Yawuupullulla 22:5 - Mawu a Mulluku

⁵ Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yawuupullulla 22:5 ပူးပေါင်းရင်းမြစ်များ

Yawuupullulla 20:4

Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Aroma 5:17

Tti ddawoona wi ekaamba ya nichimo na muthu mmodda, okhwa onnalamulella ekaamba ya muthu mmodda yooyo. Koma ddoothwarellella enre muthu mmodda, Yesu Khrisitu, tti dduullupalli. Athu attheene ennaakhella echisomo yuullupalli ya Mulluku nave ennalungamihiwa nave ennaakhella okumi woohimalla oweella mwa olliyooyo.

Masalimo 36:9

Mwa nyuwaano mookhalla neetuutu a okumi, mu owala wanyu naheenettho ninnoona owala.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Mateyu 25:34

Vano miyaano, mwene, kineerollota wa ayo a o nnattanatta wi, ‘Waani wuno nyu athu oodalisiwa ni Attiitthaaka! Waani mwaakhelle omwene oyo mwaakhozelliweenyu waambeella voophatuwani va ellapo yavatthi.

Masalimo 84:11

Vawi Apwiya Mulluku sika nndduwa ni yawiitetezella, ennaneerella echifundo ni onivaha olemu, Apwiya khenawiimana ddaphaama athu oolungama.

Yawuupullulla 18:23

Khamuwattho mooneya okhara wa enyali mwa weyaano, khamuwa mwiiweya mawu a ootthella ni ootthelliwa mwa weyaano. Allupa malondaawo yaari amasiva va ellapo yavatthi ettheene koma wahaalleka athu attheene a va ellapo yavatthi ni masengaawo!”

Mateyu 25:46

Vano yaalla eneeroya woollakiwa woohimalla koma aweera echilungamo eneeroya wuukumini woohimalla.”

Yesaya 24:23

Mweeri oneeronyaalla nave nndduwa nineerowulliwa muru vawi Apwiya Amasiva Mattheene enaakhalle mwene. Eneerolamulella va mwaango wa Ziyoni ni o Yerusalemu nave eneerewooniha ntitimiho niwa vamiitthoni va attekweeniiwa.

Yesaya 30:26

Mweeri oneerowala wonanko nndduwa nave nndduwa nineerowalesesa wonanko olendo otthanu ni opiilli owala wa nllapo nimodda. Ddenndda ddineereye mvo Apwiya enaamakiiwa ni ovolliha makhwata ayo mwaneeniiwa yaambihalliiwa vawaallakani athwiiwa.

Zekariya 14:7

Ninaakhalle nllapo noowala, khokhalla otthaana apaalle mahiiyu vawi naari misikuwa oneerekemawalave. Nllapo naweereya ddenndda Apwiya weekhiiwa sika enanidduwella.

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.