Yawuupullulla 2:23 - Mawu a Mulluku

²³ Kineerowiiphattho oomuthwaraaye wi mipingo ddittheddene ddidduwelle wi miyaano kinnadduwella maganizo ni mirima dda arive muthu. Nave kineeromuthuva arive muthu moollikana ni mitteko ddaye.

Yawuupullulla 2:23 ပူးပေါင်းရင်းမြစ်များ

Mateyu 16:27

Vawi mi Mwaana a Muthu kiri vakhuviru owa ni ntitimiho na Attiitthaaka ni angelo. Vano kineeromuthuva arive muthu moollikana ni mitteko ddaye.

Masalimo 7:9

Pepaani, mallihani ddoonanara dda oochimwa, koma aphaama mwaakeraattheyihe. Munnadduwella maganizo ni mirima ddene, nyu tti Mulluku oolungama.

Aroma 8:27

Nave Mulluku oyo anoona m'murimani mwahu, annadduwella maganizo a Munepa kaambiiwa Munepa annaavekella athu a Mulluku moollikana ni opaalla wa Mulluku.

Mitteko 1:24

Yaavekella wi, “Apwiya, nyuwaano sika munadduwella mirima dda athu attheene. Vano munoonihe oyo mumutthoonlleenyu va eellaalla

1 Petro 1:17

Munamuromolla wi Attiitthiihu, mwaavekellaka wa Mulluku, oyo anaweeruza athu attheene moollikana ni ddaweera ddiwa moohiweha ekhove. Sika vano mu okumaanyu muttheene va ellapo yavatthi mumooveke olliyooyo.

Yeremiya 11:20

Sika kaavekella wi, “Nyu Apwiya Amasiva Mattheene ayo muneeruza moolungama, ayo muneesa murima ni maganizo, onesesani wi mohaahokollosella ddoonanara vawi kahiivelleella m'mattani mwanyu!”

Yeremiya 17:10

Mi Apwiya kinnawumolleella murima nave kinnaweesa maganizo wi kimweerelle arive muthu moollikana ni ettilla ddaye moophwanellella ni mitteko ddaye.”

Yeremiya 20:12

Nyu Apwiya Amasiva Mattheene, munnaweeruza athu moolungama. Kinnavelleella mullatwaaka wa nyuwaano wi mwaahokolloselle ddoonanara adanaaka.

Masalimo 62:12

Navettho nyu Apwiya, echikondaanyu tti yoohisintheya, nyuwaano munnamuhokollosella muthu moollikana ni mitteko ddaye.

Masalimo 44:21

ethiyo Mulluku khaaddiphwanye ddenndda? Vallethi annadduwella ddawiipittheya dda m'murimani.

2 Epilli 6:30

mwiiwe mavekellwiiwa oddullu munakhalleenyuwo, mwaakhululukelle. Mumweerelleke arive muthu moollikana ni makhallellwaaye vawi nyuwaano munnadduwella murima wa arive muthu.

1 Samuele 16:7

Koma Apwiya yaamulleella Samuele wi ohinawehaka oreera apaalle orekama waye vawi yooyo koomukhoota. Apwiya khenoona wonanko athu enoonelliiwa. Athu enaweha dda otte koma Apwiya enaweha dda m'murimani.

Yawuupullulla 20:12

Nave kaawoona ookhwa, uullupalli ni ang'onong'ono, yiimenlle vamiitthoni va mpando woomwene. Mabukhu yaahulliwa, nibukhu nimodda nahulliwe naari nibukhu na akumi. Athu ookhwaayo yaheeruziwa moollikana ni mitteko ddiwa nnddo ddalembiwe m'mabukhunimmo.

Aheberi 4:13

Kheyiivo ello enavittheya vamiitthoni va Mulluku, ddeko ddittheddene ddinnakhalla vawooneya nave ddinnakhunuulliwa vamiitthoni vaye. Nave attheenehi ninaphwanella wi nimutthopoollelle mitteko ddahu.

2 Akorinto 5:10

Vawi hiyaano attheene ninaphwanella ophiyera vamiitthoni va Khrisitu wi neeruziwe ni olliyooyo. Arive muthu aneerothuviwa moollikana ni erive ello eerilleeye, yaphaama apaalle yoonanara.

Masalimo 26:2

Nyu Apwiya, mukiwehesese nave mukeese, moone murimaaka ni maganizwaaka.

1 Epilli 29:17

Nave kinnadduwella Mullukwaaka wi munneesa murima wa arive muthu nave munnahakallalla ni athu eechilungamo. Mu echilungamo ya murimaaka koovelleella ddittheddenenndda wa nyuwaano moohiwatiheriwa nave vano koowoona athwaanyu etthukumanille ovelleella wa nyuwaano mwa opaalla wiwa nave moohakallalla.

1 Epilli 28:9

Nave we Solomoni mwanaka, omudduwelle Mulluku a attiitthaawo nave omurumeyelleke ni murima muttheene ni okumaawo muttheene. Vawi Apwiya ennadduwella murima, maganizo ni minkhella dda arive muthu. Wawaashaasha oneerewaaphwanya koma waareya etulli eneerowutathilla wa enthawi yoohimalla.

Yawuupullulla 2:11

“Ngiiwani vano mwaarina maaru awiiwana ddinallota Munepa Waweella wa mipingo! Athu ayo enaapambane khevoreyiwa ni okhwa waneepiilli.

Yawuupullulla 2:7

“Ngiiwani vano mwaarina maaru awiiwana ddinallota Munepa Waweella wa mipingo! Wa ayo enaapambane kineerowaakhullella wi eche ovenyera omuteekhoni wa okumi oyo ori mu paradizo a Mulluku.”

Aroma 14:12

Sika arive muthu aneeromutakhella Mulluku ddeko eerilleeye.

Yohane 21:17

Yesu aamukoha waneeraru wi, “Simoni, mwaana a Yohane, onnakikonda miyaano?” Petro aamoriwa ethakaraka kaambiiwa Yesu aamukoha waneeraru wi, “Onnakikonda miyaano?” Sika aallota wi, “Apwiya, munnadduwella ddittheddene, munnadduwella wi kinnuukondani nyuwaano!” Yesu aallota wi, “Chihaka enkhosa ddaka.

Deuteronomo 19:20

Sika athu oohallaayo eneerewiiwa nave eneerewoova wi ehiwe yeera yoonanara wonanko yeella variyari vanyu.

Deuteronomo 17:13

Sika Aisraele attheene yiiwa ddeereyillennddo eneerewoova nave khaavo oyo anaawe eera yoonanara wonanko yeella variyari vanyu.”

Deuteronomo 13:11

Sika Aisraele attheene yiiwa ddeereyillennddo eneerewoova nave khaavo oyo anaakullelle weera yoonanara wonanko yeella variyari vanyu.

Yawuupullulla 6:8

Kaaweha nave kaamoona kavalo awooneya wonanko ntuura. Oomuwellooyo nnddina naye naari Okhwa nave athwariwa ni ellapo ya ookhwa. Yaavahiwa olamulello va emodda ya ezigawo ddisese dda ellapo yavatthi wi ewiiphe athu ni ekhoto, ettalla, ereta ni enama ddoosavuwa.

Deuteronomo 21:21

Vano athu a m'muzindanimmo emwiiphe voomuvokhani malluku nave mwawi ddiidda muneerovenyihavo yoonanara variyari vanyu. Aisraele attheene eneerewiiwa ddenndda nave eneerewoova.”

Agalatiya 6:5

Vawi arive muthu ookhalla ni katundwaaye wi iireye.

Zefaniya 1:11

Nyu ookhalla wookittha, opani ekutho vawi ookulliha malonda attheene aatthollowa, attheene oomukulliha siliva ahoonongeya.

Masalimo 139:1

Nyu Apwiya mooheesa murimaaka nave mookidduwella

Luka 16:15

Koma Yesu aallota wi, “Nyu munaddooniha nyookha wonanko athu oolungama vamiitthoni va athu koma Mulluku annadduwella murimaanyu. Vawi ddeko ddinooneya ddoopaalleya wunchichi vamiitthoni va athu khe ello vamiitthoni va Mulluku.

Yawuupullulla 20:13

Nave enyanja yahaavelleella athu yakhwenlle mwemmo. Okhwa ni ellapo ya ookhwa ddahaavelleellattho ookhwiiwa yaari wenko. Attheenaayo yaheeruziwa moollikana ni mitteko ddiwa.

Yawuupullulla 22:12

Yesu anallota wi, “Ngiiwellani! Kinimawa veneva! Kineerowaana ddoothuva ddaka wi kivelleelle wa athu attheene moollikana ni mitteko ddiwa.

1 Epilli 17:18

Vano mi Davide ttuullota tini wa nyuwaano, vawi mookivaha olemu, oorumeyellaanyu? Vawi munnamudduwella phaama ddene.

Yobu 24:23

Mulluku ttuuwaateteza oonanara, annaavaha murendelle, annawehesesattho ettilla ddiwa.

Yohane 4:16

Yesu aamulleella wi, “Khawe wamwiithane mamuno nave mwawe attheene wuno.”