Yawuupullulla 21:2 - Mawu a Mulluku

² Nave kahoona muzinda waweella, Yerusalemu anaanweene, akitthaka ovenyera oddullu, wa Mulluku, waari okhozekille wonanko mutthiyana ootthelliwa awarihiwe phaama wi akumane ni mamune.

Yawuupullulla 21:2 ပူးပေါင်းရင်းမြစ်များ

Aheberi 11:10

Abrahamu eera ddiidda atiyeraka ovollowa mu muzinda wookhalla ni matthipello oohimalla oyo waganizeriwe ni omakiwa ni Mulluku.

Yawuupullulla 3:12

Athu enaapambanaayo kineeroweeriha wi ekhalle apoto a mu enyumba ya Mullukwaaka nave khevenyamo. Kineerolemba va alliwaayo nnddina na Mullukwaaka ni nnddina na muzinda wa Mullukwaaka, Yerusalemu anaanweene, oyo anawa akitthe vatthi ovenyera oddullu wa Mullukwaaka. Kineerolembattho va alliwaayo nnddina naka nanaanweene.

Yawuupullulla 21:10

Vano kaahoollelliwa ni Munepa Waweella nave mungeloolle aakikusella vaddullu va mwaango woorekama. Aakooniha Yerusalemu, muzinda waweella okitthaka ovenyera oddullu, wa Mulluku,

Yesaya 61:10

Vano kineerohakallalla wunchichi mwa Apwiya, murimaaka oneerottaphuwa mwa Mullukwaaka. Vawi olliye ookiwariha ddoowara ddoovullusa ookiwariha mukanjo weechilungamo. Mi kiri wonanko ootthella oowara enduwira wonankottho ootthelliwa oowara ddooreeriha ddoowallamella mutengo.

Aheberi 13:14

Valle vatthimva khaninna muzinda woohimalla koma ninnatiyera muzinda woohimalla oyo onawooyo.

Aheberi 12:22

Koma nyuwaano moophiya o mwaango wa Ziyoni nave o Yerusalemu ooddullu, o muzinda wa Mulluku Ookumi, nko ori angelo anchichi enahakallalla.

Yawuupullulla 22:19

Muthu avenyihavo ello va mawu oollotelliwa mu nibukhunna, Mulluku aneeromuvenyiherawo embali emodda ya ezipaso ddaye dda muteekho wa okumi ni nipuro naye mu Muzinda Waweella, nnddo ddilembiwe mu nibukhunna.

2 Akorinto 11:2

Kinnuukhallellani ehache, wonanko mmo Mulluku anakhallelleeye. Nyuwaano muri wonanko namwalli oyo kimutomelihalleemi wi atthelliwe ni mullopwana mmoddave, sika Khrisitu yeekhave.

Yesaya 54:5

Oophatusaawo ari wonanko mamuno, Apwiya Amasiva Mattheene sika nnddina naye. Aweelloolle a Israele sika Oowoopollaawo, nnddina naye tti Mulluku a ellapo yavatthi ettheene.

Yesaya 52:1

We Ziyoni, venya venya, llipa murima. We Yerusalemu, muzinda waweella, wara ddoowara ddawo ddaphaama, athu oohiphaddiwa ni ooripihiwa khewa evollowattho va millako ddawo.

Yesaya 62:4

Khowa oromolliwattho “Oohiyiwa.” Ellapwaawo khewa eromolliwattho “Echipululu.” Koma vano onaaromolliweke “Kinnahakallalla ni olliye.” Ellapwaawo enaaromolliweke “Ootthelliwa moohakallalla” ekaamba yawi Apwiya ennahakallalla ni weyaano, onaakhalle wonanko ootthella a ellapwaawo.

Masalimo 87:3

We muzinda wa Mulluku, athu ennallota ddinchichi ddawuuriiha.

Yawuupullulla 11:2

Koma ohilinge nthato niri otte wa enyumbeeyo kaambiiwa naavelleelliwa wa athu oohimullapella Mulluku, ayo enaawe enyingallelle muzinda waweella wa miyeri 42.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 1:4

Ovenyera wa Yohane oya wa mipingo mitthanu ni miilli dda mu echigawo ya Asiya.* Echisomo ni murendelle ddikhalle ni nyuwaano ddoovenyera wa Mulluku oyo arivo ollello, aarivo khalle ni oyo anaawe muhoollo navettho ddoovenyera wa minepa mitthanu ni miilli ddookhalla vahoollo vampandoni woomwenaaye,

Yawuupullulla 1:1

Nibukhu nenna tti na ddeko nnddo Yesu Khrisitu uupullullalleeye. Mulluku aamuvaha eyuupullullo yeella wi awoonihe oorumeyellaaye nnddo ddinaphwanella weereya veneva. Khrisitu aamutthoonyihella oorumeyellaaye Yohane voomurumihellani mungelwaaye,

Yohane 3:29

Ootthelliwa mwaneena tti ootthella. Koma mukhwaaye a ootthellooyo aniimella vakhuviru ni omwiiwellella moohakallalla. Nave anahakallalla iiwa mawu a ootthella. Sika emoddamoddave yeeyo koohakallalla ni murimaaka muttheene.

Yeremiya 31:23

Apwiya Amasiva Mattheene, Mulluku a Israele, anallota wi, “Kaahokollosellattho athu mu ellapwiiwa eneerollota mu ellapo ya Yuda ni omizinda ddiwa wi, ‘We nipuro neechilungamo, we mwaango waweella, Apwiya yuudalise.’ ”

Yesaya 1:21

Ngoonani muzinda olle khalle waari woororomelleya ni woolungama koma vano oneera ddooraruwa. Muzinda olle khalle waari ni athu oolungama koma vano wooddalla ni athu oowiipha akhwiiwa.

Aheberi 11:16

Koma yatiyera ellapo yaphaama oddullu ohiyana ni ellapo yoowaniwa. Ella sika ekaambiiwa Mulluku ahinawulliweeyena muru yaamuromollaka wi Mullukwiiwa. Nave ahaamakella muzinda woohimalla.

Yawuupullulla 21:9

Nave mmodda a angelo atthanu ni eelli ayo yaari ni embale dditthanu ni piilli ddooddalla ni millilli mitthanu ni miilli ddoomalliha aawa wa miyaano allota wi, “Ngawa, kineerowooniha ootthelliwa, mwaariye a mwaanaankhosa.”

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.