Yawuupullulla 3:14 - Mawu a Mulluku

¹⁴ “Omulembelle oohoollella a mpingo wa o Laodikeya wi, “Alla sika mawu oovenyera wa muthu oyo aneeriwa Amen, oororomelleya ni mboni awoona oyo arittho awaamba a ddeko ddittheddene ddaphatusiwe ni Mulluku.

Yawuupullulla 3:14 ပူးပေါင်းရင်းမြစ်များ

Akolose 1:15

Khrisitu tti yoophwanaphwanihella yawooneya ya Mulluku oohooneya. Olliye tti Mwaana aamullopwana awaamba, muullupalli a ddoophatusiwa ddittheddene.

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Akolose 1:18

Olliye tti muru wa mpingo oyo ori mwiillaaye. Olliye tti maambeellello a erive ello, awaamba a oovenya wa ookhwa wi akhalle muullupalli mu ddeko ddittheddene.

2 Akorinto 1:20

vawi oweella mwa olliye ddoolonjeza dda Mulluku ddinnakwakhwanihiwa. Ella sika ekaambiiwa nineereehu Amen oweella mwa Yesu Khrisitu wi nimutitimihe Mulluku.

Yawuupullulla 3:7

“Omulembelle oohoollella a mpingo wa o Filadelfiya wi, “Alla sika mawu oovenyera wa oyo ari aweella ni awoona, oyo arina makiiyi a olamulello a Davide nave ahulla nchiwi khaavo muthu anaawore owalla navettho awalla khaavo muthu anaawore ohulla awi,

Yawuupullulla 22:13

Mi tti awaambeella ni oomallihella, waamba ni omalliha.”

Yawuupullulla 19:11

Kahoona oddullu ohulleyille nave kavalo aweella ahooneya. Oomuwella oyo nnddina naye aari Oororomelleya ni Awoona, oyo aneeruza ni owana ekhotwaaye mwa echilungamo.

Yeremiya 42:5

Alliwa yaamulleella Yeremiya wi, “Apwiya ekhalle mboni awoona ni oororomelleya oonivaanyiha hiyaano naaheera nnddo Apwiya Mullukwaahu yuurumalliiwani wi munilleelle.

Yesaya 65:16

Mwawi ddiiddo ooveka madaliso apaalle ollupella mu ellapweeyo aneereke ddennddo wa Mulluku awoona ekaamba yawi ddoohoosa ddaye ddakhalle ddootiwalliwa nave ddoovenyihiwavo vamiitthoni vaka.’ ”

Miyambo 8:22

Apwiya yaakiphatusa miyaano vawaamba va mitteko ddiwa, ehinaphatuse erive ello.

Yawuupullulla 22:6

Nave mungelo aallota wa miyaano wi, “Mawu alla tti awoona nave oororomelleya. Nave Apwiya Mulluku, ayo enavaha Munepiiwa wa anamallotella, aamurumiha mungelwiiwa wi awoonihe oorumeyellaaye eyo eneereye veneva.”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Akolose 4:16

Mwamalliha omweerenga kalata yoolla, moonesese wi eerengiwettho mumpingoni wa o Laodikeya. Emoddamoddave yeeyo nyuwaano mumweerengettho kalata oyo kaarumihelleemi asinnihu ni arokorihu o Laodikeya.

Akolose 2:1

Kinapaalla wi mudduwelle mmo kinapharelleemi mutteko moollipihella wa nyuwaano ni wa athu a o Laodikeya ni wa attheene ayo ehinakooneke vamiitthoni ni vamiitthoni.

Yesaya 55:4

Mudduwelle wi kaamutthoolla wi akhalle mbonaaka wa mitundu dda athu wi akhalle owahoollella ni owaalamulella athu anchichi.

Genesis 49:3

“Rubeni, mwanaka awaamba, weyaano tti masivaaka, tti echipaso yawaamba ya masivaaka. Mwa anaaka attheene, muullupalli tti weyaano va otitimiheya ni va masiva.

Deuteronomo 21:17

Mwanaye awaamba amukawelle ezigawo piilli vawi olliye tti mwaana awaamba, awiimellella masiva a ellopwana ya attiitthinnya vawi tti lamulo na mwaana awaamba.

Miyambo 14:5

Mboni oororomelleya khanoottha koma mboni oolleka anallota ddawootthave.

Yohane 1:3

Mulluku aaphatusa ddeko ddittheddene oweella mwa Mawu nave kheyiivo ello naari emodda yaphatusiwe yahaarikivo yaayo.

Yohane 8:14

Yesu ahaakhulla wi, “Naari kiivelleellellaka omboni meekhaaka, ombonaaka tti woororomelleya kaambiiwa kinnadduwella nko kinavenyereemi ni nko kinayeemi.