Yawuupullulla 3:17 - Mawu a Mulluku

¹⁷ Vawi munallota wi, ‘Nookhalla ni eyuuma, khannapaalla ello,’ koma khamunadduwella wi munnamoriha ethakaraka, athu oohoowa, oohiwara ni oohoonattho.

Yawuupullulla 3:17 ပူးပေါင်းရင်းမြစ်များ

Miyambo 13:7

Ookhallavo anaddeesa eeyuuma koma ahinna ello nave mmodda anaddeesa oohoowa koma ari ni eyuuma yinchichi.

Hoseya 12:8

Efuremu aallota wi, ‘Kootukhuwa, kookhalla ni eyuuma yinchichi, khaphwanya mullatu mwa miyaano va eyuumaaka.’

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Aroma 7:24

Mi tti muthu ootulli! Ttaani anaakaakihe ovenyera o omuthu olla onakikusella okhwa?

Luka 1:53

Athu oohoowa ohaakwakhwanihella ni ddeko ddaphaama, nave athu eeyuuma ahaahokollosa ahaavahille ello.

Mateyu 9:12

Koma Yesu aawiiwa nave ahaakhulla wi, “Athu oohivoriiwa khenaya wa mullupa murete koma yaayove enavoriiwa.

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”

Aroma 12:3

Ekaamba ya echisomo eyo Mulluku aakivahilleeye, kinallota wa arive muthu variyari vanyu wi muhiganizeke wi nyuwaano tti uullupalli ohiyana ni mmo mukhallelleenyu. Koma maganizwaanyu ekhalle awiiyeviha moollikana ni waata wa echikhulupililo eyo Mulluku uuvahilleeyeni.

Genesis 3:7

Echille, yaadduwella wi yaari epwillimwinddive. Sika yahiisowella mutambullo wa makukhu a namukuyu.

2 Petro 1:9

Koma ayo ehinna ddenndda tti oohoonesesa apaalle oohoona nave aatiwalla wi machimwiiwa akhalle aakhululukiwa.

Mateyu 5:3

“Oodalisiwa tti ayo eri oohoowa m'munepani, vawi ennahakallalla ni madaliso a omwene wa Mulluku!

Luka 6:24

“Koma ootulli tti nyuwaano muri ni eyuuma, vawi mohaakhella khalle yowuuhakallallihani.

Zekariya 11:5

Ookulla enkhosa ennaddiipha koma khaavo anawiipa mullatu. Nave vookullihani enameeyo enallota wi, ‘Apwiya etitimiheye! Noophwanya eyuuma!’ Abusa khenamoriwa ethakaraka ni enkhosa.”

Eksodo 32:35

Sika Apwiya yaarumiha ereta wa athwaayo ekaamba yawi yaamuwatihera Aroni wi aapangelle musaanaang'ombe agolide.

Aroma 11:25

Asinnaka ni arokoraka, vookhalla yookhuweya eyo kinapaalleemi wi mudduwelle vawi muneeseke wi nyuwaano tti eezeru. Aisraele amodda yahummiha murima. Nave enaakhalleve ddiiddo ophiyera echiwerengero ya athu ayo ehiri Aisraele oowa wa Mulluku ekwakhwanne.

Aroma 11:20

Tti ddawoona. Yahinttakeya ekaamba ya ohikhulupilila wiwa koma nyuwaano muri vaavo ekaamba ya okhulupilila wanyu. Sika muhiitukhulleke koma m'mooveke Mulluku.

Yeremiya 2:31

Nyu athu amuttano, apellani maaru mawu a Apwiya. Ethiyo kiri wonanko echipululu vamiitthoni va Israele apaalle wonanko ellapo ya epiphi yinchichi? Kaambiiwa tini athwaaka enallotiiwa wi, ‘Noottaphulliwa, khanihokollweellattho wa nyuwaano?’

Yesaya 42:19

Ttaani ari oohoona koma ari oorumeyellaaka? Ttaani ari oohiiwa koma ari amithengaka kinamurumeemi? Ttaani ari oohoona koma kakeraatthihana echipangano? Ttaani ari oohiiwa koma tti oorumeyella a Apwiya?

Miyambo 30:9

Kinoova wi kavona Kineerewuukhootani voollotani wi, “Apwiya ttaani?” Apaalle kahoowa kineerewiiya ni oripiha nnddina na Mullukwaaka.

Yawuupullulla 3:16

Nave kaambiiwa muri variyari va oriirya ni oviha kineerowuumullani muwano mwaka.