Yawuupullulla 3:7 - Mawu a Mulluku

⁷ “Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Yawuupullulla 3:7 ပူးပေါင်းရင်းမြစ်များ

Yesaya 22:22

Kineerowinnya makiiyi a olamulello nibanja na Davide. Olliye ahulla khaavo anaawore owalla. Nave awalla khaavo anaawore ohulla.

Mateyu 16:19

Kineerewuuvaha makiiyi a omwene wa Mulluku nave yeeyo onaamakeewe va ellapo yavatthi, eneeromakiwa oddullu, eyottho onaattaphulleewe va ellapo yavatthi, enaakhalle yoottaphulliwa oddullu.”

Yawuupullulla 1:18

Ookumoolle tti miyaano! Kaari ookhwa koma vano kookhalla ni okumi woohimalla. Kookhalla ni kiiyi a va okhwa ni a va ellapo ya ookhwa.

Yobu 12:14

Akumulla, khaavo oomakattho. Amuwallella muthu mundende, khaavo oomuhullella.

Yawuupullulla 6:10

Yaakhuwa moowelliha mawu wi, “Apwiya, muri aweella ni awoona! Munatiyerella ophiyera niini ohiwiipa mullatu ni waallaka athu a va ellapo yavatthi yaniiphallaayo?”

Yohane 14:6

Yesu aamwaakhulla wi, “Mi tti ettilla, yawoona ni okumi. Khaavo muthu anawa wa Attiitthaaka woohiweella mwa miyaano.

Luka 1:32

Olliye aneerokhalla muullupalli nave aneeroromolliwa Mwaana a Mulluku Muullupalli. Apwiya Mulluku eneeromweera akhalle mwene wonanko nikhollo naye, Davide.

Mariko 1:24

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Yesaya 41:14

We Yakobo, oofooka wonanko enyambo, ohoove, we Israele, ohoopopiheye, oovullusaawo tti miyaano, Aweella a Israele.

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yawuupullulla 3:14

“Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yawuupullulla 5:9

Yaaniipa nchipo nanaanweene nawi, “Munaphwanella waakhella nibukhunno ni omarulla ddoomarella ddiwa. Vawi mwahiiphiwa nave ni nikhame nanyu mwaamoopollella Mulluku athu oovenyera mu nirive nlloko, erive ellotello, erive ellapo, orive mutundu.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Mitteko 3:14

Mwaamukhoota oyo aari aweella ni oolungama nave mwaamuveka Pilato wi uuttaphullelleni muthu awiipha.

Mateyu 24:35

Oddullu ni ellapo yavatthi ddineeromalla koma mawaaka khemalla.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Luka 4:34

Nave aakhuwa moollipiha wi, “Aa! Nuullikalleni tini nyuwaano Yesu a o Nazareti? Munapaalla wi muniiphe hiyaano? Miyaano kohuudduwellani wi nyuwaano tti Aweella a Mulluku!”

Yesaya 55:5

Vano muneerewiithana mitundu nnddo muhinaddidduwelleenyu, mitundu ddoohuudduwellani ddineeroowa mwawaakuva wi ddikhalle ni nyuwaano, ekaamba ya mi Apwiya Mullukwaanyu, Aweella a Israele oyo kinuuvahani oriiheya.”

Yawuupullulla 15:3

nave yaaniipa nchipo na Mose, oorumeyella a Mulluku ni nchipo na mwaanaankhosa wi, “Apwiya Mulluku Amasiva Mattheene, mitteko ddanyu tti dduullupalli navettho ddoottikhiniha! Mwene a mitundu ddittheddene, ettilla ddanyu tti ddawoona navettho ddoolungama.

Yesaya 49:7

Apwiya, Aneerewoopolla ni Aweella a Israele, enallota wa oovevulliwa wunchichi, awiitiwa ni mitundu ddimodda dda athu, kaporo a mamwene eekuku wi, “Mamwene eneerewiimella moolemu voowoonani, naari enduna ddineeropopheya ekhove ddiwa.” Ddenndda ddineereye ekaamba ya Apwiya oororomelleya, Aweella a Israele ayo yuutthoollille.

Yesaya 48:17

Apwiya, Oowoopollaawo, Aweella a Israele enallota wi, “Mi tti Apwiya Mullukwaawo, ayo enuuhuddiha wi ddeko ddiweetelleke phaama, ayo enuuhoollella va ettilla yoophwanella oyithwara.

Yesaya 47:4

Aweella a Israele sika Oonoopollaahu, nnddina naye tti Apwiya Amasiva Mattheene.

Yesaya 41:20

Sika athu eneerewoona ni odduwella, eneerodduwellesesa ni wiiwesesa wi mi Apwiya sika kenre ddenndda, wi Aweella a Israele sika addikeraatthihalle.

Yesaya 41:16

Oneerewaaveettha ni waavaviha ni ephevo, eneeromwareya ni namondwe. Koma weyaano oneerohakallalla ekaamba yawi miyaano tti Mullukwaawo. Oneerophwanya ntitimiho ekaamba ya miyaano Aweella a Israele.

Yesaya 6:3

Aserafaayo yaanakhuwellana wi, Aweella, aweella, aweella tti Apwiya Amasiva Mattheene! Ntitimiho niwa nooddalla ellapo yavatthi ettheene.

Masalimo 145:17

Apwiya tti oolungama mu ettilla ddiwa ddittheddene, tti eechifundo mu ddaweera ddiwa ddittheddene.

Masalimo 89:18

Yootetezellaahu enavenyera wa Apwiya, Aweella a Israele sika mwenaahu.

Yobu 11:10

Ethiyo Mulluku avira nave uuwallella mundendeni, uukokella omillatuni, ttaani anaamuvaanye?

Yawuupullulla 21:5

Mulluku oyo akeraatthille vampandoni woomwene aallota wi, “Vano kinatthattusa ddeko ddittheddene ddikhalle ddanaanweene!” Aallotattho wa miyaano wi, “Lemba ddenndda vawi mawu yaalla tti awoona nave tti ororomelleya.”

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 16:7

Vano kahiiwa mawu oovenyera va nikuwa na mukutho ellotaka wi, “Apwiya Mulluku Amasiva Mattheene! Ddaweeruza ddanyu tti ddawoona ni ddoolungama!”

Yawuupullulla 4:8

Erive yoophatusiwa yookumi yaakhalla ni muuphello matthanu ni nimodda nave yaakhalla ni miittho muwari ni otte wene. Ddakhallella wiipa otthaana ni mahiywiine woohihiya wi, “Aweella, aweella, aweella, tti Apwiya Mulluku Amasiva Mattheene, oyo aarivo khalle, arivo ollello ni oyo anaawe muhoollo.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Yesaya 30:11

Khaweni nko, oohinitiyella ettilla. Khaninapaalla wiiwattho dda Aweella a Israele.’ ”

Masalimo 16:10

Miyaano oororomelleyaanyu, khamukihiya o ellapo ya ookhwa, khamwaakhullella wi kuntelle mu mahame.