Yawuupullulla 3:11 - Mawu a Mulluku

¹¹ Koma ophiyera kiwiille, nyuwaano munaphwanella muphare moollipiha eyo muriinyuna wi ahikhallevo mmodda anawaakheni emphaswaanyu.

Yawuupullulla 3:11 ပူးပေါင်းရင်းမြစ်များ

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Yawuupullulla 22:12

Yesu anallota wi, “Ngiiwellani! Kinimawa veneva! Kineerowaana ddoothuva ddaka wi kivelleelle wa athu attheene moollikana ni mitteko ddiwa.

Yawuupullulla 2:10

Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 2:25

Koma ophiyera kiwiille, nyuwaano munaphwanella muphare moollipiha eyo muriinyuna.

2 Timoteo 4:8

Vano eyo enakitiyera tti waakhella emphaso ya echilungamo eyo Mulluku akisungenlleeye. Apwiya ayo eri Ooweeruza aphaama sika enaakithuve va nllapo na echiweruzo. Khekivaha miyaanove komattho wa attheene ayo enatiyera mookonda wi Apwiya eneeroowa.

2 Timoteo 2:5

Muthu oothamaka va mujaho khanaakhelle emphaso ahithwanre malamulo a vamujahonimvo.

Yawuupullulla 22:20

Oyo anavelleella omboni wa ddittheddenenndda anallota wi, “Ddawoona miyaano kinimawa veneva!” Amen! Waani Apwiya Yesu.

Yawuupullulla 1:3

Oodalisiwa tti muthu oyo aneerenga nibukhu nenna navettho oodalisiwa tti muthu oyo aniiwa ddoollotelliwannddo nave aneera ddilembiwe munibukhunimmu! Vawi enthawi yohaatamella yawi ddeko ddittheddenenndda ddeereye.

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

1 Akorinto 9:25

Arive muthu oothamaka, vookhozekellani anniihiiha va ddeko ddittheddene wi aakhelle emphaso yoomalla koma hiyaano nineera ddiiddo wi naakhelle emphaso yoohimalla.

Yawuupullulla 3:3

Vano upuwellani nnddo mwahuddenreenyu ni nnddo mwiiwalleenyu, mweereke ddennddo nave murukunuwe murima. Mwaahivenya, kineeroowa wa nyuwaano wonanko mullupaawiiya nave khamudduwellattho enthawi kineereemi kiweelle.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 22:7

Yesu anallota wi, “Ngiiwellani, kinimawa veneva! Oodalisiwa tti ayo eniiwellella mawu oollotelliwa mu nibukhunna!”

Zefaniya 1:14

Nllapo nuullupalli na Apwiya nohaatamella, niri vakhuviru nave nineerophiya mwawaakuva. Nllapo nenno oneerokhalla okhuwa woovoreya naari akhoto amasiva aneerewinlla mookhuwa.

Yakobo 5:9

Asinnaka ni arokoraka, muhillotellaneke ddoonanara wi Mulluku ahiweeruzeni. Ooweeruza ohiimella vamullakoni.

Afilipi 4:5

Mooniheke omaalleya wanyu wa arive muthu. Apwiya eneeroowa naanweene vaava.

Yawuupullulla 16:15

“Ngiiwani! Kineeroowa wonanko mullupaawiiya! Oodalisiwa tti muthu oyo ahinakona nave ahinarulla ddoowara ddaye wi khawa eeta oohiwara athu ehoone epwillimwinddaaye.”