Yawuupullulla 17:4 - Mawu a Mulluku

⁴ Mutthiyana oyo awanre ddoowara ddabululu ni ddooreera ddoofiira, ahiikhuneella ni ddooreeriha dda golide ni dda malluku oowallamella mutengo ddoohiyanahiyana. M'mattani mwaye amupharelle kapu a golide ooddalla ni ddoonanara ni ddawunkha dda mitteko ddaye ddooraruwannddo.

Yawuupullulla 17:4 ပူးပေါင်းရင်းမြစ်များ

Yawuupullulla 18:16

wi, “Otulli! Otulli! Muzinda woovuwooyo! Aaddollweella owara ekuwo ddaweellesesa, ddabululu ni ddooreera ddoofiira ni wiireeriha ni golide, malluku oohiyanahiyana oowallamella mutengo!

Yeremiya 51:7

Vawi Babiloni aari wonanko kapu agolide m'mattani mwa Apwiya wi alezelihe ellapo yavatthi ettheene. Mitundu ddinchichi dda athu ddaamuwirya vinywaaye sika ekaambiiwa ddasavuwalliiwa.

Yawuupullulla 19:2

Echiweruzwaaye tti yawoona ni yoolungama! Aamweeruza hule oovuwa oyo aripihalle ellapo yavatthi ni oraruwa waye. Mulluku oomullaka kaambiiwa aawiipha oorumeyellaaye.”

Yawuupullulla 18:12

Khaavo anawa akulle golide, siliva, malluku oohiyanahiyana oowallamella mutengo, ekuwo ddaweellesesa, ddabululu, ddabafuta ni ddooreera ddoofiira, miteekho ddoohiyanahiyana dda nthuko naphaama ni ddeko ddoohiyanahiyana ddoovenyera o manyaka a ethepo, mikoko dda mukuwa ni aironi, marabulo,

Maliro 1:9

Ottawaaye waanooneyella vaweella, olliye khaaganizera dda otullaaye wamuhoollo. Sika ekaambiiwa omora waye waari wawoopiha, nave khaavo anamukhurumusa murima. Olliye anallota wi, “Nyu Apwiya, onani ohoosiwa waka, vawi adanaaka aapambana.”

Yawuupullulla 14:8

Mungelo aneepiilli aamuthwara awaamboolle allota wi, “Ookumuwa! Babiloni oovuwa ookumuwa! Olle aweerihalle athu attheene wi emuwirye vinywaaye oolezeliha ni a makhallello ooraruwa!”

Daniele 11:38

Munipuroni mwiwa anaamullapelleke mulluku amipanda ddoollipa oyo makhollwaaye kheyaamudduwenlle. Aneerovelleella wa mullukooyo golide, siliva, malluku oowallamella mutengo ni emphaso ddooreeresesa.

Ezekiele 24:13

Murawa yoolla tti minkhella dda oraruwa wawo, kahuuhuwa koma khawaaweellille. Vano khaweella ophiyera osha murima waka okwakhwanihiwe va weyaano.

Ezekiele 24:11

Vano ohiye vamankhallanimvo epalli moohikhalla ello ophiyera efiiralle, ddoonanara ddiwa ddittheddene ddittotthowille nave murawa ovenyillemo

1 Mamwene 14:24

Nave waakhallattho allopwana ooraruwa voollapellani mu ellapo yeeyo. Athwaalla yaaneera ddoonanara nnddo ddeeriwa ni athu ayo Apwiya yawiikarilliiwa Aisraele yaphiyiiwa.

Hoseya 9:10

Apwiya enallota wi, “Israele koomuphwanya wonanko mpesa wamuchipululuni. Makhollwaaye kahaahakallallella wonanko namukuyu awaamba wiithwa. Koma alliwa yaaya o Peori nave wenko yahiivelleella wa Baala. Sika yaatthattuwa ello yoonanara wonanko nifano yanikondiiwanne.

Ezara 9:11

mwanilamulalleenyu oyeella mwa anamallotella oorumeyellaanyu ollota wi, ‘Ellapo munavollowaanyumweeyo wi mwaakha tti ellapo yooripihiwa ni ddoonanara dda athu a mwemmo nnddo ddiddallille ellapweeyo ovenyera o embali emodda ophiya o embali emoddattho.

Ezekiele 20:30

Vano waalleelle Aisraele wi Apwiya Mulluku enakoha wi, ‘Ethiyo muneerewiinanariha wonanko mmo makhollwaanyu yeerelliiwa nave yararuwiiwa voollapellani milluku ddiwa ddoonanara?’

2 Mamwene 21:2

Olliye aheera ddoonanara vamiitthoni va Apwiya voothwarani mitteko ddoonanara dda athu a mitundu ddimodda ayo Apwiya yawiikarilliiwa ehinaphiye Aisraele.

Ezekiele 36:25

Kineerewuumiddani maaddi aphaama wi mweelle o ddittheddene ddawuuripihani. Navettho kineeroweellihani voovenyihani mafanwaanyu mattheene.

Deuteronomo 29:17

Nave mwahoona mafanwiiwa oonanara amiteekho, amalluku, asiliva navettho agolide.

Yesaya 66:3

“Koma vookhalla amodda eneera ddawaaddivella. Wa alliwa tti emoddamoddave omwiipha nankhoro a eng'ombe apaalle omwiipha muthu monga mukutho, omwiipha mwaanaankhosa apaalle omwiipha mwanapwa monga mukutho, ovelleella yoocha apaalle ovelleella nikhame na ekumba monga mukutho, ovelleella mukutho wa yawuupusella wa lubani* apaalle ollapella mafano. Athu yaalla murimiiwa onnahakallalla ni ddoonanara.

Ezekiele 28:13

Waari wonanko o Edeni, emata ya Mulluku. Waaniireeriha ni malluku oowallamella mutengo a mitundu ddittheddene, karineliyoni, topazi, jasipere, kirisoliti, berili, onikisi, safiro, rubi ni emeradi. Ddoohiyamo malluku ddaari dda golide. Yahuupangella ddittheddenennddo nllapo nno waphatusiweewe.

Yawuupullulla 9:21

Kheyaahiyallettho mitteko ddiwa ddawiipha, ddookhwiri, ddooraruwa ni ddawiiya.

Yawuupullulla 21:21

Millako khumi ni miillinnddo ddaari dda malluku oowallamella mutengo nave orive mullako waamakiwa ni nlluku naayenaaye noowallamella mutengo. Nave musewu wa m'muzindanimmo waari woomakiwa ni golide, awooneyella wonanko nigalasi.