Yawuupullulla 4:1 - Mawu a Mulluku

¹ Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Yawuupullulla 4:1 ပူးပေါင်းရင်းမြစ်များ

Yawuupullulla 11:12

Nave anamallotella eellaayo yahiiwa wiithana wa mawu oowella oovenyera oddullu wi, “Waani wuno!” Adaniiwaalle yoonaka yaawella oddullu m'miraponi.

Eksodo 24:12

Apwiya yaamulleella Mose wi, “Ngawa wa miyaano omwaangoni wuno nave otiyere weewuno. Kineerewuuvaha malluku ayo kilembilleemivo malamulo wi kaahuddihe athu.”

Yawuupullulla 1:19

Vano onaphwanella wi olembe mu nibukhunna ddeko ddittheddene onooneewe, ddineereya owaakattho dda ddeko nnddo ddineereye muhoollo.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

Mariko 1:10

Akhumalleeye ovenyera m'maaddini, enthawi yeeyo ahoona oddullu ohulleyaka. Nave Munepa Waweella akitthaka wonanko ekhunda va olliye.

Yawuupullulla 22:6

Nave mungelo aallota wa miyaano wi, “Mawu alla tti awoona nave oororomelleya. Nave Apwiya Mulluku, ayo enavaha Munepiiwa wa anamallotella, aamurumiha mungelwiiwa wi awoonihe oorumeyellaaye eyo eneereye veneva.”

Yawuupullulla 16:17

Mungelo aneetthanu ni piilli aahella embalaaye muddullu nave kahiiwa mawu oowella oovenyera o mpando woomwene wa mu enyumba ya Mulluku ellotaka wi, “Woomalla!”

Mitteko 7:56

Vano aallota wi, “Ngoonani, kinnoona oddullu woohulleya nave Mwaana a Muthu iimenlle onnattanatta na Mulluku!”

Yohane 16:13

Koma Munepa oodduwelliha yawoona aphiya, aneerewuudduwellihani ddawoona ddittheddene. Vawi khallotaka mwa olamulello wa yeekhaaye koma anaalloteke nnddo aniiwekeeye nave aneerekewuulleellani dda ddeko ddamuhoollo.

Luka 3:21

Athu attheene ebatiziwe, Yesu nayeenettho aabatiziwa. Avekelleeye, oddullu waahulleya.

Eksodo 19:24

Vano Apwiya yaamulleella Mosooyo wi, “Kittha nave wamukuse Aroni oweena wuno. Koma allupa mukutho ni athwaayo ehikhwaranye maliraayo, owa wa miyaano wuno, woova wi kinaallake.”

Mitteko 10:11

Ahoona oddullu ohulleyille nave ello yawooneya wonanko ekuwo yuullupalli ekitthellaka va ellapo yavatthi ephareelliwe ni etthoka ddiwa ddisese.

Mateyu 3:16

Yesu abatiziwe wene, enthawi yeeyo aakhumamo m'maaddini nave oddullu waamuhulleyella, vano ahoona Munepa a Mulluku akitthaka wonanko ekhunda va olliye.

Eksodo 1:1

Anamwani aallopwana a Yakobo ayo yakelle o Iguputo ni olliyooyo ni mabanjiiweene yaari,

Ezekiele 1:1

Nllapo naneetthanu na mweeri waneesese muyakha wa 30 kaari variyari va akaporo a o Yuda vakhuviru ni muhinje wa Kebara. Vano oddullu waahulleya nave kahoona masomphenya a Mulluku.

Yawuupullulla 1:12

Kaarukunuwa wi kiwoone enakillotihaayo ttaani nave kahoona ddoohiyavo enyali dda golide dditthanu ni piilli,

Yawuupullulla 11:19

Vano enyumba ya Mulluku yooddullu yaahulliwa nave nibokosi na echipangano nahooneya. Nave vaakhalla ettari, ogugudeya wa murimu ni echivomerezi navettho marallalla muullupalli.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Miyambo 25:7

Tti waphaama olleelliwa wi okeraatthi voowella okhwaranya okitthihiwa vamiitthoni va enduna. Nnddo woonilleewe,