Yawuupullulla 2:9 - Mawu a Mulluku

⁹ kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Yawuupullulla 2:9 ပူးပေါင်းရင်းမြစ်များ

Yawuupullulla 3:9

Athu ayo eri a mulloko wa Satana, athu awoottha ayo enallota wi tti Ayuda ehiri yaayo, kineerowaana wi yuukokhorelleni. Attheenaayo eneerodduwella wi kinnuukondani.

2 Akorinto 8:9

Munnadduwella echisomo ya Apwiihu Yesu Khrisitu yawi addeera oohoowa ekaamba ya nyuwaano naari aari eeyuuma wi aweereni nyuwaano eeyuuma oyeella mu ohoowa waye.

Aroma 9:6

Nginaaka wi lonjezo na Mulluku naalepheleya vawi khe Aisraele attheene eri athu a Mulluku.

2 Akorinto 6:10

Ninnooniwa wonanko oomoriha ethakaraka naari enthawi ddittheddene nihakallallaka, wonanko oohoowa naari naaweeriha athu anchichi okhalla eeyuuma, wonanko oohikhalla ni ello naari niri ni ddeko ddittheddene.

1 Timoteo 6:18

Waalamulelle wi yeereke ddaphaama, ekhalle ni mitteko ddaphaama ddawaata nave ekhalle ni murima woovaha ni wookonda waakawella amodda.

Luka 4:18

“Munepa wa Apwiya ari va miyaano, kaambiiwa yaakizoza miyaano wi killalleye othenga waphaama wa oohoowa. Aakirumiha wi killalleye wa oomakiwa wi ettaphulliwe, ni wa athu oohoona wi yoonettho, ni wa athu oohoosiwa wi kaavahe murendelle,

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.

Luka 6:20

Yesu ahaaweha oohudderaaye nave allota wi, “Oodalisiwa tti nyuwaano muri oohoowa, vawi munnahakallalla ni madaliso a omwene wa Mulluku.

Aroma 12:12

Muhakallalleke ekaamba ya otiyera wanyu. Muvillelleke mwaahoosiwaka nave muvekelleke moohihiyerera.

Aroma 5:3

Ninnahakallallattho ni ddoohoosa ddahu kaambiiwa ninnadduwella wi ddoohoosa ddinnaneeriha wi nikhalle oovillella.

1 Timoteo 1:13

naari khalle kaanamullotella epewe, kaanamuvevulla ni omuhoosa. Nave Mulluku aakeerella echifundo kaambiiwa ngaamukhulupililalle olliyooyo sika ngaadduwella eyo keereemi.

1 Atesalonika 3:4

Vawittho naariihu ni nyuwaano, nahuulleellani moovallallella wi nineerohoosiwa. Mwawi ddiiddo ddaheereya wonanko mmo munadduwellaanyu.

2 Akorinto 8:2

Yaheesiwa wunchichi ni ddoohoosa yoonilliiwa koma ohakallalla wiwa waari wuullupalli. Nave yaavelleella mwawoollowa matta naari eri oohoowa wunchichi.

Aroma 8:35

Ttaani vano anaanimwallanihe ni echikondi ya Khrisitu? Ethiyo ddookatamiha apaalle ddoovoreya, ohoosiwa, ettalla, ohoowa, ddawoopopiha apaalle okhwa ttuuweera ddenndda?

Yawuupullulla 7:14

Kaamwaakhulla wi, “Apwiya, munadduwella tti nyuwaano.” Aakilleella wi, “Yaalla sika athu ayo yavillenlle mu ddoohoosa ddawoopiha. Yaahuwa nave yeelliha ddoowara ddiwa ni nikhame na mwaanaankhosa.

Luka 22:65

Nave yaamullotella mawu mamodda manchichi a epewe.

Luka 12:21

Voomallihani Yesu aallota wi, “Ddinaakhalle ddiiddo ni athu oodduukellellella weekhiiwa eyuuma koma khenakhallattho allupa a eyuuma vamiitthoni va Mulluku.”

Aroma 2:17

Koma vano nyuwaano muniiromolla wi Ayuda, munaroromella mu malamulo nave muniitukhulla ni waattana wanyu ni Mulluku,

Mitteko 26:11

Enthawi ddinchichi kaanaya mu enyumba ddamavekello* kaallakaka nave kaheeseesa wi ehiyeke echikhulupililwiiwa. Nave kananariwa kaanaya naari omizindani dda ellapo ddimodda kaahoosaka.

Mitteko 14:22

Yahaallipiha murima ni waalleellesesa wi evirellelle okhulupilila. Yahaahuddiha wi, “Ninaphwanella wi nikumane ni ddoohoosa wi navollowe mu omwene wa Mulluku.”

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Yawuupullulla 1:9

Miyaano Yohane, mwanamunninyu nave mukhwiinyu mu ddoohoosa, mu ovillella ni mu oovollowa mu omwenaaye ekaamba yoomuthwara Yesu. Kaahiyiwa va echilumba ya Patimo kaambiiwa kaallalleya mawu a Mulluku ni ovelleella omboni dda Yesu.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 2:24

“Koma wa athu amodda o Tiyatira ayo ehinathwara ehuddiho yoonanareella nave ayo yahihuddenre nnddo amodda enaddiromolliiwa wi ‘ddeko ddoovittheya ddoovenyera wa Satana.’ Kinimuulleellani wi nguullemellihani ni malamulo mamodda.