Yawuupullulla 3:4 - Mawu a Mulluku

⁴ Koma athu ooyeva a nyuwaano o Sardenko khamwaaripihalle ddoowara ddanyu ni machimo. Muneereweeta ni miyaano, muwanre ddaweella kaambiiwa munnaphwanella weera ddennddo.

Yawuupullulla 3:4 ပူးပေါင်းရင်းမြစ်များ

Yawuupullulla 7:9

Ddimallille ddenndda kahoona masomphenya a mulloko muullupalli wa athu ooheerengeya! Yavenyenre mu orive mutundu, nirive nlloko, erive ellapo ni erive ellotello nave yahiimella vamiitthoni va mpando woomwene ni mwaanaankhosa, ewanre ddoowara ddaweella nave ephareelle enthambi dda kanjeza m'mattani mwiwa.

Yawuupullulla 3:5

Oopambanaayo eneerowarihiwa ddaweella ddiidda nave ngivenyiha manddiniiwa mu nibukhu na akumi. Vamiitthoni va Attiitthaaka ni angelwaaye kineerewaakhullella wi tti athwaaka.

Yawuupullulla 6:11

Arive muthu aavahiwa ddoowara ddaweella nave yaalleelliwa wi, “Tiyerani vang'ono ophiyera echiwerengero ya oorumeyella akhwiinyu vamodda ni asinninyu ni arokorinyu ekwakhwanne, ayottho enaphwanella wi yiiphiwe wonanko nyeene.”

Oollalleya 9:8

Enthawi ddittheddene owareke ddoowara ddaphaama enthawi ddittheddene nave wiihelleke makhura owiitthoni.

Yawuupullulla 19:14

Akhoto ooddullu yaamuthwara, ewenlle akavalo aweella nave ewanre ekuwo ddaweellesesa.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 3:18

Vano kinaaka kuulleelleni wi, mumukulle golide ooreerihiwa wa miyaano wi mukhallena eyuuma. Mukullettho ddoowara ddaweella wi muware ni okhuneella epwillimwinddaanyu. Mukulle murete woohella m'miitthoni mwanyu wi mooneke.

Yawuupullulla 19:8

Oovahiwa ekuwo yaweellesesa wi aware.” (Ekuwo yaweelleseseeyo sika mitteko ddoolungama dda athu a Mulluku.)

Yuda 1:23

Nave mwaavulluse amodda voowaakihani ovenyera omunlloni nave muweerelleke echifundo amoddattho koma muchenjere nave mwiitaneke ni yoowariiwa yooripihiwa ni machimo.

Luka 21:36

Chenjerani enthawi ddittheddene, muvekellaka wi muwore ovulluwa mu ddeko ddittheddenenndda ni wiimella vamiitthoni va mi, Mwaana a Muthu.”

Mariko 16:5

Sika yaavollowa mu mahamemmo, emoona musombwe akeraatthille o nnattanatta, awanre mukanjo waweella nave yahoova.

Luka 20:35

Koma allopwana ni atthiyana ayo enaphwanella ovenya wa ookhwa ni okhalla mu omwene wa Mulluku khetthella apaalle otthelliwa.

Mateyu 10:11

“Vano mwaphiya mutawoni apaalle m'mizi mukoheseseke dda muthu oyo anaphwanella owaakhellani. Mwakhalle ni olliyooyo ophiyera muvenyillewo onipuroninko.

Yawuupullulla 11:13

Enthawi yeeyo vaakhalla echivomerezi va emodda mwa ezigawo khumi dda muzinda ekumuwa nave athu 7,000 yahiiphiwa. Amodda oohallaayo yahoova nave yaatitimiha wunnuwa wa Mulluku Muullupalli.

2 Atesalonika 1:5

Ddittheddenenndda ddinasimikizella wi echiweruzo ya Mulluku tti yawoona wi mwaphwanyeye muri oophwanella ovollowa mu omwenaaye oyo munahoosiwelleenyu.

Yesaya 64:6

Attheene niri wonanko athu ooripihiwa nave naari mitteko ddahu ddittheddene ddaphaama ddiri wonanko ekuwo yooripihiwa. Attheene ninnanyaalla wonanko makattha, ninnahahareya ni machimwaahu wonanko ninakakhiwa ni ephevo.

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Masalimo 68:14

Mvo Amasiva Mattheene aapallallesilleeye mamwene, o Zalimoni waamora nakhuttu awoopiha.

Estere 8:15

Vano Mordekai aavenyavo vamiitthoni va mwene awarille ddoowara ddoomwene ddoobiliwila ni ddaweella navettho ni enduwira yoomwene yuullupalli ya golide. Aawarattho mukanjo wabafuta woofiira nave muzinda muttheene wahaamba okhuwa moohakallalla.

Mitteko 1:15

Viviralle mallapo ooyeva waakhalla mutthukumano wa ookhulupililave 120. Vano Petro ahiimella allota wi,

Yesaya 61:3

kaamaallihe ayo eninlla o Ziyoni, wi kiwinnye enduwira yeehakallallo munipuroni mwa ntuura neethakaraka, wi kiwinnye makhura eehakallallo munipuroni mwa winlla, wi kiwinnye yoowara yeehakallallo munipuroni mwa otathilla murima. Sika eneereweeriwa miteekho ddamasiva ddeechilungamo ddawaalliwa ni Apwiya wi mwaneeniiwa yaakhelle ntitimiho.

Yesaya 59:6

Randasi khanawariwa wonanko ekuwo sika khaniikhuneelliwana. Ddaweera ddiwa tti ddoonanara nave mitteko dda mattiiwa tti ddeechiwawa.

Yesaya 1:9

Apwiya Amasiva Mattheene yahinihiyalleke amoddahi ooyeva neerotthollowa wonanko Sodomu ni Gomora.

1 Mamwene 19:18

Komave o Israele kohaahiyawo athu 7,000 ayo ehinamukokhorella Baala apaalle opsopsona mafanwaaye.”

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 14:4

Yaalla yahiisunga sika asombwe oohiiripiha ni atthiyana. Yaanamuthwara mwaanaankhosa orive weko ayiilleeyewo. Yahoopolliwa variyari va athu attheene nave tti awaamba ovelleelliwa wa Mulluku ni wa Mwaanaankhosoolle.

Levitiko 13:48

apaalle ekuwo yabafuta, yamapururu, yanttapara apaalle erive ello yoopangiwa ni nttapara,