Yawuupullulla 19:3 - Mawu a Mulluku

³ Mulloko wa athu anchichi waakhuwa wiilli wi, “Aleluya! Mwiisi woovenyera va munllo oyo washellellihalle muzinda woovuwa onnavirellella owella oddullu wa enthawi yoohimalla!”

Yawuupullulla 19:3 ပူးပေါင်းရင်းမြစ်များ

Yesaya 34:10

Munllooyo oneerokhara otthaana ni mahiiyu nave mwiisi oneerothuwa wa enthawi yoohimalla. Ellapo eneerokhalla echipululu va mibado ni mibado nave khaavo naari mmodda aneetemottho.

Yawuupullulla 18:18

Nave yaakhuwa vawoonani mwiisi okhumaka ovenyera vamunlloni washelliha muzindooyo wi, “Khuwaavo muzinda oyo waphwanaphwanne ni muzinda woovuwoolla!”

Yawuupullulla 18:9

Mamwene a va ellapo yavatthi ayo yeerillena ddooraruwa ni wiihakallallihana eneerewinlla ni omoriwa ethakaraka vawoonani mwiisi okhumaka ovenyera vamunlloni onaashellihe muzindooyo.

Yawuupullulla 14:11

Mwiisi wa munllo woohoosa onnavirellella oya muddullu wa enthawi yoohimalla. Ayo enallapella enama yuullupalli yawoopiha ni nifano naye ni ayottho yadindiwe nnddina naye khewa yiithuuwa otthaana ni mahiiyu.”

Yawuupullulla 19:1

Ddimallille ddenndda kahiiwa mawu awiiweya wonanko onyakulla wa mulloko wa athu anchichi muddullu ellotaka wi, “Aleluya! Ovullusa, ntitimiho ni masiva tti dda Mullukwaahu!

Genesis 19:28

Aaweha o mizinda dda Sodomu ni Gomora ni o ntaponne. Nave ahoona mwiisi ori tungulii okhuma muntaponimmo wonanko mwiisi wookhuma mu eng'anjo.

Yuda 1:7

Muupuwelle Sodomu ni Gomora ni matawoni awaatamanana, nko athu yeerille ddoophwanaphwana ni nnddo yeerille angelwaalle. Athwaalla yaheera machimo ooraruwa ni machimo amodda oohiphwanella weeriwa ni muthu. Mulluku ahaallaka ni munllo woohimalla wi aachenjeze athu amodda.

Masalimo 104:35

Oochimwa yoonongeye va ellapo yavatthi, athu oonanara ehikhallevottho. Atitimihe Apwiya, we murimaaka, atitimihe Apwiya!

Yawuupullulla 19:4

Nave attekweene 24 ni ddoophatusiwa ddookumi ddisese ddaakokhora nave ddimullapella Mulluku, oyo akeraatthille vampandoni woomwenaaye. Yaallota wi, “Amen! Aleluya!”