Yawuupullulla 2:18 - Mawu a Mulluku

¹⁸ “Omulembelle oohoollella a mpingo wa o Tiyatira wi, “Alla sika mawu oovenyera wa Mwaana a Mulluku, oyo miitthwaaye tti wonanko mallumi amunllo, manyallwaaye oowala wonanko mukoko wooreerihiwa awi,

Yawuupullulla 2:18 ပူးပေါင်းရင်းမြစ်များ

Yawuupullulla 1:11

Mawaayo yaari awi, “Olembe nnddo onooneewe nave orumihe nibukhunno wa mipingo dda o mizinda mitthanu ni miilli, o Efeso, Smurina, Pergamo, Tiyatira, Sarde, Filadelfiya ni o Laodikeya.”

Yohane 1:14

Mawu yaalla yaakhalla muthu, ooddalla ni echisomo ni yawoona, ekhalla variyari vahu. Nahoona ntitimiho naye, ntitimiho nno aakhenlleeye wa Attiitthinnya vookhallani mwaniwa mmoddave.

Mateyu 3:17

Vano mawu yahiiweya ovenyera oddullu wi, “Olla sika Mwanaka ookondiwa, kinnahakallallana ni murimaaka muttheene.”

Masalimo 2:7

Vano mwenooyo anallota wi, “Kineerollalleya nnddo Apwiya evuwihalliiwa. Yaakilleella wi, ‘Weyaano tti mwanaka, ollello kohuuyara.

Aroma 8:32

Mulluku khaaniimaanne Mwanaye ayeekha koma aamuvelleella ekaamba ya hiyaano attheene! Vawi aanivaha Mwanaye, khanivahattho ddeko ddittheddene?

Aroma 1:4

Moollikana ni Munepa Waweella, Mulluku aamutthoolla olliye ni masiva uullupalli wi akhalle mwanaye, Yesu Khrisitu, Apwiihu voomuvenyihani wa ookhwa.

Yohane 10:36

Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku?

Yohane 5:25

Ddawoona, kinimuulleellani wi, enthawi enimawa nave yoophiya khalle yawi athu ookhwa mu munepa eneerewiiwa okhuwa wa miyaano Mwaana a Mulluku nave ayo eniiwe ni wiiwellella eneerokhalla ni okumi.

Yohane 3:18

Ayo enakhulupilila mwa Mwaana khaneeruziwa koma oohikhulupilila aheeruziwa khalle kaambiiwa khekikhulupililalle miyaano Mwaana mmoddave a Mulluku.

Yohane 3:16

Vawi Mulluku aakonda ellapo yavatthi wunchichi, sika aavaha Mwanaye mmoddave yooyo wi arive muthu anakhulupilila mwa olliyooyo ahikhwe koma akhallena okumi woohimalla.

Luka 1:35

Mungelooyo ahaakhulla wi, “Munepa Waweella aneerophiya va weyaano nave masiva a Mulluku Muullupalli eneerewuuhuruwella. Ekaamba ya yeella, mwaana ooyariwooyo anaakhalle Aweella nave aneeroromolliwa wi Mwaana a Mulluku.

Mateyu 27:54

Akhoto muullupalli a o Roma ni akhotwaaye ayo yamuwehera Yesu, yahoona echivomerezi ni ddeko ddittheddene ddeereya. Yahoova wunchichi ellota wi, “Ddawoona, olla aari Mwaana a Mulluku!”

Mateyu 17:5

Allotaka ddiiddo, waawa murapo woowala waakhuneella ni muuthuuchiiwa nave mawu oovenyera m'muraponimmo yaallota wi, “Olla sika Mwanaka ookondiwa, kinnahakallallana wunchichi mwiiwellelleni.”

Yawuupullulla 2:1

“Omulembelle oohoollella a mpingo wa o Efeso wi, “Alla sika mawu oovenyera wa oyo atukhunlle etheneeri dditthanu ni piilli mu nnattanatta mwaye nave aneeta variyari va ddoohiyavo enyali dditthanu ni piilli dda golide awi,

Yohane 1:49

Natanaele ahaakhulla wi, “Muhuddihi, nyuwaano muri Mwaana a Mulluku! Nyuwaano muri Mwene a Israele!”

Mitteko 8:36

Yavirellelliiwa ni musewooyo, yaaphiya vanipuroni vamodda vookhalla maaddi nave muullupallooyo aallota wi, “Ngoona maaddi, yookihiiha ttiivi wi kihibatiziwe?”

Daniele 10:6

Aakhalla ni mwiilli woonyezimella wonanko nlluku na berulo. Ekhovaaye yaari yoowala wonanko ettari. Miitthwaaye yaari wonanko mallumi amunllo. Miwono ddaye ni meto ddaye ddaari ddoowala wonanko mukuwa woopukutiwa phaama. Mawaaye yiiweya wonanko a mulloko wa athu.

Mitteko 16:14

Mmodda a atthiyana yaniiwella nillotaka aari Lidiya, mutthiyana oovenyera o Tiyatira, oyo aari ookulliha ekuwo ddooreera ddoofiira. Aari mutthiyana oomullapella Mulluku nave Apwiya yaamuhoollella wi iiwesese mawu yallotiwa ni Paulo.

Yawuupullulla 2:24

“Koma wa athu amodda o Tiyatira ayo ehinathwara ehuddiho yoonanareella nave ayo yahihuddenre nnddo amodda enaddiromolliiwa wi ‘ddeko ddoovittheya ddoovenyera wa Satana.’ Kinimuulleellani wi nguullemellihani ni malamulo mamodda.