla oselliwa!

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.