Yawuupullulla 2:7 - Mawu a Mulluku

⁷ “Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”

Yawuupullulla 2:7 ပူးပေါင်းရင်းမြစ်များ

Yawuupullulla 2:17

“Ngiiwani vano mwaarina maaru awiiwana ddinallota Munepa Waweella wa mipingo! “Wa ayo enaapambane kineerewaavaha mana mmodda oovittheya. Kineerowaavahattho nlluku naweella noolembiwa nnddina nanaanweene noohidduwelliwa ni muthu mmodda koma yooyove aakhenllooyo.

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Mateyu 11:15

Ngiiwani vano mwaarina maaru awiiwana!

Yawuupullulla 13:9

“Vano ngiiwani, mwaarina maaru!

Mateyu 13:43

Vano athu oolungama eneerowala wonanko nndduwa mu omwene wa Attiitthiiwa. Ngiiwani vano mwaarina maaru awiiwana!

Mateyu 13:9

Vano Yesu aamallihella ni ollota wi, “Ngiiwani vano mwaarina maaru awiiwana!”

Miyambo 11:30

Echipaso ya echilungamo tti muteekho wa okumi nave awaakopa athu tti eezeru.

Yawuupullulla 22:14

Oodalisiwa tti ayo enachapa ddoowara ddiwa mwaweelliha wi yaakhullelliwe ovollowa va millako dda m'muzindani ni ocha ezipaso dda muteekho wa okumi.

Yawuupullulla 21:7

Enaapambanaayo eneerewaakhella yeella ovenyera wa miyaano, kineerokhalla Mullukwiiwa nave eneerokhalla anaaka.

Luka 23:43

Yesu aallota wi, “Kinimuulleella ddawoona wi ollello vaava oneerokhalla ni miyaano mu Paradizo.”

Genesis 2:9

Apwiya Mulluku yaamellihamo miteekho ddooreera dda ezipaso ddooddiva. Variyari va emateeyo vaakhalla muteekho woovaha okumi vamoddattho ni muteekho woodduwelliha ddaphaama ni ddoonanara.

Yawuupullulla 22:17

Munepa Waweella vamodda ni Ootthelliwa eni, “Waani!” Arive muthu oyo aniiwa, anaphwanellattho ollota wi, “Waani!” Arive muthu arina nthona awe, oyo anapaalla, aakhelle maaddi ookumi moohillivella.

Mariko 7:15

Khe ello enavollowa mwa muthu ovenyera otte enamuripiha vamiitthoni va Mulluku koma eyo enakhuma mwa muthu sika enamuripiha.”

Yawuupullulla 22:2

Muhinjoolla wavira variyari va musewu muullupalli wa muzindoolla nave embali ddittheddene dda muhinje yoolla waakhalla muteekho wa okumi oyo wimma ezipaso ddiwa orive mweeri sika vamuyakhani wimma olendo khumi ni wiilli. Makukhwiiwa yaari murete woochiriha athu a mitundu ddittheddene.

1 Akorinto 2:10

Koma Mulluku ahuupullulla wa hiyaano yoovittheyaaye mwa munepaaye. Munepa annoona erive ello naari owallamella wa maganizo a Mulluku.

Yohane 16:33

Kohuulleellani ddenndda wi mukhalle ni murendelle ekaamba ya miyaano. Ellapo yavatthi eneerewuuhoosani koma llipani murima vawi miyaano koogonjiha ellapo yavatthi.

Ezekiele 28:13

Waari wonanko o Edeni, emata ya Mulluku. Waaniireeriha ni malluku oowallamella mutengo a mitundu ddittheddene, karineliyoni, topazi, jasipere, kirisoliti, berili, onikisi, safiro, rubi ni emeradi. Ddoohiyamo malluku ddaari dda golide. Yahuupangella ddittheddenennddo nllapo nno waphatusiweewe.

Miyambo 13:12

Ello yootiyerella yaselliwa ennakukhumulla mwiilli koma yoopaalleya yakwakhwanihiwa tti muteekho wa okumi.

Ezekiele 31:8

Mu emata ya Mulluku khamwaari muteekho wa mukunguza woophwanaphwana ni yoolla apaalle wa paini wa enthambi ddoophwanaphwana ni dda muteekho yoolla apaalle wanamukuyu wa enthambi ddoophwanaphwana ni dda muteekho yoolla. Ddawoona mu emata ya Mulluku khamwaari muteekho woophwanaphwana ni yoolla oreera wiwa.

Miyambo 15:4

Nllumi naphaama tti muteekho wa okumi koma mawu ookhoromana ennavoriiha murima.

Yawuupullulla 15:2

Nave kahoona yawooneya wonanko enyanja yamagalasi oowala yoottakanyihera ni munllo. Kaawoonattho ayo yapambanne enama yuullupalli yawoopiha vamodda ni nifano niwa owaakattho ni echiwerengero ya nnddina niwa. Yahiimella vakhuviru ni enyanjeeyo, ephareelle magitala yavahiwiiwa ni Mulluku

Yawuupullulla 14:13

Nave kahiiwa mawu oovenyera oddullu ellotaka wa miyaano wi, “Lemba ddenndda, oodalisiwa tti ayo waambeella ollello oya muhoollo enaakhwe eri mu eyaattano ni Apwiya!” Munepa Waweella ahaakhullella wi, “Ddawoona aakhalla ni odalisiwa! Eneerohakallalla ni wiithuuwa o mitteko ddiwa ddootopiha kaambiiwa mitteko ddiwannddo ddinnaathwara.”

Miyambo 3:18

Tti muteekho wa okumi wa ayo enayikhupaarella nave tti yoohakallalliha wa ayo enayipharesesa.

Mariko 4:9

Vano Yesu aamallihella ni ollota wi, “Ngiiwani vano mwaarina maaru awiiwana!”

Luka 8:8

Mmiddo mmodda wamorenlle va ethaya yaphaama nave ddoomellannddo ddahunnuwa niwimma ezipaso 100.” Vano Yesu amallihalle ollota nndda aallota mookhuwa wi, “Ngiiwani vano mwaarina maaru awiiwana!”

1 Yohane 2:13

Kinuulembellani nyuwaano makhollo kaambiiwa munnamudduwella oyo arivo ovenyera vawaamba. Kinuulembellani nyuwaano asombwe kaambiiwa moomugonjiha Oonanaroolle.