Yawuupullulla 22:1 - Mawu a Mulluku

¹ Mungelooyo aakoonihattho muhinje wa maaddi ookumi. Nave maaddaayo yaari oonyezimella wonanko nigalasi noowala, yavenyera o mpando woomwene wa Mulluku ni Mwaanaankhosoolle.

Yawuupullulla 22:1 ပူးပေါင်းရင်းမြစ်များ

Yawuupullulla 7:17

Vawi mwaanaankhosa oyo ari vahoollo vampandoni woomwene sika anaakhalle mbusiiwa nave aneerewaahoollella ori aneetuutu amaaddi ookumi. Nave Mulluku aneerewaavutta miitthori ddittheddene m'miitthoni mwiwa.”

Yohane 4:14

Koma oyo anaawirye maaddi kinamuvaheemi khavolliwattho nthona. Maaddi yaayo kinamuvaheemi enaakhalle mwa olliyooyo wonanko neetuutu amaaddi ookumi woohimalla.”

Yawuupullulla 21:6

Olliyooyo aallota wi, “Woomalla! Mi tti awaambeella ni oomallihella, waamba ni omalliha. Wa muthu ari ni nthona kineeromuvaha moohillivella wi awirye maaddi oovenyera va neetuutu amaaddi ookumi.

Zekariya 14:8

Nllapo nenno maaddi ookumi eneerokhuma ovenyera o Yerusalemu. Hafu a maaddaayo eniithellelleke mu enyanja ya wookhuma nndduwa, hafu mmodda mu enyanja ya woovollowa nndduwa. Ddenndda ddineereyeke va enthawi yeellimwe navettho yooriirya.

Masalimo 46:4

Koma wookhalla muhinje oyo mitthipidda ddaye ddinahakallalliha muzinda wa Mulluku, nipuro nookhallawo Amasiva Mattheene.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Yeremiya 17:13

Nyu Apwiya, etiyerello ya Israele, attheene awuukhootani eneerowullihiwa muru. Attheene awuuhiyani eneerothiimihiwa wonanko manddina oolembiwa muthayani ekaamba yawaahiya Apwiya, neetuutu ookumi.

Yeremiya 2:13

Vawi athwaaka yeerille ddoonanara piilli, aakihiya mi neetuutu a ookumi, yohiikatella weekhiiwa ehime, ehime ddene ddamitthari, ddoohiwora osunga maaddi.”

Yesaya 41:18

Kineereweetiha mihinje variyari va asimiyaango awumma, aneetuutu eneerokhuma m'mataponi. Kineerotthattusa echipululu okhalla nthiya na maaddi, ellapo yawumma okhalla aneetuutu.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

Mitteko 2:33

Aawellihiwa oddullu akhalla onnattanatta na Mulluku, Attiitthinnya nave ohaakhella Munepa Waweella ovenyera wa olliye moollikana ni mmo alonjezilleeye khalle. Munooneenyu ni wiiwanndda tti Munepa Waweella anivahilleeye.

Yawuupullulla 21:11

nave waanawala ni ntitimiho na Mulluku. Owala wiwa waari wonanko nlluku noowallamella mutengo, yasipi, nawooneya wonanko nigalasi noowala.

Yohane 15:26

“Nave Ookavihera oyo kinaamurumiheemi wa nyuwaano ovenyera wa Attiitthaaka aneeroowa. Vano olliyooyo tti Munepa wawoona woovenyera wa Attiitthiihu, yooyo oneerovelleella omboni dda miyaano.

Yawuupullulla 5:13

Nave kahiiwa erive yoophatusiwa ya oddullu, ellapo yavatthi, vatthi va ellapo ni ya m'maaddini yiipaka. Sika ddookumi ddittheddene ddaaniipa wi, “Wa olliye anakeraatthi vampandoni woomwene ni wa mwaanaankhosa, okhalle ntitimiho ni oriiheya, owaaka masiva wa enthawi ddoohimalla!”

Yesaya 48:18

Wiiwellenlleke malamulwaaka, murendellaawo weerokhalla wonanko muhinje, echilungamo wonanko ephevo ya va enyanja.

Yawuupullulla 5:6

Nave kaamoona mwaanaankhosa iimenlle vahoollo va mpando woomwene, aapheelliwe ni ddoophatusiwa ddookumi ddisese ni attekweene. Nave Mwaanaankhosooyo ooneya wonanko aneerewiiphiwa. Aakhalla ni manyaka matthanu ni meelli owaaka miittho matthanu ni meelli nave miitthwaayo sika minepa mitthanu ni miilli dda Mulluku ddoorumihiwa va ellapo yavatthi ettheene.

Yesaya 66:12

Apwiya enallota wi, “Kineerewuuvaha murendelle wonanko muhinje. Eyuuma ya mitundu dda athu eneeroowa wa weyaano wonanko muhinje woosefukella. Munaakhalle wonanko mwaana awaamwa oyo amennya emuupaarelle vakhwipi apaalle enamuttotthella vamakutthani.

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Yawuupullulla 22:6

Nave mungelo aallota wa miyaano wi, “Mawu alla tti awoona nave oororomelleya. Nave Apwiya Mulluku, ayo enavaha Munepiiwa wa anamallotella, aamurumiha mungelwiiwa wi awoonihe oorumeyellaaye eyo eneereye veneva.”

Yohane 13:32

Nave Mulluku aneerotitimihiwa ekaamba ya miyaano, enthawi yeeyo Mulluku aneerokititimiha miyaano.