Yawuupullulla 17:12 - Mawu a Mulluku

¹² “Manyaka khumi woonilleewaayo sika mamwene khumi ayo ehinaambe olamulella nave eneerewaakhella olamulello wi elamulelle wa enthawi yooyeva vamodda ni enama yuullupalli yawoopiheeyo.

Yawuupullulla 17:12 ပူးပေါင်းရင်းမြစ်များ

Yawuupullulla 12:3

Oddullu wahooneyattho echizindikiro emodda, enowa yuullupalli yoofiira yookhalla ni miru mitthanu ni miilli ni manyaka khumi ni korona va orive muru.

Yawuupullulla 13:1

Nave kahoona enama yuullupalli yawoopiha ekhumaka mu enyanja. Yaari ni manyaka khumi ni miru mitthanu ni miilli, va nirive nnyaka vaakhalla korona* ni va orive muru vaalembiwa nnddina noomweerella epewe Mulluku.

Daniele 7:24

Manyaka khumi mamodda enooniha mamwene khumi ayo enaakhume mu omwene yoolla. Vatulli viwa vineeroowa mwene mmodda oohiyana ni mamwene mamodda akhalle. Olliye aneerewaagonjiha mamwene mararu.

Yawuupullulla 17:16

Manyaka khumi woonilleewe ni enama yuullupalli yawoopiha, ddineerewiitana ni hulooyo. Eneeromwaakha erive ello ariiyena eneeromuhiya ari epwillimwinddive, eneerottakhuna mwiillaaye nave eneeromwiipha voomoosani munllo.

Daniele 7:20

Kaapaallattho odduwella dda manyaka khumi a va muru vaye navettho dda nnyaka nimoddanne natullalle mamodda mararwaalle voomellani. Nna tti nnyaka nne naari ni miittho ni eyano yoollota ddawiitukhulla nave nooneya nuullupalli okhwaranya mattheene.

Yawuupullulla 18:19

Yahiihella nthupi m'muruni mwiwa nave yinlla ni ommorella ethakaraka ellota wi, “Otulli! Otulli! Muzinda woovuwooyo! Olla tti muzinda oyo athu attheene yaari ni ekallawa ddiwa ddaweeta va enyanja yaatukhuwa ni eyuumiiwa! Nave va enthawi yooyeva, eyuuma ettheeneelle yoomalla!”

Yawuupullulla 18:17

Koma va enthawi yooyeva eyuuma ettheeneelle yoomalla!” Ooweetiha ekallawa attheene, oowella ekallawa ni allupa mutteko a mu ekallawa, yaari voorekamella.

Yawuupullulla 18:10

Eneerewiimella voorekama ekaamba yawoova wi enaakawanena ddoohoosiwa ddaye. Eneerollota wi, “Otulli! Otulli Babiloni! Muzinda woovuwa ni wamasiva! Va enthawi yooyeva woollakiwa ddiidda!”

Yawuupullulla 10:11

Vano kaalleelliwa wi, “Ollotelle wiilli dda athu anchichi, mitundu ddinchichi, malloko manchichi, ellotello dda athu ddinchichi ni mamwene manchichi.”