Yawuupullulla 2:19 - Mawu a Mulluku

¹⁹ kinnadduwella makhallellwaanyu, echikondaanyu, echikhulupilwaanyu, orumeyella wanyu ni ovillella wanyu. Kinnadduwella wi munneera phaama vano ohiyana ni vawaamba valle.

Yawuupullulla 2:19 ပူးပေါင်းရင်းမြစ်များ

1 Timoteo 1:5

Yoolinga ya wuulamula waka tti yawi waahuddihe athu okondana ovenyera m'murimani waweella ni yawuupusella murima yooreera ni echikhulupililo yawoona.

2 Petro 1:7

nave va makhallello ookhulupilila mwaanjererevo echifundo ya va ookhulupilila akhwiinyu nave va echifundweella mwaanjererevo echikondi.

Yohane 15:2

Alliwa ennuuha erive enthambi ya miyaano ehinimma ezipaso nave ennaphaddera erive enthambi eyo eniimma ezipaso wi yimme ezipaso ddawaata.

2 Atesalonika 1:3

Asinnihu ni arokorihu, ninaphwanella wi nimuthokozeke Mulluku ekaamba ya nyuwaano enthawi ddittheddene. Tti woopaalleya weera ddiiddo kaambiiwa echikhulupilwaanyu ennunnuwannuwa navettho okondana wanyu onnaata.

2 Petro 3:18

Koma muvirellelle wunnuwa mu echisomo ni odduwella dda Apwiya ni Oovullusa Yesu Khrisitu. Ntitimiho nikhalle ni olliye, Ollello ni enthawi yoohimalla! Amen.

1 Petro 4:8

Yuullupalli ya yeella tti ya wi mukondaneke mmodda ni mukhwaaye mwawoona kaambiiwa echikondi sika enavuhellella machimo.

1 Atesalonika 3:6

Vano Timoteo oowaawo owaninyunko nave oonilleella epilli yaphaama ya echikhulupilwaanyu ni echikondaanyu. Oonilleella wi munnanuupuwella phaama mallapo mattheene nave wi munnapaalla onoona hiyaano wonankottho mmo ninapaallelleehu owoonani nyuwaano.

Akolose 3:14

Nave va makhallello yaalla, mupwesererevo echikondi, eyo enamakellella ddeko ddittheddene vamodda okhalla emodda yaphaama.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Masalimo 92:14

Ennimma ezipaso naari dduulluvanlle enthawi ettheene ennaddalliwa ni maaddi ennarimbellella,

Miyambo 4:18

Koma ettilla ya athu oolungama tti wonanko owala wa ohinase nko onaanjerereya vang'ono vang'ono ophiyera otthaana.

Yobu 17:9

Komave oolungama ennumellella ettilliiwa, oohilakwa ennallipihella okhalla aweella.

Luka 1:23

Nave enthawi yoorumeyella mu enyumba ya Mulluku yamanlliiwa, Zakariya aarowa owaniwa.