Yawuupullulla 22:10 - Mawu a Mulluku

¹⁰ Nave aakilleella wi, “Ohaavitthelle athu mawu oollotelliwa mu nibukhunna kaambiiwa enthawi yohaatamella yawi ddittheddenenndda ddineereweereya.

Yawuupullulla 22:10 ပူးပေါင်းရင်းမြစ်များ

Daniele 8:26

Nndde woonilleewe dda otthaana ni mahiiyu tti ddawoona. Koma osunge moovittheya ddenndda vawi vineerovira mallapo ddihineereye.

Yawuupullulla 1:3

Oodalisiwa tti muthu oyo aneerenga nibukhu nenna navettho oodalisiwa tti muthu oyo aniiwa ddoollotelliwannddo nave aneera ddilembiwe munibukhunimmu! Vawi enthawi yohaatamella yawi ddeko ddittheddenenndda ddeereye.

1 Petro 4:7

Omalla wa ddeko ddittheddene wohaatamella. Munaphwanella mwiihiiheeke nave muchenjere sika wi muworeke ovekella.

Yawuupullulla 10:4

Ogugudeyanko wamaallilliiwa, kaapaalla wi kilembe ddallotiwe mu ogugudeyanko. Koma kahiiwa mawu oovenyera oddullu wi, “Ohimulleelle arive muthu nnddo ogugudeya waneetthanu ni piilli ollotilliiwa nave ohilembe!”

Mateyu 10:27

Nnddo kinuulleelleemini mwiipiphini nyuwaano munaphwanella muddiwulule vawooneya navettho nnddo muniiweenyu ddillotiwaka moonong'ona wa nyuwaano munaphwanella muddillalleye vaddullu va enyumba.

Daniele 12:9

Olliye aakaakhulla wi, “We Daniele, khawe vawi mawu yaalla tti oosungiwa moovittheya nave eneeromarelliwa ophiyera enthawi yoomalliha.

Daniele 12:4

“Koma we Daniele, sunga mawaalla moovittheya nave onimarelle nibukhunna ophiyera enthawi yoomalliha. Anchichi eneerothamakella nngu ni nngu nave ezeru ddineerovirellella waata.”

Ezekiele 12:23

Vano waalleelle athu wi mi Apwiya Mulluku kinallota wi, kineerowumalliha mwambi yoolla, khowa wiiweyattho mu Israele. Koma enthawi eri vakhuviru wi ddittheddene kuupullullalleemi m'masomphenya ddeereye.

Aroma 13:12

Mahiiyu ehanlle vang'ono omalla nave ohinase wohaatamella. Sika hankoni nihiye mitteko dda mwiipiphini nave niware ddoowanella ekhoto dda mu owala.

Yawuupullulla 22:16

“Mi Yesu, koomurumiha mungelwaaka wi allalleye ddeko ddenndda wa mipingo. Miyaano sika edduullu ya Davide, etheneeri yoowala ya thanda.”

Yawuupullulla 5:1

Nave kahoona mu nnattanatta na oyo anakeraatthi vampandoni woomwene nibukhu noomariwa ni ddoomarella dditthanu ni piilli nilembiwe muwari ni otte wene.

2 Atesalonika 2:3

Muhaakhullelle wi muthu mmodda awoottottheni mu erive ettilla. Vawi nllapo nenno nihinaphiye, onaakhalle omuwukila Mulluku navettho muthu Oonanaroolle aneerewuupulluwa, oyo anoonongiwe.

Yesaya 13:6

Inllani mookhuwa vawi nllapo na Apwiya nohaatamella nave ninawa ni woononga woovenyera wa Amasiva Mattheene.

Yesaya 8:16

Owumake phaama ombonoolla nave waamarelle mawu yaalla variyari va oohudderaaka.

Yawuupullulla 22:20

Oyo anavelleella omboni wa ddittheddenenndda anallota wi, “Ddawoona miyaano kinimawa veneva!” Amen! Waani Apwiya Yesu.

Aroma 13:11

Munaphwanella wi mweereke ddiidda kaambiiwa munnadduwella wi enthawi yookwakhwana yawi muvenye. Vawi vano oovullusa ohaatamella ohiyana ni enthawi eyo naambeelleehu okhulupilila.

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yawuupullulla 22:7

Yesu anallota wi, “Ngiiwellani, kinimawa veneva! Oodalisiwa tti ayo eniiwellella mawu oollotelliwa mu nibukhunna!”

Yawuupullulla 22:9

Koma aakilleella wi, “Oheere ddennddo! Mi tti oorumeyella mukhwaawo navettho a asinno anamallotella ni attheene ayo enathwara ddilembiwe mu nibukhunna. Mullapelle Mulluku!”

Yawuupullulla 22:18

Miyaano Yohane kinamuchenjeza arive muthu oyo aniiwa mawu oollotelliwa mu nibukhunna. Muthu aanjereravo ello va mawu yaalla, Mulluku aneeromwaanjerera ollakiwa waye ni millilli ddilembiwe mu nibukhunna.