Yawuupullulla 18:1 - Mawu a Mulluku

¹ Ddimallille ddenndda kahoonattho masomphenya a mungelo mmodda akitthaka ovenyera oddullu. Aakhalla ni olamulello wuullupalli nave ntitimiho naye naari nuullupalli vawi naanamolleella ellapo yavatthi ettheene.

Yawuupullulla 18:1 ပူးပေါင်းရင်းမြစ်များ

Ezekiele 43:2

Wenko kahoonawo ntitimiho na Mulluku a Israele nivenyeraka wookhuma nndduwa. Niiweya wonanko orindimuwa wa maaddi nave ellapo yavatthi yaanyezimella ni ntitimiho naye.

Luka 17:24

Vawi nllapo na mi, Mwaana a Muthu, ninaawe wonanko ettari enasherima muddullu ovenyera wookhuma nndduwa ophiyera woovollowa nndduwa.

Yawuupullulla 21:23

Khewaapaalleyettho wi m'muzindanimmo mukhalle nndduwa apaalle mweeri wi ddimolleellekemo kaambiiwa ntitimiho na Mulluku sika owala nave mwaanaankhosa sika enyaaliiwa.

Yawuupullulla 17:1

Mmodda a angelo atthanu ni eellaalle yaari ni embale ddiwa dditthanu ni piilli aawa wa miyaano nave allota wi, “Ngawa, kineerowooniha mmo onaakhallelle ollakiwa waye wa hule oovuwa, muzinda woovuwa omakiwe mowaatamella mihinje.

Yawuupullulla 10:1

Nave kaamoona mungelo mmodda amasiva awaaka ovenyera oddullu nave ahuruwelliwe m'miraponi navettho mwiisherima waaphenlle omuruni waye. Ekhovaaye yaari wonanko nndduwa ni meto ddaye ddaari wonanko apoto amunllo.

2 Atesalonika 2:8

Nave vano oonanaroolla aneerewuupullulliwa nave Apwiya Yesu yawa, eneeromwiipha voomuviddeellellani mpweya wa muwano mwaye nave aneeromoononga ni wooneya wa owa waye.

Yawuupullulla 17:7

Mungelo aakikoha wi, “Onattikhinella tini? Kineerewuulleella ottaphullella wa mutthiyana yoolla ni enama yuullupalli yawoopiha emutukhunlleeyo, enama yuullupalli yawoopiha ya miru mitthanu ni miilli owaaka manyaka khumi.