Yawuupullulla 2:16 - Mawu a Mulluku

¹⁶ Vano rukunuwani murima! Mwaahirukunuwa murima, kineeroowa wa nyuwaano veneva wi kiwane ni athu yaayo ni nsupada nookhuma muwano mwaka.

Yawuupullulla 2:16 ပူးပေါင်းရင်းမြစ်များ

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Yawuupullulla 1:16

Aatukhulla etheneeri dditthanu ni piilli o nnattanatta naye nave muwano mwaye mwaari nsupada nawiisha nngu ni nngu nookhumellella otte. Ekhovaaye yaari yoowala wonanko nndduwa na otthaana.

Yawuupullulla 2:5

Upuwellani nko mumorelleenyuwo. Rukunuwani murima nave mweereke mweereenyu vawaamba valle. Mwaahirukunuwa murima kineeroowa kivenyihevo yoohiyavo enyaalaanyu vanipuroni viwa.

Aefeso 6:17

Nave mwaakhelle ovullusa wonanko echipewa yawiitetezella omuruni nave mawu a Mulluku wonanko nsupada munavahiweenyu ni Munepa.

Yawuupullulla 19:21

Akhotwiiwa yahiiphiwa ni nsupada noovenyera muwano mwa oyo awenlle va kavalo navettho epallame ddittheddene ddaacha mitembo dda athu attheenaayo.

Yawuupullulla 19:15

Nsupada nawiisha naanooneya nikhumellelle otte ovenyera muwano mwaye ni nenna aneerewaallakella athu a va ellapo yavatthi. Aneerewaalamulella ni ekopo ya mukoko nave aneerovota mpesa mu yoovotella ya osha murima wawoopiha wa Mulluku Amasiva Mattheene.

Yesaya 11:4

Oohoowa aneeroweeruza mweechilungamo, athu shisha a va ellapo yavatthi aneerewaakamullella millatu moohiweha ekhove. Mawu muwano mwaye enaakhalle ekopo yawaallakella oochimwa, mpweya wa vayanoni vaye oneerowiipha oochimwa.

Yawuupullulla 2:12

“Omulembelle oohoollella a mpingo wa o Pergamo wi, “Alla sika mawu oovenyera wa oyo arina nsupada nawiisha nngu ni nngu awi,

Yesaya 49:2

Aakitthattusa vayanoni vaka wi vikhalle wonanko nsupada nawiisha. Aakiteteza ni nnatta niwa aakihana wonanko mpaamba wootthokowa, aakiipitthiha munigoneloni mwiwa.

Yawuupullulla 3:19

Kinnaahumullulla ni waallaka attheene kinaakondeemi. Vano llipihellani wi murukunuwe murima.

Yawuupullulla 22:7

Yesu anallota wi, “Ngiiwellani, kinimawa veneva! Oodalisiwa tti ayo eniiwellella mawu oollotelliwa mu nibukhunna!”

Yawuupullulla 16:9

Athu yahaavulliwa ni oviha wawoopihanngu nave yahaamba ollotella epewe nnddina na Mulluku oyo arina olamulello va millillinndda. Koma kheyaarukunuwalle murima wi emutitimiheke Mulluku.

Yawuupullulla 22:20

Oyo anavelleella omboni wa ddittheddenenndda anallota wi, “Ddawoona miyaano kinimawa veneva!” Amen! Waani Apwiya Yesu.