Yawuupullulla 22:9 - Mawu a Mulluku

⁹ Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”

Yawuupullulla 22:9 ပူးပေါင်းရင်းမြစ်များ

Yawuupullulla 19:10

Kaakokhora vamiitthoni vaye wi kimullapelle koma olliye aakilleella wi, “Oheere ddennddo! Mi tti oorumeyella mukhwaawo nave mmodda a asinno ni arokoriyo, attheene ayo enakhallella omboni dda Yesu. Mullapelle Mulluku!” Vawi okhallella omboni dda Yesu tti ollotella.

Yawuupullulla 14:7

Aallota ni mawu oowella wi, “Mooveni Mulluku nave mutitimiheni vawi enthawi yawi eeruze yoophiya. Mullapelleni olliyooyo aphatusalle oddullu, ellapo yavatthi, enyanja ni aneetuutu!”

1 Yohane 5:20

Ninnadduwella wi Mwaana a Mulluku oowa nave oonivaha wiiwesesa wi nimudduwelle Mulluku awoona. Ninakhalla mu eyaattano ni Mulluku awoona vawi niri mu eyaattano ni Mwanaye Yesu Khrisitu. Olla sika Mulluku awoona nave olla sika okumi woohimalla.

Yawuupullulla 4:10

attekweene 24 yaanakokhora vamiitthoni va ookeraatthi vampandoni wa omwenooyo nave enamullapella oyo anakhalla ni okumi woohimalla. Yaanaarulla akorona omuruni wiwa enaahiya vatthi vahoollo va mpando woomwenooyo enallota wi,

Eksodo 34:14

“Muhillapelleke milluku ddimodda, ekaamba yawi Apwiya ayo nnddina niwa tti Nahache, tti Mulluku eehache.

Yawuupullulla 22:10

Nave aakilleella wi, “Ohaavitthelle athu mawu oollotelliwa mu nibukhunna kaambiiwa enthawi yohaatamella yawi ddittheddenenndda ddineereweereya.

Yawuupullulla 15:4

Athu attheene eneerowoovani nyu Apwiya, khaavo anaakhoote otitimiha nnddina nanyu, vawi nyuwaano tti aweella. Athu a mitundu ddittheddene eneeroowa ni wuullapellani nyuwaano, kaambiiwa mitteko ddanyu ddoolungama ddohooniwa wa athu attheene.”

Yawuupullulla 9:20

Athu attheene oohalla ayo ehiniiphiwe ni millillinndde kheyaahiyalle mafano yapangilliiwa ni mattiiwa. Kheyaahiyalle ollapella minepa ddoonanara naari mafano agolide, asiliva, amukuwa, malluku ni miteekho ayo ehinawora woona wiiwa apaalle weeta.

Masalimo 45:11

Mwene aneerewuupaalla ekaamba ya oreera wawo, mukokhorelle vawi tti apwiiyo.

Deuteronomo 4:19

Muchenjere wi mwaweha oddullu ni woona nndduwa, mweeri, etheneeri ni ddittheddene ddooddullunko, murimaanyu ohikuseye ni waamba ollapella ni orumeyella ddeko nnddo Mullukwaanyu aavahilleeye athu amodda attheene a va ellapo yavatthi.

Yawuupullulla 22:18

Miyaano Yohane kinamuchenjeza arive muthu oyo aniiwa mawu oollotelliwa mu nibukhunna. Muthu aanjereravo ello va mawu yaalla, Mulluku aneeromwaanjerera ollakiwa waye ni millilli ddilembiwe mu nibukhunna.

Luka 4:7

Ddittheddenenndda ddinaakhalle ddaawo, wakikokhorella okillapella miyaano.”

2 Mamwene 17:36

Koma mukillapelleke mi Apwiya oyo kuukhumihalleni o Iguputo ni masivaaka muullupalli ni muwonwaaka wamasiva. Mukooveke mi Apwiya nave muvelleelleke mukutho wa meeneve.

Mateyu 4:9

nave allota wi, “Kineerewuuvaha ddittheddenenndda wakikokhorella ni okillapella.”

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 22:7

Yesu anallota wi, “Ngiiwellani, kinimawa veneva! Oodalisiwa tti ayo eniiwellella mawu oollotelliwa mu nibukhunna!”