Yawuupullulla 22:6 - Mawu a Mulluku

⁶ Nave mungelo aallota wa miyaano wi, “Mawu alla tti awoona nave oororomelleya. Nave Apwiya Mulluku, ayo enavaha Munepiiwa wa anamallotella, aamurumiha mungelwiiwa wi awoonihe oorumeyellaaye eyo eneereye veneva.”

Yawuupullulla 22:6 ပူးပေါင်းရင်းမြစ်များ

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 21:5

Mulluku oyo akeraatthille vampandoni woomwene aallota wi, “Vano kinatthattusa ddeko ddittheddene ddikhalle ddanaanweene!” Aallotattho wa miyaano wi, “Lemba ddenndda vawi mawu yaalla tti awoona nave tti ororomelleya.”

Yawuupullulla 19:9

Vano mungelo aallota wa miyaano wi, “Lemba ddenndda, oodalisiwa tti ayo yiithaniwe omachellelloni a okwati wa mwaanaankhosa.” Ahoonjererattho ollotanko wi, “Yaalla sika mawu awoona a Mulluku.”

2 Petro 1:21

Vawi kheyiivo yoollotelliwa yawiille ovenyera wa ddoopaalla dda athu koma athu yahoollelliwa ni Munepa Waweella wi ellote othenga woovenyera wa Mulluku.

Mitteko 3:18

Mulluku aallotella khalle oweella mwa anamallotella attheene wi Mesiya anaphwanella wi ahoosiwe nave ddaakwakhwanihiwa.

Luka 1:70

Wonanko mmo alonjezilleeye oweella mwa anamallotella aweella murima ayo yaariwo mallapo akhalle,

Yawuupullulla 18:20

Hakallallani ooddullu nyu! Hakallallani athu a Mulluku ni amurummwa owaaka anamallotella nyu! Vawi Mulluku oomullaka va nnddo eerilleeye wa nyuwaano!

2 Petro 3:2

Kinapaalla wi muupuwelle mawu yaallotiwe khalle ni anamallotella aweella navettho malamulo oovenyera wa Apwiya ni Oovullusa ayo yaavahiwe wa nyuwaano oweella mwa amurummwaanyu.

Aheberi 12:9

Attiitthiihu a ellapo yavattheella ennanillaka nave ninnaavaha olemu. Ethiyo yookatamiha ttiivi omugonjella Mulluku, Attiitthiihu m'munepani wi nikhalle ni okumi?

Aroma 1:2

Othenga yoolla Mulluku aawulonjeza khalle oweella mwa anamallotellaaye wonanko mmo yalembelliiwa mu mawaaye aweella.

Yawuupullulla 22:7

Yesu anallota wi, “Ngiiwellani, kinimawa veneva! Oodalisiwa tti ayo eniiwellella mawu oollotelliwa mu nibukhunna!”

1 Akorinto 14:32

Emphaso yoollotella enaphwanella elamulelliweke ni oollotooyo,

Mateyu 13:41

Miyaano Mwaana a Muthu kineerewaarumiha angelwaaka wi yaakhumihe mu omwenaaka athu oowaachimwiha akhwiiwa ni attheene aweera ddeko ddoonanara.

Genesis 41:32

Nyu amwene Farao, voollohani opiilli ello emoddamoddave yeeyo, ddinasimikizella wi Mulluku sika akeraatthihalle ellweella nave aneereweera naanweene vaava.

Luka 16:16

“Malamulo a Mose ni ehuddiho ya anamallotella ddaanapharihiwa mutteko ophiyera enthawi ya Yohane Oobatiza. Ovenyera vaavo othenga waphaama wa omwene wa Mulluku onnallalleyiwa nave athu attheene ennawatiheriwa wi evollowemo.

Daniele 6:22

Mulluku aamurumiha mungelwaaye nave aawalla eyano dda mikango wawi khaddikivoreyille naari vang'ono kaambiiwa Mulluku ahoona wi kiri oohichimwa navettho oohilakwa vamiitthoni vanyu amwene.”

Daniele 3:28

Nebukadinezara aallota wi, “Atitimihiwe Mulluku a Shadrake, Meshaki ni Abedenego oyo amurumme amithengaaye aavullusa oorumeyellaaye oomuroromella olliye. Nave yaakhota mawu a miyaano mwene, evelleella miilli ddiwa wi ddihirumeyelle apaalle ollapella arive mulluku koma Mullukwiiwave.

2 Atesalonika 1:7

Nave nyuwaano munahoosiwa aneerewuuvahani wiithuuwa vamodda ni hiyaano. Aneere ddenndda Apwiya Yesu yooneya ovenyera oddullu vamodda ni angelwaaye amasiva,

1 Akorinto 7:29

Asinnaka ni arokoraka, eyo kinaakeemi tti yawi enthawi ehanlle tti yooyeva nave waambeella ollello, allopwana ootthella emuhiyeke Mulluku vahoollo wonanko khetthenlle.

Mitteko 12:11

Nave Petro aadduwella ddamweereyellennddo allota wi, “Vano koodduwella wi tti ddawoona! Apwiya yaamurumiha mungelwiiwa wi akivulluse wa Herode ni wa ddeko ddittheddene Ayuda yatiyeriiwa wi ddikeereyelle.”

Yawuupullulla 4:1

Ddimallille ddenndda kahoona masomphenya a nchiwi noohulliwa oddullu. Nave kahiiwa mawu wonanko nipallapata ekaakhullaka wonanko yaalle kiiwalleemi vawaamba valle ellotaka wi, “Ngawa oddullu wuno nave kineerowooniha ddinaaweereye muhoollo.”

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Yawuupullulla 22:1

Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”