Yawuupullulla 2:13 - Mawu a Mulluku

¹³ kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 2:13 ပူးပေါင်းရင်းမြစ်များ

1 Timoteo 5:8

Nave mmodda aahaakaviheraka abalaaye, makamaka a munibanjani naye, olliye ookhoota echikhulupililo nave tti oonanara ohiyana ni oohikhulupilila.

Yawuupullulla 3:11

Koma ophiyera kiwiille, nyuwaano munaphwanella muphare moollipiha eyo muriinyuna wi ahikhallevo mmodda anawaakheni emphaswaanyu.

2 Timoteo 2:12

Navillella, nineerolamula vamodda ni olliye. Namukhoota olliyooyo, nayeenettho aneeronikhoota.

Mitteko 22:20

Nave mbonaanyu Sitefano iiphiweeye, miyaano meekha kaari vaavo, kaakhullellakana ni wiiphiwa waye nave owehera ddoowara dda ayo yamwiiphaayo.’

Yawuupullulla 14:12

Vano nngu sika wiithaniwa wa athu a Mulluku ayo enathwara malamulwaaye wi evillelleke ni okhalla oororomelleya wa Yesu.

Yawuupullulla 3:3

Vano upuwellani nnddo mwahuddenreenyu ni nnddo mwiiwalleenyu, mweereke ddennddo nave murukunuwe murima. Mwaahivenya, kineeroowa wa nyuwaano wonanko mullupaawiiya nave khamudduwellattho enthawi kineereemi kiweelle.

Yawuupullulla 2:2

kinnadduwella makhallellwaanyu, ophara mitteko moollipiha ni ovillella wanyu woohitikheya ni ddaweereya. Kinnadduwellattho wi khamuniiwanana ni athu aweera ddoonanara. Navettho mohoona makhallello a ayo eniiromolla weekhiiwa wi tti amurummwa ehiri yaayo nave mohaaphwanya wi tti athu awoottha.

Aheberi 10:23

Nillipihelle waakhullella moohikayikella nnddo ninadditiyereehu vawi oyo anilonjezille ddenndda tti oororomelleya.

2 Timoteo 1:13

Thwara echisanzo ya mawu awoona ayo wiiwalleewe wa miyaano, mwa echikhulupililo ni echikondi eyo eri mwa Khrisitu Yesu.

Mateyu 24:9

“Vano muneeromakiwa ni okuselliwa woollakiwa ni wiiphiwa. Athu attheene eneerowiitani kaambiiwa nyuwaano tti oohudderaaka.

Yakobo 2:7

Ethiyo khehiyo ayo enallotella epewe nnddina na ntitimiho nno munaromolliweenyuna?

Aheberi 3:6

Koma Khrisitu tti oororomelleya wonanko mwaana oolamulella enyumba ya Mulluku. Hiyaano sika enyumba ya Mulluku, nallipa murima ni okhulupilila nnddo ninatiyereehu.

1 Atesalonika 5:21

Nave mweeseke ddittheddene nave mupharesese yaphaameeyo.

Mitteko 9:14

Vano oowa wuno o Damasiko ni olamulello wa allupa mukutho uullupalli wi aamake athu attheene enuullapellani nyuwaano.”

Luka 21:17

Athu attheene eneerowiitani kaambiiwa nyuwaano tti oohudderaaka.

Mateyu 10:23

Yaawuuhoosakani mu etawoni emodda thawellani mu matawoni mamoddattho. Ddawoona, kinimuulleellani wi muhinamallihe ophara muttekwaanyu mu matawoni attheene a Israele, mi Mwaana a Muthu kinaakhalle kiwiille.

Mateyu 4:10

Vano Yesu ahaakhulla wi, “Kivenyerevo, Satana! Mawu a Mulluku eni, ‘Waallapelleke Apwiya Mullukwaawo nave omurumeyelleke yooyove.’ ”

Yawuupullulla 1:5

ddoovenyerattho wa Yesu Khrisitu, mboni oororomelleya oyo aari awaamba ovenyihiwa wa ookhwa nave oyottho ari oolamulella a mamwene a va ellapo yavatthi. Olliyooyo annanikonda hiyaano nave ni mukutho wa okhwa waye aanittaphulla hiyaano ovenyera o machimwaahu.

Yawuupullulla 11:3

Kineerewaarumiha ambonaaka eelli ewanre eziguduli nave eneerollotella wa mallapo 1, 260.”

Yawuupullulla 12:11

Asinnihu ni arokorihu yaamupambana Satana ni nikhame na mwaanaankhosa owaakattho omboni wa echikhulupililwiiwa nave yahaakhullella ovelleella okumiiwa wi ekhwe.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Yawuupullulla 17:6

Nave kahoona wi mutthiyanooyo aalezela ni nikhame na athu a Mulluku yiiphiwe ekaamba yoovelleella omboni dda Yesu. Kamoonilleemi mutthiyanooyo, kaattikhina wunchichi.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”