Yawuupullulla 21:1 - Mawu a Mulluku

¹ Kahoona oddullu wanaanweene ni ellapo yavatthi yanaanweene. Oddullu ni ellapo yavatthi ddawaambanndde ddaarimeella nave enyanja kheyaariwottho.

Yawuupullulla 21:1 ပူးပေါင်းရင်းမြစ်များ

2 Petro 3:13

Koma ninatiyera nnddo Apwiya yaanilonjezilliiwa, oddullu wanaanweene ni ellapo yavatthi yanaanweene, nko ori owaniwa wa echilungamo.

Yesaya 66:22

“Wonanko mmo ellapo yavatthi yanaanweene ni ellapo yooddullu yanaanweene nnddo kinaddiphatuseemi ddinaakhalle wa enthawi yoohimalla vamiitthoni vaka emoddamoddave yeeyo edduullu ddanyu ni nnddina nanyu ddineerokhallavove.

Yawuupullulla 21:5

Mulluku oyo akeraatthille vampandoni woomwene aallota wi, “Vano kinatthattusa ddeko ddittheddene ddikhalle ddanaanweene!” Aallotattho wa miyaano wi, “Lemba ddenndda vawi mawu yaalla tti awoona nave tti ororomelleya.”

2 Petro 3:10

Koma nllapo na Apwiya nineerophiya wonanko mullupaawiiya. Va nllapo nenno oddullu oneeromalla ni okhuwa wuullupalli ni ddeko ddooddullu ddineerewoonongiwa ni munllo. Nave ellapo yavatthi ni ddeko ddittheddene dda mwemmo ddineerewooneya.

Yawuupullulla 20:11

Nave kaamoona Mulluku akeraatthille vampandoni muullupalli waweella wa omwene. Ellapo yavatthi ni oddullu ddaathawa vamiitthoni vaye nave ddaarimeellattho.

Yesaya 27:1

Nllapo nenno Apwiya enaapharihe mutteko nsupada niwa nawiisha, nuullupalli ni namasiva, omullaka Leviyatani,* enowa yoothawa, yoonyimphireya nave eneerewiiphattho enama yawoopiha ya mu enyanja.

Daniele 7:3

Munyanjanimmo mwaakhuma ddookumi ddisese dduullupalli ddoohiyanahiyana.

Yawuupullulla 13:1

Nave kahoona enama yuullupalli yawoopiha ekhumaka mu enyanja. Yaari ni manyaka khumi ni miru mitthanu ni miilli, va nirive nnyaka vaakhalla korona* ni va orive muru vaalembiwa nnddina noomweerella epewe Mulluku.

Yesaya 57:20

Koma athu oonanara tti wonanko enyanja yoovidduwa, yooheera ellapo tuu nave mafundiiwa enakhallella ovokha matokwi ni mihava.

Yesaya 51:11

Ayo mwawooponlleenyu eneerohokollowa, eneerophiya o Ziyoni nchipo niri vayanoni, othapella woohimalla eneerewooneya va ekhove ddiwa. Eneerokhalla ni ehakallallo ni ottaphuwa, ethakaraka ni wiipullella ddineeromalla.

Aroma 8:21

wi erive ello eyo yaphatusiwe, nllapo nimodda, eneerottaphulliwa mu okaporo wa eyuute nave eneerokhalla mu ottaphuwa owaaka mu ntitimiho na anamwani a Mulluku.

Yawuupullulla 6:14

Oddullu waavenyihiwavo wonanko mwinlli woovillikiwa nave orive mwaango ni echilumba ddaavenyihiwa m'mapuroni mwiwa.