Yawuupullulla 19:4 - Mawu a Mulluku

⁴ Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”

Yawuupullulla 19:4 ပူးပေါင်းရင်းမြစ်များ

Yawuupullulla 5:14

Ddoophatusiwa ddookumi ddisesenndde ddahaakhulla wi, “Amen!” Nave attekweene yaakokhora nave ellapella.

Masalimo 106:48

Oodala tti Apwiya Mulluku a Israele, ovenyera o enthawi yoohimalla wa enthawi yoohimalla. Athu attheene ellote wi, “Amen.” Aleluya!

Nehemiya 8:6

Sika Ezara ahaatitimiha Apwiya Mulluku Muullupalli. Vano athu attheene yahaakhulla wi, “Amen, Amen” etukhullelle mattiiwa muddullu nave yaakokhora yaallapella Apwiya.

Yawuupullulla 19:1

Ddimallille ddenndda kahiiwa mawu awiiweya wonanko onyakulla wa mulloko wa athu anchichi muddullu ellotaka wi, “Aleluya! Ovullusa, ntitimiho ni masiva tti dda Mullukwaahu!

Yawuupullulla 15:7

Nave emodda ya ddoophatusiwa ddookumi ddisese yahaavaha angelo atthanu ni eellaayo embale dda golide dditthanu ni piilli ddooddalla ni osha murima wa Mulluku, oyo anakhalla enthawi yoohimalla.

Yeremiya 28:6

“Amen! Apwiya yeere ddenndda. Apwiya esimikize ollotenlleewenndda voohokollosellani eziwiya dda o enyumbiiwa ni akaporo attheene o nipuronna ovenyera o Babiloni.

Masalimo 89:52

Edaliseye Apwiya wa enthawi yoohimalla! Amen! Amen!

Masalimo 72:19

Nnddina niwa nootitimiheya nidaliseye wa enthawi yoohimalla, otitimiheya wiwa oddalle ellapo yavatthi ettheene. Amen! Amen!

Masalimo 41:13

Etitimiheye Apwiya Mulluku a Israele, waambeella enthawi yoohimalla wa enthawi yoohimalla! Amen! Amen!”

Nehemiya 5:13

Vano kaattaphulla kittattha yoowaraaka killota wi, “Emoddamoddave yeeyottho Mulluku amuttatthe arive muthu ahinaaweere nnddo alonjezilleeye. Sika yooyo attatthiwe nave ahoowe, ahikhalle ni ello.” Nave mutthukumano muttheene wahaakhulla wi, “Amen” wahaatitimiha Apwiya. Nave athu yaheera nnddo yalonjezilliiwa.

1 Epilli 16:36

Oodala tti Apwiya Mulluku a Israele, ovenyera o enthawi yoohimalla, wa enthawi yoohimalla!” Vano athu attheene yahaakhulla wi, “Amen” nave yahaatitimiha Apwiya.

1 Akorinto 14:16

Mwaamuthokozaka Mulluku m'munepanive, athu amodda eneere “Amen” mwawiidde mwawaakhullella othokoza wanyu yaahidduwella eyo munallotaanyu?

Mateyu 28:20

Nave mwaahuddihe wi yiiwellelleke ddeko ddittheddene kuulamulalleemini nyuwaano. Nave miyaano kiri ni nyuwaano mallapo mattheene ophiyera omalla wa ellapo yavatthimva.”

Mateyu 6:13

Muhinikuselle woweesiwa, koma munivulluse wa Oonanarooyo.

Masalimo 104:35

Oochimwa yoonongeye va ellapo yavatthi, athu oonanara ehikhallevottho. Atitimihe Apwiya, we murimaaka, atitimihe Apwiya!

Yawuupullulla 19:3

Mulloko wa athu anchichi waakhuwa wiilli wi, “Aleluya! Mwiisi woovenyera va munllo oyo washellellihalle muzinda woovuwa onnavirellella owella oddullu wa enthawi yoohimalla!”

Yawuupullulla 19:6

Nave kahiiwa onyakulla wonanko wa mulloko muullupalli wa athu, awiiweya wonanko onyakulla wa maaddi manchichi navettho wonanko ogugudeya wa murimu wuullupalli. Kaawiiwa ellotaka wi, “Aleluya! Vawi Apwiya, Mullukwaahu Amasiva Mattheene, sika ari mwene!