Yawuupullulla 18:2 - Mawu a Mulluku

² Aakhuwa ni mawu oowella nave allota wi, “Ookumuwa! Babiloni oovuwa ookumuwa! Vano ootthattuwa nipuro nookhallamo minepa ddoonanara, enama ddawoopiha ddoonanara ddittheddene ni epallame ddoonanara.

Yawuupullulla 18:2 ပူးပေါင်းရင်းမြစ်များ

Yawuupullulla 14:8

Mungelo aneepiilli aamuthwara awaamboolle allota wi, “Ookumuwa! Babiloni oovuwa ookumuwa! Olle aweerihalle athu attheene wi emuwirye vinywaaye oolezeliha ni a makhallello ooraruwa!”

Yeremiya 51:37

Sika Babiloni aneerotthattuwa ntepe, nipuro na akhuddupa, nipuro nawoopiha ni nipuro noosoonyiha, noohikhalliwa ni arive muthu.

Yeremiya 51:8

Babiloni oomora moorurumusa nave ohoonongeya. Mwinllelleni, mwinnyeni murete apaalle ttuuchira.

Yawuupullulla 18:21

Vano mungelo amasiva aatukhulla nlluku wunnuwa wiwa wonanko nsillo anivokhella mu enyanja allota wi, “Mmu sika mmo muzinda woovuwa Babiloni aneereeye avokhelliwe vatthi nave khawa ooneyattho.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Yawuupullulla 17:18

“Mutthiyana wamoonilleewooyo sika muzinda woovuwa woolamulella mamwene a va ellapo yavatthi.”

Yawuupullulla 17:5

Vayuuchini vaye vaalembiwa nnddina noohidduwanyeya ottaphullella wiwa nawi, “Babiloni oovuwa, ameewa a mahule mattheene ni a ddoonanara dda va ellapo yavatthi.”

Yawuupullulla 16:19

Muzinda woovuwa waakawaneya vararu navettho mizinda dda ellapo ddittheddene ddaakumuwa. Mulluku ahuupuwella muzinda woovuwa, Babiloni nave aamuwiriha kapu a vinyo a osha murima waye wawoopiha.

Yesaya 14:23

Muzindooyo kineerowutthattusa nipuro nookhallamo anasiniku ni ntapo na matokwi. Kineerewuushella ni mushello wawoononga. Mi Apwiya Amasiva Mattheene koollota.”

Yawuupullulla 16:13

Kahoona minepa ddoonanara ddiraru ddawooneya wonanko anaphullu; mmodda akhumaka muwano mwa enowa yuullupalli, mmodda muwano mwa enama yuullupalli yawoopiha ni mmodda muwano mwa namallotella awoottha.

Yawuupullulla 14:15

Nave mungelo mmodda aakhuma ovenyera mu enyumba ya Mulluku yooddullu nave anakhuwa akeraatthille vamuraponoolle ni mawu oowella awi, “Kusa echikwakwaaweeyo waambe otulla ddoohata kaambiiwa enthawi yookwakhwana nave ddoohata dda va ellapo yavatthi ddohimma!”

Yawuupullulla 10:3

Nave aakhuwa ni mawu oowella ayo yiiweyille wonanko winlla wa mikango. Akhuwalle ddiiddo ogugudeya wa murimu waanyakulla otthanu ni opiilli.

Yawuupullulla 5:2

Navettho kaamoona mungelo amasiva, allalleyaka ni mawu oowella wi, “Ttaani anaphwanella omarulla ddoomarellannddo nave akhunuulle nibukhu?”

Zefaniya 2:14

Sika vano eziweto ddinaakoneke wenko navettho enama ddittheddene ddamuhakani. Ephangwi ni eddiiddi ddineerekokona mu miru dda apotwiiwa, ddineerekonyakulla m'mawindoni, anakhuku eneerekokhalla va nthato niwa, matabwiiwa amikunguza eneerovenyihiwavo.

Yeremiya 25:30

“Vano we Yeremiya, llotella mowaahumullulla wi, ‘Apwiya eneerothuruma oddullu, mawiiwa eneerewiiweya wonanko ogugudeya wa murimu woovenyera o nipuro niwa naweella. Apwiya eneerothuruma moowella waasimwella athwiiwa eneerokhuwa wunchichi wonanko athu oovota mpesa voollipanani ni athu attheene a va ellapo yavatthi.

Yawuupullulla 1:15

manyallwaaye yaari oowala wonanko mukoko wawoosa viikho nave wooreerihiwa ni mawaaye yaari wonanko onyakulla wa maaddi manchichi.

Yowele 3:16

Apwiya enimathuruma ovenyera o mwaango wa Ziyoni, mawiiwa eniiweya wonanko ogugudeya wa murimu ovenyera o Yerusalemu, oddullu ni ellapo yavatthi ddinimatthukumella. Apwiya tti woothawellawo wa athwiiwa, esiri yoollipa ya Aisraele.

Yawuupullulla 11:8

Nave mitembo ddiwa ddineerophwanyeya ddiri m'misewuni dda muzinda muullupalli, nko Apwiiwa yatthomeyiweewawo vamutandani. Muzindooyo waromiwe wi, “Sodomu apaalle Iguputo.”