Yawuupullulla 17:3 - Mawu a Mulluku

³ Munepa Waweella aakihoollella nave mungelo aakikusa akiyaana ochipululuni. Wenko kaamoonawo mutthiyana akeraatthille vatulli va enama yuullupalli yawoopiha yoofiira. Yaalembiwa manddina vamwiillini viwa vatthevene oomullotella epewe Mulluku. Enama yuullupalli yawoopiheella yaari ni miru mitthanu ni miilli owaaka manyaka khumi.

Yawuupullulla 17:3 ပူးပေါင်းရင်းမြစ်များ

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Yawuupullulla 17:18

“Mutthiyana wamoonilleewooyo sika muzinda woovuwa woolamulella mamwene a va ellapo yavatthi.”

Yawuupullulla 12:6

Mutthiyanooyo aathawella ochipululuni, onipuroni nko Mulluku akhozilleeyewo khalle wi aweheriwewo wa mallapo 1, 260.

Yawuupullulla 17:4

Mutthiyana oyo awanre ddoowara ddabululu ni ddooreera ddoofiira, ahiikhuneella ni ddooreeriha dda golide ni dda malluku oowallamella mutengo ddoohiyanahiyana. M'mattani mwaye amupharelle kapu a golide ooddalla ni ddoonanara ni ddawunkha dda mitteko ddaye ddooraruwannddo.

Yawuupullulla 12:14

Nave mutthiyanooyo aavahiwa muuphello meelli muullupalli a mpungu wi avavellena oya onipuroni naye na ochipululuni. Wenko aneerokhallawo aweheriwaka wa miyakha miraru owaaka hafu, oohiphariwa ni enowa yuullupalli.

Daniele 7:25

Aneerollota mawu oomuhumullulla Mulluku Amasiva Mattheene nave aneerewaahoosa aweella. Aneereweeseesa osintha mallapo a ehakallallo ni malamulo a mallapello. Nave aweella enaakhalle m'mattani mwa omwene yoolla wa miyakha miraru ni hafu.

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Daniele 7:8

Kiwehaka manyakaayo, kahoona nnyaka nimodda ning'onong'ono nimellaka variyari va manyakaayo. Manyaka mararu mwa awaambaalle yaatulliwa wi nimoddanno niphwanye nipuro. Nnyaka nenna naakhalla ni miittho wonanko a muthu navettho eyano eyo yallota ddawiitukhulla.

Yawuupullulla 21:10

Vano kaahoollelliwa ni Munepa Waweella nave mungeloolle aakikusella vaddullu va mwaango woorekama. Aakooniha Yerusalemu, muzinda waweella okitthaka ovenyera oddullu, wa Mulluku,

Ezekiele 8:3

Aattaphurusa ello yookhalla wonanko nnatta akipharana meehi va muru. Vaavo Munepa a Mulluku aakivaviha. Mookhalla wonanko kinamoona Mulluku m'masomphenya, akikusella o Yerusalemu akihiya va mullako woovollowella muwari, ompoto nko nifano noottatthamulla osha murima wa Mulluku.

Ezekiele 11:24

Vatulli viwa Munepa a Mulluku aakitukhulla akiphiyiha wa akaporo a mu Babiloni. Ddittheddenenndda ddeereya m'masomphenya moollikana ni mmo Munepa a Mulluku akoonihelleeye. Vano ddeko nnddo kaddooneemi ddahaamba othiima.

2 Atesalonika 2:4

Aneerovaanyiha ddittheddene ddineeriwa mulluku naari ddoollapelliwa navettho aneeroddeera wi olliye tti ookhwaranya ddittheddene. Aneerovollowa nave aneerokeraatthi mu enyumba ya Mulluku niwiiromolla yeekhaaye wi tti Mulluku.

Ezekiele 3:12

Vano Munepa a Mulluku waakitukhulla nave otulli waka kahiiwa mawu amasiva wonanko echivomerezi yuullupalli, oollota wi, ‘Niriiheye ntitimiho na Apwiya nko enakhalliiwa.’ ”

Nchipo na Solomoni 8:5

Ethiyo olla ttaani anavenyera muutthakoni, amuhameelle ookondiwaaye? Namwalli Kahuuvenyiha vatthi va muteekho wa mapulosi. Vaavo sika amaayo yiithuwelliiwa vawuuyarani.

Yawuupullulla 1:10

Va nllapo na Apwiya kaahoollelliwa ni Munepa Waweella nave kahiiwa mawu oollotiwa moowella mutulli mwaka wonanko woopa wa nipallapata.

Daniele 11:36

Mwene oompoto aneereweera ddoopaalla ddaye nave aneeroddunnuwiha ni oddeesa muullupalli okhwaranya milluku ddittheddene naari Mulluku a milluku. Ddittheddene ddineeromweetella phaama ophiyera enthawi eyo Mulluku anaamullakeeye moowalli ekaamba yawi nnddo ddisimikiziwe ddineereweereya.

2 Mamwene 2:16

Nave alliwa yaamulleella wi, “Vano ngoonani, oorumeyellaanyu nookhalla ni athu 50 amasiva. Pepaani, akhullellani wi etimulle yamwaashaashe pwiinyu Eliya. Apaalle munepa a Apwiya oomukusa amuvokhella omwaangoni waamodda apaalle o ntapo.” Elisha ahaakhulla wi, “Iyaayi muhaarume.”

1 Mamwene 18:12

Apaalle mi kavenyavo mva, munepa a Apwiya ttuuwuuvenyihanivoni oya nko kihinadduwelleemiwo. Vano kaya kamulleella Ahabu, olliye aahuuphwanyanivoni aneerokiipha naari mi oorumeyellaanyu kiwoovaka Apwiya waambeella enamwanaaka.

Yawuupullulla 4:2

Enthawi yeeyo kaahoollelliwa ni Munepa Waweella nave kahoona oddullunko ori mpando wa omwene nave muthu mmodda akeraatthille vampandoni woomwenooyo.

Mitteko 8:39

Yakhumalliiwa m'maaddinimmo, Munepa a Apwiya aamukusavo Filipooyo. Muullupallooyo khaamoonille wiilli nave aavirellella olendwaaye addalliwe ni ehakallallo.

Mateyu 27:28

Yaamurulla ddoowara ddaye, emuwariha mukanjo woofiira.

Yawuupullulla 18:12

Khaavo anawa akulle golide, siliva, malluku oohiyanahiyana oowallamella mutengo, ekuwo ddaweellesesa, ddabululu, ddabafuta ni ddooreera ddoofiira, miteekho ddoohiyanahiyana dda nthuko naphaama ni ddeko ddoohiyanahiyana ddoovenyera o manyaka a ethepo, mikoko dda mukuwa ni aironi, marabulo,

Yawuupullulla 18:16

wi, “Otulli! Otulli! Muzinda woovuwooyo! Aaddollweella owara ekuwo ddaweellesesa, ddabululu ni ddooreera ddoofiira ni wiireeriha ni golide, malluku oohiyanahiyana oowallamella mutengo!