Yawuupullulla 2:10 - Mawu a Mulluku

¹⁰ Muhoove dda ddeko ddittheddene munaakumaneneenyu. Ngoonani, Satanooyo aneeroweesani vawuuhiyani mundende amodda a nyuwaano nave ohoosiwanngu onaakhalle wa mallapo khumi. Khallani oororomelleya wa miyaano naari mwiiphiwe nave kineerewuuvahani emphaso yookumi.

Yawuupullulla 2:10 ပူးပေါင်းရင်းမြစ်များ

Yakobo 1:12

Oodalisiwa tti yaayo enavillella vaweesiwani kaambiiwa yapambana weesiwanko, eneerewaakhella emphaso yookumi eyo Mulluku alonjezilleeye wa athu oomukonda.

Mateyu 10:22

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

1 Petro 5:4

Nave mbusa muullupalli ooneya, muneerewaakhella emphaso yantitimiho yoohinyaalla.

Mariko 13:13

Athu attheene eneerowiitani kaambiiwa nyuwaano tti oohudderaaka. Koma oyo anaavillelle ophiya o mamallihello, aneerovulluwa.

Aefeso 6:12

Vawi khaninawana ni athu koma ninawana ni minepa ddoonanara, oolamulella ni masiva a epiphi ddooddullu.

Yawuupullulla 2:9

kinnadduwella ohoosiwa ni ohoowa wanyu naari ddawoona ddiwa ddiri ddawi mookhalla ni eyuuma m'munepani. Kinnadduwellattho wi ayo enaddeera Ayuda ehiri yaayo ennuuvaanyihani voollotani epewe, yaayo tti a mulloko wa Satana!

Mateyu 24:13

Koma oyo anaavillelle ophiya o mamallihello, aneerovulluwa.

1 Petro 5:8

Chenjerani, wehesesani! Mudanaanyu, Satana, aneeteeta wonanko mukango onathuruma, anamwaashaasha muthu wi ammirye.

1 Akorinto 9:25

Arive muthu oothamaka, vookhozekellani anniihiiha va ddeko ddittheddene wi aakhelle emphaso yoomalla koma hiyaano nineera ddiiddo wi naakhelle emphaso yoohimalla.

Mateyu 10:28

Muhiwooveke ayo eniipha mwiillive koma khenawora wiipha munepa. Koma mumooveke Mulluku oyo anawora wiipha munepa ni mwiilleene mu gehena.

Daniele 1:14

Kapitawoolle aawaakhullella aweesa wa mallapo khumi.

Yawuupullulla 13:7

Yahaakhullelliwa wi ewane ni athu a Mulluku ni waagonjiha. Navettho yaavahiwa olamulello va nirive nlloko, erive ellapo, erive ellotello ni orive mutundu.

Aefeso 2:2

Va enthawi yeeyo mwaanathwara ettilla ddoonanara dda va ellapweella. Nave mwaanamwiiwellella oolamulella a minepa ddittheddene ddoonanara ddamuddullu, munepa oyo onalamulella athu oohimwiiwellella Mulluku.

Yohane 13:2

Nave enthawi ya mugonelo ehinaphiye, Satana aari ahiyalle khalle maganizo m'murimani mwa Yudasi, mwaana a Simoni Isikariyoti wi amuvelleelle Yesu wi iiphiwe.

Yohane 12:25

Oyo anakonda okumaaye eneerowutathilla nave oyo aniitana ni okumaaye mu ellapo yavattheella aneerokhalla ni okumi woohimalla.

Luka 21:12

Koma ddihineereye ddittheddenenndda, muneerohoosiwa ni omakiwa, muneerewiipiwa millatu mu enyumba ddamavekello* ni ohiyiwa mundende. Muneerovelleelliwa wa mamwene ni oolamulella kaambiiwa nyuwaano tti oohudderaaka.

Mariko 8:35

Vawi muthu aapaallaka ovullusa okumaaye, eneerowutathilla nave atathilla okumaaye kaambiiwa annakithwara miyaano nave ni ekaamba ya othenga waphaama, aneerewuuvullusa okumaayooyo.

Habakuku 2:3

Masomphenyaalla enatiyera enthawiiwa enthaweeyo khenakwakhwane, khe ddawoottha, yaselliwa tiyerani vawi eneerophiya, oohikayika.

Daniele 1:12

“Muneese mallapo khumi asombwaanyuhi. Muninnye matthaapa a makukhu wi nicheke navettho maaddi wi niwiryeke.

Yawuupullulla 13:2

Enama yuullupalli yawoopiheeyo yooneya wonanko nanthavi, manyallwaaye yooneya wonanko echimbalangondo navettho eyanwiiwa yooneya wonanko ya mukango. Enowa yuullupalleeyo yaavaha enama yuullupalli yawoopiheeyo masivaaye, mpandwaaye woomwene, owaakattho olamulellwaaye wuullupalli.

Mitteko 21:13

Koma aallota wi, “Kaambiiwa tini, muninlleenyu mookivoriiha murima ddiidda? Miyaanothi kookhozeka ohiri omakiwave o Yerusalemunko koma naari okhwa ekaamba ya Apwiya Yesu.”

Mitteko 20:24

Koma nginapwatha dda eyo enaakeereyelle. Emoddave eyo kinapaalleemi tti yawi kimallihe muttekwaaka ni orumeyella kavahiweemi ni Apwiya Yesu wi keere, ollalleya othenga waphaama wa echisomo ya Mulluku.

Yohane 13:27

Nave Yudasi amwaakhenlle buledoolle, Satana aavollowa mwa olliye. Vano Yesu aamulleella wi, “Yeeyo, onapaalleewe weera, erathi mwawaakuva.”

Masalimo 31:23

Nyu athu oolungama attheene, akondeni Apwiya. Apwiya ennaateteza athu oororomelleya, koma ennahokollosella ddoonanara awiitukhulla.

Yawuupullulla 2:13

kinnadduwella muzinda oyo onakhalleewewo wi tti wa omwene wa Satana. Koma khonakikhoota miyaano nave khohiyalle okikhulupilila miyaano naari va enthawi eyo Antipa, mbonaaka oororomelleya iiphiweeye m'muzindani mwanyu mmo Satana anakhalleeye.

Yawuupullulla 13:14

Yahaalleka athu attheene a va ellapo yavatthi ni ddoottikhiniha yaakhullelliwiiwa weera vamiitthoni va enama yuullupalli yawoopiha yawaambeelle. Yaanaalleellattho athu a va ellapo yavatthi wi eseme nifano nootitimiha enama yuullupalli yawoopiha yakakathiwe ni nsupada koma ekhalla ni okumeelle.

Yawuupullulla 17:14

Eneerowana ekhoto ni mwaanaankhosa nave Mwaanaankhosooyo eneeropambana kaambiiwa olliye tti Apwiya a apwiya ni Mwene a mamwene. Nave oomuthwarellellaaye tti ayo yiithaniwe, etthoolliwe nave tti ookhulupilila.”

Maliro 3:57

Nyuwaano mwaasusella vakhuviru kavekelleemi wi mukikavihere nave mwaallota wi, ‘Ohoove.’