Yawuupullulla 3:19 - Mawu a Mulluku

¹⁹ Kinnaahumullulla ni waallaka attheene kinaakondeemi. Vano llipihellani wi murukunuwe murima.

Yawuupullulla 3:19 ပူးပေါင်းရင်းမြစ်များ

1 Akorinto 11:32

Koma ninneeruziwa ni ollakiwa ni Apwiya wi nihiipiwe mullatu vamodda ni ellapo yavatthi.

Yawuupullulla 2:5

Upuwellani nko mumorelleenyuwo. Rukunuwani murima nave mweereke mweereenyu vawaamba valle. Mwaahirukunuwa murima kineeroowa kivenyihevo yoohiyavo enyaalaanyu vanipuroni viwa.

Yobu 5:17

Oodala tti muthu oyo Mulluku anamuhumullulla. Sika ohivevulle aawuullakaka Amasiva Mattheene.

2 Akorinto 7:11

Ngoonani nnddo mwaakhenlleenyu ovenyera mwa ddoovoriiha murima ddoovenyera wa Mulluku. Mwaakhalla antthitti, mwahiiteteza wunchichi, mwamushella murima mwanamunninyu olle achimwalle, mwaarurumuseya, mwaakikhallella munkhella wi mukoone navettho mwaapaalla wunchichi omullaka mwanamunninyu olle achimwalle. Mohooniha mu ddeko ddittheddenenndda wi khamunna yoonanara.

Yeremiya 31:18

“Koomwiiwa Efuremu inllaka mweethakaraka wi, ‘Nyu moonillaka, ddawoona, noollakiwa wonanko musaanaang'ombe oohihuddihiwa. Munihokollose wi niwore ohokollowa vawi nyu tti Apwiya Mullukwaahu.

Yeremiya 10:24

Nyu Apwiya, kilangizeni mweechilungamo, muhikishelle murima wi mukoononge.

Yeremiya 7:28

Nave sika waalleelle wi mutundwiiwa khoniiwellella mawu a Apwiya Mullukwiiya nave khonapaalla ohumullulliwa. Ororomelleya khonaphwanya nave eyo ehanlle vayanoni viwa tti ddawootthave.”

Yesaya 26:16

Nyu Apwiya, va enthawi ya ddoohoosa, athwaanyu yaawaashaashani. Enthawi eyo mwaallakeenyu, yaavekella wa nyuwaano.

Miyambo 22:15

Okarangeya onnakona m'murimani mwa mwaana koma ekopo yoomullakella eneerovenyihamo.

Miyambo 15:32

Oyo anakhoota ohuddera aniivoreya yeekha koma awaakhullella ohumullulliwa annapindula wiiwesesa.

Masalimo 69:9

Echikondaaka va enyumbaanyu yookoononga, epewe ya athu awuuvevullani yookimorella.

Masalimo 39:11

Munnamullaka muthu voomuhumullullani ekaamba ya machimwaaye, munnoononga nnddo anaddikondeeye wonanko enjenjete. Ddawoona, arive muthu tti mpweyave.

Deuteronomo 8:5

Dduwellani wi Apwiya Mullukwaanyu ennuullakani wonanko attiitthi enaallakelliiwa aniiwa.

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Tito 2:14

Ahiivelleella yeekhaaye mu nipuro na hiyaano wi anoopolle hiyaano o machimo mattheene nave wi aneerihe wi nikhalle aweella navettho wi nikhalle aaye ayo mirima ddiwa ddiri va mitteko ddaphaama.

Aroma 12:11

Mwaallipihellaka ophara mutteko wa waarumeyella Apwiya muhikhalle oolesi koma mwaarumeyelleke ni murimaanyu muttheene.

Yeremiya 30:11

Miyaano kiri ni nyuwaano, Kineerewuuvullusani, mi Apwiya koollota. Kineerowoononga mitundu ddittheddene dda athu nko kupallalleselleemini, koma nyu nguutthollosani. Nguuhiyani oohillakiwa koma kinuullakeni mweechilungamo.”

Masalimo 94:10

Ethiyo oolangiza mitundu dda athu khanallaka? Ethiyo owaahuddiha athu attheene khanna ezeru?

Masalimo 6:1

Apwiya, mu osha murima wanyu muhinakisimwella, mu onanariwa wanyu muhinakillaka.

2 Samuele 7:14

Miyaano kinaakhalle attiitthinnya nave olliye anaakhalle mwanaka. Aachimwaka wiilliwiilli kineerekomullaka wonanko mmo attiitthi enaallakelliiwa aniiwa.

2 Akorinto 6:9

Ninnooniwa wonanko oohidduwanyeya naari nidduwanyeyaka ni athu attheene, wonanko nookhwa naari niri ni okumi, wonanko noollakiwa naari nihiiphiwe.

Yohane 2:17

Vano oohudderaaye yahuupuwella wi mawu a Mulluku enallota wi, “Echikondaaka va enyumbaanyu oneerokoononga miyaano.”

Miyambo 15:10

Oohiya ettilla yaphaama annallakiwa wunchichi nave awiitana ni ohumullulliwa annakhwa.

Agalatiya 4:18

Vano tti waphaama opwatha ddeko ddaphaama woohikhalla kakhalla ni nyuwaanove koma naarittho kaahikhallavo.

Zefaniya 3:2

Khaawiiwellelle mawu oochenjeza, khaawaapwathille oohumullulla. Khaawaaroromenlle Apwiya apaalle omwaatamella Mullukwaaye.

Yeremiya 2:30

Kuullakelleni nivuddo nave khemwaahuddenrevo ello. Wonanko mukango wattalla, mwaawiipha anamallotellaanyu ni nsupada.

Mateyu 25:7

Vano anamwalli attheenaalle yaavenya epotokosa enyali ddiwanndde.