Yawuupullulla 20:4 - Mawu a Mulluku

⁴ Nave vano kahoona mipando ddoomwene nave ayo yakeraatthille va mipandonnddo yaari ayo yavahiwe olamulello waweeruza millatu. Kahoonattho minepa dda athu ayo yiiphiwe ekaamba ya mawu a Mulluku owaakattho ovelleella omboni dda Yesu. Kheyaallapenlle enama yuullupalli yawoopiha apaalle nifano niwa naari odindiwa ni echidindo ya enameeyo va eyuuchi ddiwa apaalle va mattiiwa. Yaavenyihiwa wa ookhwa nave elamulella wonanko mamwene vamodda ni Khrisitu wa miyakha 1,000.

Yawuupullulla 20:4 ပူးပေါင်းရင်းမြစ်များ

Daniele 7:27

Omwene, olamulello ni ottekweene wa mamwene mattheene a va ellapo yavatthi ddineerovelleelliwa wa aweella a Mulluku Amasiva Mattheene. Omweniiwa onaakhalle woohimalla, oolamulella attheene a ellapo yavatthi eneerekewaarumeyella ni owiiwellella.”

Daniele 7:18

Koma aweella a Mulluku Amasiva Mattheene eneerewaakhella masiva oomwene nave eneerokhallanave wa enthawi ddittheddene ni wa enthawi yoohimalla.”

Mateyu 19:28

Yesu ahaalleella wi, “Ddawoona, kinimuulleellani wi mi, Mwaana a Muthu, kakeraatthi vampandonaaka wa ntitimiho mu ellapo yanaanweene, vano nyuwaanottho oohudderaaka khumi ni eelli muneerokeraatthi m'mipandoni wi muweeruze malloko khumi ni meelli a Israele.

Yawuupullulla 6:9

Nave mwaanaankhosa aamarulla yoomarella yaneetthanu. Vano kahoona vatthi va nikuwa minepa dda athu ayo yiiphiwe ekaamba yoollalleya mawu a Mulluku ni wi yaari oororomelleya voovelleellani omboni wa echikhulupililwiiwa.

Yawuupullulla 3:21

Wa ayo enaapambane, kineerowaakhullella wi elamulelle vamodda ni miyaano mu omwenaaka. Emoddamoddave yeeyo kaapambana nave vano kinnalamulella ni Attiitthaaka mu omweniiwa.

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Daniele 7:22

ophiyera mvo oyo aarivo khalle aphiyalleeye. Sika echiweruzo yaaweetella phaama aweella a Mulluku Amasiva Mattheene. Ella sika enthawi eyo aweella yaakhenlliiwa omwene.

Yawuupullulla 20:6

Oodalisiwa ni aweella tti athu ayo enaavenyihiwena va ovenya wawaambanko wa ookhwa. Okhwa waneepiilli khowinnattho masiva va alliwaalla vawi enaakhalle allupa mukutho a Mulluku ni a Khrisitu nave eneerolamulella vamodda ni olliye wa miyakha 1,000.

Daniele 7:9

Kiwehaka ddiiddo, kahoona mipando ddoomwene dditthattiwaka. Oyo arivo ovenyera khalle aakeraatthi va mpando mmodda. Ddoowara ddaye ddaari ddaweella mbee wonanko nthoche nave meehaaye yaari aweella wonanko obweya weenkhosa. Mpandwaaye waari wonanko wa mallumi amunllo nave magudumwiiwa yaari wonanko mallumi amunllo.

Luka 22:30

Vano muneerocha ni owirya ni miyaano mu omwenaaka nave muneerokeraatthi vampandoni woomwene wi muweeruze malloko khumi ni meelli a Israele.

Yawuupullulla 22:5

Khowa okhallattho mahiiyu navettho ookhallawaayo khewa epaallattho enyali apaalle nndduwa kaambiiwa Apwiya Mulluku sika enaakhalle owala wiwa, eneerolamulellattho wonanko mamwene wa enthawi yoohimalla.

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Aroma 8:17

Vawi hiyaano tti anaaye, nineerewaakhella madaliso anaasungelleeye athwaaye, ninaakhelle ddenndda nimodda ni Khrisitu vawi noona ddoohoosa ni Khrisitu, nineerewaakhellattho ntitimiho naye.

Yawuupullulla 15:2

Nave kahoona yawooneya wonanko enyanja yamagalasi oowala yoottakanyihera ni munllo. Kaawoonattho ayo yapambanne enama yuullupalli yawoopiha vamodda ni nifano niwa owaakattho ni echiwerengero ya nnddina niwa. Yahiimella vakhuviru ni enyanjeeyo, ephareelle magitala yavahiwiiwa ni Mulluku

Yawuupullulla 14:11

Mwiisi wa munllo woohoosa onnavirellella oya muddullu wa enthawi yoohimalla. Ayo enallapella enama yuullupalli yawoopiha ni nifano naye ni ayottho yadindiwe nnddina naye khewa yiithuuwa otthaana ni mahiiyu.”

Yawuupullulla 11:7

Vano ambonaayo yamalliha ollotella, enama yawoopiha yookhuma ovenyera ollitini woowallamellesesa wulle eneerowanana ekhoto. Nave enama yawoopiheeyo eneeropambana voowiiphani ambonaayo.

Yohane 14:19

Yoohalla enthawi yooyeva nave athu a va ellapo yavatthi khewa ekoonattho miyaano koma nyuwaano muneerokoona miyaano kaambiiwa miyaano tti mukumi wa enthawi yoohimalla muneerokhalla akumi wa enthawi yoohimalla.

Daniele 2:44

Va enthawi ya moomwenaayo, Mulluku ooddullu aneerokeraatthiha omwene woohoonongiwa. Oneerewaaphwinya ni waatthollosa moomwene mamodda mattheene nave omwenooyo weekhiiwa oneerokhalla wa enthawi yoohimalla.

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Yawuupullulla 11:15

Nave mungelo aneetthanu ni piilli ahoopa nipallapata naye. Nave kahiiwa mawu oowella ovenyera oddullu oollota wi, “Omwene wa ellapo yavattheella tti wa Apwiihu ni wa Mesiyaaye.* Nave Apwiihu eneerolamulella wa enthawi ddoohimalla!”

Yawuupullulla 11:11

Koma emanlle mallapo mararu ni hafwaayo, mpweya woovaha okumi woovenyera wa Mulluku waaviddeellelliwattho mwa mitembonndde nave ddaavenya nave athu attheene ayo yoonille yahoova.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Aroma 11:15

Vawi Aisraele yakhootiwiiwa ni Mulluku athu a va ellapo yavatthi yahaattanihiwa ni olliye. Onaakhalle wawiidde Aisraele yaakhullella! Onaakhalle wonanko ovenyihiwa wa ookhwa okhalla akumi.

Luka 1:17

Aneeroowa vahoollo va Apwiya, mwa munepa ni mwamasiva a namallotella Eliya. Aneerowaattaniha makhollo ni aniiwa nave aneerewaarukunusa mirima athu oohiiwellella wi ekhalle ni ezeru wonanko dda athu oolungama. Aneeroweeriha athu wi yaakhozekelle Apwiya.”

Malaki 4:5

“Ngoonani, nllapo nuullupalli ni nawoopiha nihinaphiye, kineerewuurumihellani namallotella Eliya.

Mariko 9:11

Vano yaamukoha Yesu wi, “Kaambiiwa tini ahuddihi a malamulo* enallotiiwa wi namallotella Eliya anaakhalle ahokollowille nyuwaano muhinawe?”

Mariko 6:27

Enthawi yeeyo aamurumiha akhoto amulamulella wi aweena muru wa Yohane. Akhotooyo aaya ondendenko aphadda muru wa Yohane.

Mariko 6:16

Herode iiwalleeye ddenndda, aallota wi, “Tti Yohane Oobatiza! Kaamuphadda murwaaye koma ookhallattho mukumi!”

Mateyu 24:10

Nave vano anchichi eneerohiya echikhulupililwiiwa, eneeromakihana ni wiitana.

Luka 14:14

Vano oneerokhalla muthu oodalisiwa kaambiiwa khewora wuuhokollosella koma Mulluku sika anuuhokolleselle va nllapo nno athu oolungama eneeriiwa evenyihiwe wa ookhwa.”

Yawuupullulla 1:2

nave Yohane ootthopoolla ddittheddene oonilleeye. Olla sika ombonaaye woollota dda mawu a Mulluku navettho omboni wa dda Yesu Khrisitu.

Yawuupullulla 2:26

Wa ayo enaapambane, yeeraka nnddo kinapaalleemi ophiyera omamallihello, kineerewaavaha olamulello va athu a mitundu ddittheddene.

Yawuupullulla 4:4

Waapheella mpando wa omwenooyo waakhallattho mipando ddoomwene 24, m'mipandonimmo mwaakeraatthi attekweene 24 ewanre ddaweella ni omuruni wiwa akorona* a golide.

Yawuupullulla 7:3

Mungelooyo aallota wi, “Muhoononge ellapo yavatthi apaalle enyanja naari miteekho ophiyera naadindalle oorumeyella a Mullukwaahu va eyuuchi ddiwa.”