Yawuupullulla 20:3 - Mawu a Mulluku

³ Mungeloolle aayivokhella enoweeyo mullitini mulle, awallawo nave amara omullakoninko wi ehiwettho ewoottottha athu attheene ophiyera ddimallille miyakha 1,000 nnddo. Ddawa ddimalla enaphwanella wi ettaphulliwe wa enthawi yooyeva.

Yawuupullulla 20:3 ပူးပေါင်းရင်းမြစ်များ

Yawuupullulla 20:1

Vano kaamoona mungelo akitthaka ovenyera oddullu, aphareelle onyolo woollemella ni makiiyi a o nlliti noowallamellesesa.*

Yawuupullulla 17:8

Enama yuullupalli yawoopiha woonilleeweelle eyo yaari ni okumi koma vano khenna okumi. Eri vakhuviru wi ekhume ovenyera ollitini woowallamellesesa wi yiiphiwe. Athu ookhalla va ellapo yavatthi ayo manddiniiwa kheyaalembiwe mu nibukhu na akumi ehinaphatusiwe ellapo yavatthi, eneerottikhina voowehani enama yuullupalli yawoopiheeyo. Yaakhalla ni okumi, vano khennattho okumi koma eneerokhallattho ni okumi.

Daniele 6:17

Vano yaakusa nlluku epopheya owanoni wa nlliti nave mwene aadindavo echizindikirwaaye ni ya enduna ddaye wi vihisinthiwe ello va Daniele.

Yawuupullulla 12:9

Enowa yuullupalleeyo yaavokhelliwa vatthi, enowa yakhalleeyo, nnddina niwa mdiyerekezi apaalle Satana, oyo allekille ellapo yavatthi ettheene. Aavokhelliwa vatthi vamodda ni angelwaaye attheene.

Mateyu 27:66

Sika yaayo yaayaawo yallipiha owalla nihamenno, ehiyavo echizindikiro vanllukunimvo. Yeerille ddiiddo yahaahiyavo oowehera.

2 Akorinto 11:3

Koma kinoova wi maganizwaanyu enaavirikanyihiwe nave wi muneerohiya wiivelleella wanyu woororomelleya wa Khrisitu wonanko mmo Heva aallekiweeye ni olleka woochenjera wa enowa.

2 Petro 3:8

Koma muhitiwalle ello emodda, akhwaaka ookondiwa! Khuwaavo ohiyana, wa nllapo nimodda ni miyakha 1,000 vamiitthoni va Apwiya. Wa olliye, piillinndda tti ddoophwanaphwana.

Masalimo 90:4

Vawi miyakha 1,000 vamiitthoni vanyu ddiri wonanko oddillo ovirallenngu. Apaalle wonanko owehera wa mahiiyu.

Yawuupullulla 17:2

Mamwene a va ellapo yavatthi yaararuwana mutthiyanoolla nave athu a va ellapo yavatthi yaalezelana vinyo a oraruwa wayenko.”

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Mateyu 24:24

Vawi amesiya awoottha ni anamallotella awoottha eneerewooneya. Eneereweera ezizindikiro dduullupalli ni ddoottikhiniha wi wakhalla wooworeya yaahollose naari athu ootthoolliwa a Mulluku.

Mariko 4:15

Athu amodda tti wonanko mmiddo oyo wamorenlle muttilla. Yiiwa mawu a Mulluku, enthawi yeeyo Satana annawa awaakha mawu ayo yaamiddiwe wa alliwaayo.

Luka 8:31

Minepa ddoonanarannddo ddaamuveka Yesu wi ahilamulelle wi ddakhuma mwa muthooyo ddavollowe mu nlliti noowallamellesesa.*