Yawuupullulla 2:14 - Mawu a Mulluku

¹⁴ Koma kookhalla ni ddeko ddooyeva ddawuuvaanyihana. Variyari vanyu aakhallavo amodda ayo enathwara ehuddiho ya Balamu, oyo amuhuddihalle Balaki wi aahoollelle Aisraele weera ddoonanara vawaakopani wi echeke ddooheraatthiwa vamukuthoni wa mafano ni weera ddooraruwa.

Yawuupullulla 2:14 ပူးပေါင်းရင်းမြစ်များ

2 Petro 2:15

Aahiya ettilla yawookowa nave aahollowa. Ekusalle ettilla eyo akusalle Balamu mwaana aamullopwana a Beori. Balamu aakonda opata makobiri vaweerani ddoonanara

Numeri 31:16

Valle atthiyana yaalla yaathwara malangizo a Balamu vawaahollosani Aisraele wi eheerettho ddoororomelleya vamiitthoni va Apwiya o Peori wulle wawi mullilli waamorella athu attheene a Apwiya.

Yawuupullulla 2:20

Koma yawuuvaanyihani kiriimina tti ella yawi munniiwanana ni mutthiyanoolle Yezebele, oyo aniiromolla yeekha wi tti namallotella eetthiyana a Mulluku. Koma ni ehuddihwaayeella annaalleka oorumeyellaaka wi eraruweke ni ocha ddooheraatthiwa mukutho wa mafano.

Yuda 1:11

Yaayo aakhalla ni otulli vawi enakhalla wonanko Kaini. Ennachimwa wonanko Balamu ekaamba yoopaalla makobiri. Eneerewoonongeya ekaamba yoomuwukila Mulluku wonanko enre Kora.

Mitteko 15:29

muhicheke enama yooheraatthiwa omukuthoni wa mafano, enama ddawiiphiwa mwawi manyokotholla makohi, nikhame na enama navettho muhiraruweke. Muneerekeweera phaama mwaathwaraka ddeko ddenndda. Hallani phaama.”

Aheberi 13:4

Muhiwuvevulleke okwati, khallakani oororomellana kaambiiwa Mulluku aneeromweeruza oyo ari ooraruwa apaalle oohiroromelleya muukwatini.

Yoswa 24:9

Vano Balaki, mwaana a Zipori, mwene a Amowabu aawana ni nyu Aisraele. Aarumiha othenga amwiithana Balamu mwaana a Beori wi uutembeleleni.

1 Petro 2:8

Nave mawu a Mulluku amodda eni, “Nna sika nlluku ninaakwakwatuwihe athu, nlluku nno ninaakuhe.” Moollikana ni opaalla wa Mulluku, yaakwakwatuwa kaambiiwa kheyiiwellelle mawu a Mulluku.

Mitteko 21:25

Nave wa athu ayo ehiri Ayuda ayo yakhulupililalle, nohaarumihella kalata owaalleella wi nohiiwanana wi khenaphwanella ocha erive ello yooheraatthiwa va mukutho wa mafano apaalle nikhame na enama apaalle erive enama yoonyokotholliwa nikohi nave wi ehiraruweke.”

Numeri 31:8

Yaawiipha mamwene matthanu a o Midiyani, Evi, Rekemu, Zuri, Huri ni Reba. Yaamwiiphattho ni nsupada Balamu mwaana a Beori.

Yawuupullulla 22:15

Koma otte wa muzindooyo wookhalla anapwa, ayo eri athu aweera ddookhwiri, ddooraruwa ni ddawiipha, ayo enallapella nifano nave ayo eri awoottha mu mawu ni m'mittekoni ddiwa.

Yawuupullulla 21:8

Koma athu awoova, oohiroromelleya, ookonda ddoonanara, ooraruwa, owiipha, oweera ddookhwiri, oollapella mafano nave attheene awoottha, nipuro niwa sika enyanja ya munllo ni sulufure. Yeella sika okhwa waneepiilli.”

1 Akorinto 7:2

Koma kaambiiwa vookhalla oraruwa wunchichi, tti waphaama wa arive mullopwana wi akhalle ni mwaariye nave arive mutthiyana akhalle ni mamune.

Mateyu 18:7

Otulli ori vatthimva kaambiiwa vookhalla ddeko ddinaweeriha athu ohiya echikhulupililwiiwa! Ddeko ddennddo ddinaphwanella wi ddeereyeke koma ootulli tti muthu aneeriha ddenndda.

Ezekiele 3:20

Muthu oolungama aamba weera ddoohilungama nave miyaano kamuhiya mu ddawoopiha yooyo aneerokhwa. Weyaano waahimuchenjeza aneerokhwa ekaamba ya machimwaaye nave echilungamwaaye ngiwa kuupuwella koma weyaano kineerowiipa mullatu ekaamba ya okhwa waye.

Numeri 24:14

Balamu aamulleella Balaki wi, “Vano kinimarowa wa athwaaka. Koma vano kinaaka kuulleelleni nnddo Aisraele enaaweerelliiwa athwaanyu mallapo enawaalla.”

Aroma 14:21

Tti waphaama ohicha enama, ohimuwirya vinyo apaalle weera erive ello yoowaachimwiha asinninyu ni arokorinyu.

Aroma 14:13

Vano nihiye weeruzana mmodda ni mukhwaaye. Koma moonesese wi muhaakukhumulle mwiilli nave muhaachimwihe asinninyu ni arokorinyu.

Ezekiele 44:12

Alliwa yaanaarumeyella athu voollapellani mafano nave yaanaahollosa Aisraele vaweerani ddiiddo. Ekaamba ya yeella mi Apwiya Mulluku kinimallupella wi yaalla enaphwanella ollakiwa ekaamba ya machimwiiwa.

Yeremiya 6:21

Sika vano athu yaalla kineerewaahiyera ddookwakwatuwiha. Makhollo ni anamwaniiwa eneerokhwa, awaattanana ni awaatamanana eneerewoonongeya.”

Yawuupullulla 2:4

Koma kookhalla ni ello yawuuvaanyihani, khamunakikonda wonanko vawaamba valle.

1 Akorinto 1:23

Koma hiyaano, ninallalleya dda Khrisitu ootthomeyiwa vamutandani. Othenga yoolla tti wookukhumulla wa Ayuda ni wookarangeya wa athu ayo ehiri Ayuda.

Aroma 11:9

Nave Davide anallota wi, “Machellellwiiwa ekhalle musampha wowaaphara ni waakuha wi ellakiwe.

Aroma 9:32

Nave kaambiiwa tini? Ekaambiiwa yaari yawi kheyaakhanlle moollikana ni echikhulupililo koma yarororomella mitteko ddiwa. Sika vano yaakwakwatuwa vanllukuni nookwakwatuwiha

Yesaya 57:14

Vineerewiiweya mawu awi, “Llimani, llimani, okollani musewu. Venyihanivoni erive yookwakwatuwiha mu musewu wa athwaaka.”